కొన్నేళ్లుగా వరుస డిజాస్టర్లతో సతమతమవుతున్నాడు యువ కథానాయకుడు నితిన్. అతడి చివరి సినిమా ఎక్స్ట్రా ఆర్డినరీ మ్యాన్ కు కూడా అదే ఫలితం వచ్చింది. దీంతో నితిన్ ఆశలన్నీ తన కొత్త చిత్రం రాబిన్ హుడ్ మీదే ఉన్నాయి. నితిన్ కు చివరిగా భీష్మతో హిట్ ఇచ్చిన దర్శకుడు వెంకీ కుడుముల ఈ చిత్రాన్ని తెరకెక్కిస్తుండడంతో దీనిపై మంచి అంచనాలే ఉన్నాయి. మైత్రి మూవీ మేకర్స్ లాంటి అగ్ర నిర్మాణ సంస్థ ఈ చిత్రాన్ని ప్రొడ్యూస్ చేస్తోంది. తాజాగా రిలీజ్ చేసిన టైటిల్, కాన్సెప్ట్ టీజర్ మంచి హ్యూమర్ తో సాగి ప్రేక్షకులను ఆకట్టుకుంది.
అయితే టీజర్లో కానీ, దీని గురించి ఇచ్చిన ప్రెస్ నోట్లో కానీ ఎక్కడా హీరోయిన్ ప్రస్తావన లేదు. ఈ సినిమాను అనౌన్స్ చేసినప్పుడు రష్మిక మందన్నాను కథానాయకగా ఎంచుకున్నారు. భీష్మ కాంబినేషన్ రిపీట్ అంటూ ఒక మంచి టీజర్ కూడా కట్ చేశారు. కానీ డేట్లు సర్దుబాటులో కాకో మరో కారణంతోనో రష్మిక ఈ చిత్రం నుంచి తప్పుకుంది. ఇది జరిగి కూడా కొన్ని నెలలు గడిచింది. కొంత షూటింగ్ కూడా జరిగింది. కానీ హీరోయిన్ సంగతే తేలలేదు.
రష్మిక స్థానంలో ఎవరినైనా ఎంపిక చేశారా ఇంకా శోధన జరుగుతోందా అన్నది క్లారిటీ లేదు. హీరోయిన్ ఎవరో తెలియకుండా ఒక క్రేజీ ప్రాజెక్టు షూటింగ్ మధ్యలో ఉండటం అరుదైన విషయం. సాధ్యమైనంత త్వరగా హీరోయిన్ని ఖరారు చేసి, అనౌన్స్ చేయాలని నితిన్ ఫ్యాన్స్ కోరుకుంటున్నారు.
మలయాళ హీరో అయినప్పటికీ సలార్ నుంచి పృథ్విరాజ్ సుకుమారన్ కు మన దగ్గర కూడా ఫాలోయింగ్ ఏర్పడింది. ఆ నమ్మకంతోనే…
ఘట్టమనేని మూడో తరం నుంచి మొదటి వారసుడు జయకృష్ణ తొలి సినిమా శ్రీనివాస మంగాపురం జూలై 30 విడుదలకు రెడీ…
ఏపీలో అరెస్టుల పర్వం కొనసాగుతోంది. ఇప్పటికే ప్రముఖులపై అసభ్యకరమైన రీతిలో వ్యాఖ్యలు చేసిన కారణంగా ప్రశ్న రావణ్ సహా పలువురు…
టాలీవుడ్ ప్యాన్ ఇండియా సినిమాల వ్యవహారం అదిగో పులి ఇదిగో తోక కథలా మారిపోయింది. ఒక డేట్ వేయడం, దానికి…
పశ్చిమాసియాలో నెలకొన్న శాంతియుత పరిస్థితులు మళ్లీ ఉద్రిక్తంగా మారిపోయాయి. ఇరాన్ ను లక్ష్యంగా చేసుకుని అమెరికా భీకర దాడులకు దిగింది.…
భుజానికి అయిన గాయానికి శస్త్ర చికిత్స చేయించుకున్న జనసేన అధినేత, ఏపీ డిప్యూటీ సీఎం పవన్ కల్యాణ్ ప్రస్తుతం ముంబై…