Movie News

వంద మిలియన్లు ముంచేసిన మేడమ్

మాములుగా స్పైడర్ మ్యాన్ అంటే విదేశాల్లోనే కాదు ఇండియాలోనూ విపరీతమైన క్రేజ్ ఉంది. సాలెగూడు మనిషి చేసే అద్భుతాలు దశాబ్దాలు గడుస్తున్నా, ఎన్ని భాగాలు తీస్తున్నా ఆడియన్స్ ఆదరిస్తూనే ఉన్నారు. అందుకే సీక్వెల్ అనౌన్స్ చేయడం ఆలస్యం క్రేజ్ వచ్చి పడుతుంది. దీనికి దగ్గరగా ఉండే కాన్సెప్ట్ తో మేడమ్ వెబ్ అనే కామిక్ సిరీస్ అమెరికాలో బాగా ప్రాచుర్యం పొందింది. దాన్ని సినిమాగా తీస్తే ఆడియన్స్ ఎగబడి చూస్తారనే ఆలోచనతో సోనీ, మర్వెల్ సంస్థలు సంయుక్తంగా భారీ బడ్జెట్ తో దీన్ని నిర్మించాయి. మొన్న శుక్రవారం ప్రేక్షకుల ముందుకొచ్చింది.

తీరా చూస్తే ఈ మేడమ్ వెబ్ థియేటర్ కు వచ్చిన జనాలను అయ్యో బాబోయ్ అంటూ పరిగెత్తేలా చేసింది. వచ్చిన టాక్ ప్రకారం చూసుకుంటే ఎంత లేదన్నా 100 మిలియన్ డాలర్ల నష్టం తప్పదని ట్రేడ్ విశ్లేషకులు అంచనా వేస్తున్నారు. కేవలం గ్రాఫిక్స్ ని నమ్ముకుని కంటెంట్, ఎమోషన్స్ ని గాలికి వదిలేస్తున్న హాలీవుడ్ మేకర్స్ కి ఇదో గుణపాఠంగా నిలుస్తుందని తలంటుతున్నారు. కనీసం పిల్లలను ఆకట్టుకునేలా ఉన్నా ఏదోలా బాక్సాఫీస్ వద్ద గట్టెక్కొచ్చు కానీ వాళ్ళను సైతం కనీస స్థాయిలో మెప్పించలేకపోతే వందల కోట్లు ఖర్చు పెట్టి ప్రయోజనం ఏంటని దుమ్మెత్తి పోస్తున్నారు.

క్లార్క్ సన్ దర్శకత్వం వహించిన ఈ అద్భుత కళాఖండంకు మొదటి రోజే చాలా చోట్ల షోలు క్యాన్సిల్ అవుతున్న దుస్థితి వచ్చేసింది. పట్టుమని రెండు గంటల పాటు ఎంగేజ్ చేయలేనంత నాసిరకంగా సినిమా తీసినందుకు మార్వెల్ ఖచ్చితంగా చింతిస్తుంది. ఇదే తరహాలో మొన్నామధ్య వచ్చిన ది మార్వెల్స్ ఘోరంగా దెబ్బ తినగా గత రెండేళ్లుగా తీసిన సినిమాల నుంచి ఆశించిన ఫలితాలు దక్కడం లేదు. మనం ఇక్కడ ఆదికేశవ, ఎక్స్ ట్రాడినరి మ్యాన్ లాంటివి రొటీన్ కంటెంట్ అంటూ ట్రోల్ చేస్తాం కానీ హాలీవుడ్ లో మేడమ్ వెబ్ లాంటివి అంతకు మించే టార్చర్ పెడుతున్నాయి.

This post was last modified on February 18, 2024 2:26 pm

Share
Show comments
Published by
Satya

Recent Posts

తెలుగు సినిమాకు పెద్ద దిక్కు లేదా?

ఇండ‌స్ట్రీ పెద్ద ఎవ‌రు..? ఈ ప్ర‌శ్న టాలీవుడ్లో త‌ర‌చుగా వినిపిస్తుంటుంది. ఒక‌ప్పుడు ద‌ర్శ‌క ర‌త్న దాస‌రి నారాయ‌ణరావు ఈ పాత్ర‌ను…

1 hour ago

ఎల‌క్ష‌న్ ఎఫెక్ట్… లుక్ మార్చిన మోదీ

ఎన్నిక‌లు అన‌గానే నాయ‌కుల్లో మార్పులు స‌హ‌జం. మ‌రీ ముఖ్యంగా ప్ర‌ధాన మంత్రిన‌రేంద్ర మోడీ అయితే.. మ‌రింత ఎక్కువ‌గా శ్ర‌ద్ధ తీసుకుంటారు.…

3 hours ago

తమన్నాకు తెలుగులో మళ్లీ ఓ మంచి ఛాన్స్?

ఒకప్పుడు టాలీవుడ్లో తిరుగులేని ఆధిపత్యం చలాయించిన కథానాయికల్లో తమన్నా ఒకరు. టీనేజీలోనే కథానాయిక అవతారం ఎత్తిన ఆమె పదేళ్లకు పైగానే టాప్…

8 hours ago

8 వారాల వైపు సీరియస్ అడుగులు

థియేటర్, ఓటిటి మధ్య ఖచ్చితంగా ఎనిమిది వారాల గ్యాప్ ఉండాలనే నిబంధన మీద దక్షిణాది ఇండస్ట్రీ పెద్దలు చాలా సీరియస్…

8 hours ago

ఈసారి జ‌గ‌న్ వదిలిన ట్రోల్ పాయింట్?

అధికారంలోకి రావ‌డానికి ముందు వ‌ర‌కు వైఎస్ జ‌గ‌న్మోహ‌న్ రెడ్డి చాలా ఫెరోషియ‌స్‌గా క‌నిపించేవారు. అవినీతి కేసుల వ్య‌వ‌హారం పక్క‌న పెడితే…

9 hours ago

బన్నీ గ్లింప్స్ షారుఖ్ చేతుల మీదుగా?

‘బాహుబలి’ సినిమాకు బాలీవుడ్ నుంచి అప్పట్లో ఎంత గొప్ప సహకారం అందిందో తెలిసిందే. కరణ్ జోహార్ లాంటి అగ్ర నిర్మాత ఆ…

9 hours ago