Movie News

ఒకే కథతో మూడు సినిమాలు ఎలా సాధ్యం

తెరమీద కాదు వెనుక కూడా విచిత్రాలు జరగడం పరిశ్రమలో మాములే. కొన్ని బయటికి కనిపిస్తాయి. మరికొన్ని తెలియకుండా జరిగిపోతాయి. ఉదాహరణకు అప్పుడెప్పుడో కృష్ణంరాజు ప్రాణ స్నేహితులు బాగా ఆడితే దాన్ని రజనీకాంత్ అన్నామలైగా రీమేక్ చేసుకుని సూపర్ హిట్ కొట్టాడు. తిరిగి దీన్నే వెంకటేష్ కొండపల్లి రాజాగా మార్చుకుని విజయం సాధించాడు. బాషా తర్వాత సూపర్ స్టార్ మార్కెట్ పెరగడంతో అన్నామలైని బిర్లా రాముడుగా డబ్బింగ్ చేస్తే డబ్బులొచ్చాయి. వీటిలో ఉన్నదంతా ఒకే కథ. సన్నివేశాలు కూడా చాలా మటుకు ఒకేలా ఉంటాయి. ఇక వర్తమానానికి వద్దాం.

స్టార్ రైటర్ గా పేరున్న బెజవాడ ప్రసన్న కుమార్ మీద మొదట్లో ఒక కామెంట్ ఉండేది. ఒకే స్టోరీని మళ్ళీ మళ్ళీ అమ్ముతున్నాడని. దానికెప్పుడూ స్పందించలేదు కానీ ఇన్నేళ్ల తర్వాత ఒక ఇంటర్వ్యూలో వివరణ ఇచ్చాడు. సినిమా చూపిస్త మావాని రాజ్ తరుణ్ తో ప్లాన్ చేసుకున్నప్పుడు కాస్త బోల్డ్ కంటెంట్ ఆలోచించానని, కానీ హీరోయిన్ అవికా గోర్ అభ్యంతరం వల్ల దాన్ని మామా అల్లుళ్ళ కామెడీ డ్రామాగా మారిస్తే వర్కౌట్ అయ్యిందని చెప్పాడు. తర్వాత దిల్ రాజు అలాంటి పాయింట్ మీద సబ్జెక్టు అడగటంతో నాని నేను లోకల్ రాసిస్తే అది కూడా సక్సెస్ కావడం మర్చిపోలేని విషయమన్నాడు.

అక్కడితో అయిపోలేదు. తిరిగి హలో గురు ప్రేమ కోసమేలో ఇదే మామా అల్లుళ్ళ థ్రెడ్ కి ఫ్రెండ్ షిప్ ని జోడించి వినోదం, ప్రేమ పాలు పెంచితే అది కూడా హిట్టు లిస్టులో చేరిపోవడం గురించి వివరించాడు. ఈ మూడింటికి త్రినాథరావు నక్కిననే దర్శకుడు కావడం గమనార్హం. తక్కువ గ్యాప్ లో ఇలా జరగడం అరుదు. అలా అని దీన్ని పూర్తిగా వదిలేయలేదు ప్రసన్న. ధమాకాలో రవితేజ రావు రమేష్ మధ్య ఇలాంటి ఎపిసోడ్లు ఉంటాయి. నా సామిరంగకు దర్శకత్వం వహించే ఛాన్స్ ని తృటిలో మిస్ చేసుకున్న ప్రసన్న కుమార్ దాని రచయితగా మరో హిట్టు బొమ్మనయితే ఖాతాలో వేసుకున్నాడు.

This post was last modified on February 21, 2024 10:37 pm

Share

Recent Posts

బండ్ల గణేష్ కు జైలు శిక్ష

టాలీవుడ్ సినీ నిర్మాత, నటుడు బండ్ల గణేష్ కు ఒంగోలు కోర్టు ఏడాది జైలు శిక్ష విధించింది. చెక్ బౌన్స్…

7 minutes ago

‘శ‌బ‌రిమ‌ల‌ను తిరుమ‌ల చేస్తా’: సీఎం ప్ర‌క‌ట‌న.. సాధ్య‌మేనా?!

కొన్ని కొన్ని ప్ర‌క‌ట‌న‌లు విని ఊరుకోవాల్సిందే!. కానీ, నాయ‌కులు మాత్రం ఊద‌ర‌గొడుతూనే ఉంటారు. తాజాగా ప్ర‌పంచ ప్ర‌ఖ్యాత శ‌బ‌రిమ‌ల ఆల‌యాన్ని…

1 hour ago

లక్కీగా రేవంత్ సీఎం అయ్యారు: రాజగోపాల్ రెడ్డి

తనకు మంత్రి పదవి ఇస్తానని కాంగ్రెస్ అధిష్టానం మాట తప్పిందని మునుగోడు ఎమ్మెల్యే కోమటిరెడ్డి రాజగోపాల్ రెడ్డి బహిరంగంగానే గతంలో…

3 hours ago

ఈ విష‌యంలో మోడీని మెచ్చేసుకున్నారు!

అన్ని విష‌యాల్లోనూ కాక‌పోయినా.. కొన్ని కొన్నివిష‌యాల్లో ప్ర‌ధాని న‌రేంద్ర మోడీ చూపే చొర‌వ ప్ర‌శంస‌లు అందుకుంటోంది. తాజాగా ఫిలిప్పీన్స్ రాజ‌ధాని…

3 hours ago

‘వాళ్లంతా మూర్ఖులు.. వారికి సైన్స్ తెలీదు’

కేర‌ళ రాష్ట్రానికి చెందిన న‌టుడు, ప్ర‌స్తుతం కేంద్ర మంత్రిగా ఉన్న సురేష్ గోపి త‌న నోటికి ప‌ని చెప్పారు. బీజేపీ…

3 hours ago

సూర్యకు విలన్‌గా గోపీచంద్?

సీనియర్ హీరో గోపీచంద్ మొదట ‘తొలి వలపు’ సినిమాతో కథానాయకుడిగానే ప్రయాణం మొదలుపెట్టాడు కానీ.. అతడికి నటుడిగా మంచి పేరొచ్చింది…

3 hours ago