Movie News

హనుమాన్ సిరీస్ లో 11 సినిమాలు

దర్శకుడు ప్రశాంత్ వర్మ కాన్ఫిడెన్స్ అంతా ఇంతా కాదు. విపరీతమైన ఒత్తిడి ఉందని, సెన్సార్ కు సైతం అడ్డుపడుతున్నారని చెబుతూనే జనవరి 12 విడుదల తేదీ నుంచి ఎట్టి పరిస్థితుల్లో హనుమాన్ ని తప్పించేందుకు ఇష్టడటం లేదు. మిగిలిన నాలుగు సినిమాలతో ఢీ కొట్టేందుకే నిర్మాతలతో కలిసి రెడీ అయ్యాడు. అయితే తన సినిమాటిక్ యునివర్స్ లో ఇది కేవలం మొదటి భాగమే అంటున్నాడు. మొత్తం 12 సినిమాలు ఉంటాయని, నెక్స్ట్ అధీరాతో ఇది కొనసాగుతుందని, మూడోది ఫిమేల్ ఓరియెంటెడ్ గా సాగుతూనే ఫాంటసీ బ్యాక్ డ్రాప్ ని కొనసాగిస్తానని చెబుతున్నాడు. ప్లాన్స్ గట్టిగానే ఉన్నాయి.

ఇది కార్యరూపం దాల్చాలంటే హనుమాన్ బ్లాక్ బస్టర్ కి తక్కువగా ఆడకూడదు. డిస్ట్రిబ్యూషన్ పరంగా మైత్రి అండ దొరికింది కానీ గుంటూరు కారంతో పాటు వెంకటేష్, రవితేజ, నాగార్జునలను కాచుకోవడం అంత సులభంగా ఉండదు. టాక్ బాగా రావడం ఒక ఎత్తయితే వాటిని కలెక్షన్లుగా మార్చుకోవడం మరో సవాల్. హనుమంతుడి సెంటిమెంట్ తో పాటు జనాల్లో క్రమంగా పెరుగుతున్న అయోధ్య శ్రీరామ ఆలయ ప్రారంభం తాలూకు ఆధ్యాత్మిక చింతన ఖచ్చితంగా వసూళ్లను తెస్తుందని నమ్ముతున్నారు. ఈ లెక్కలు ఎలా ఉన్నా ఫైనల్ గా మాట్లాడాల్సింది తెరమీద కనిపించే అవుట్ ఫుట్.  

క్యాస్టింగ్ పరంగా చిన్న సినిమా కాబట్టి ప్రశాంత్ వర్మ సింపతీ కార్డు ప్లే చేస్తున్నాడనే కామెంట్స్ ఇండస్ట్రీలోనే వినిపిస్తున్నాయి. అయినా సానుభూతి మీద ఆడియన్స్ టికెట్లు కొనరు కాబట్టి చివరిగా సినిమా ఎలా వచ్చిందనేది ముఖ్యం. సరిపడా స్క్రీన్లు సమకూర్చుకునే పనిలో హనుమాన్ బిజీగా ఉన్నాడు. బ్యాక్ ఎండ్ లో గీతా ఆర్ట్స్ మద్దతు కూడా ఉందని అంతర్గతంగా వినిపిస్తున్న మాట. రెండు బడా సంస్థలు తోడుగా ఉంటే పంపిణి సాఫీగా జరుగుతుంది. అమృత అయ్యర్ హీరోయిన్ గా నటించిన హనుమాన్ సెలబ్రిటీల మద్దతు తీసుకునేందుకు ప్రశాంత్ వర్మ అన్ని రకాల ప్రయత్నాలు చేస్తున్నాడు. 

This post was last modified on January 1, 2024 5:29 pm

Share

Recent Posts

ఛలో దర్శకుడిని తిట్టారా పొగిడారా

టాలీవుడ్ టాలెంటెడ్ దర్శకుల్లో వెంకీ కుడుముల పేరు ఖచ్చితంగా ఉంటుంది. రష్మిక మందన్న ఇవాళ ఈ స్థాయికి వచ్చిందంటే ఛలో…

11 minutes ago

లిఫ్ట్ అడిగేటప్పుడు జాగ్రత్త మహిళలు

మహిళల భద్రతపై మరోసారి ఆందోళన కలిగించే ఘటన తెలంగాణలో చోటుచేసుకుంది. ఇంటికి వెళ్లేందుకు ఆటోలో లిఫ్ట్ ఇస్తామని నమ్మించిన ఇద్దరు…

30 minutes ago

అక్రమ సంబంధాల వివాదం… మళ్ళీ సీఈవోగా వస్తానంటున్న జెన్సెన్

ప్రపంచ టెక్ రంగంలో సంచలనం సృష్టించిన ఎన్విడియా మాజీ సీఈవో జెన్సెన్ హువాంగ్ వ్యవహారం మరో మలుపు తిరిగింది. వివాహేతర…

46 minutes ago

పాపం… ట్రైన్ ఎక్కిద్దాం అని వెళ్ళి ఫైన్ కట్టి వచ్చారు

బంధువులను రైలు ఎక్కించడానికి వెళ్లినవాళ్లు అనుకోకుండా అదే రైలులో ప్రయాణించాల్సి వచ్చింది. పైగా టికెట్లు లేకపోవడంతో ఏకంగా రూ.36,140 చెల్లించాల్సి…

56 minutes ago

చిరు లీక్స్ రొటీన్ అవుతున్నాయా

మెగాస్టార్ చిరంజీవి స్క్రీన్ మీదే కాదు స్టేజి పైన ఉన్నప్పుడు కూడా ఆయన ఎనర్జీ వేరే లెవెల్ లో ఉంటుంది.…

59 minutes ago

విజయ్‌తో ఫొటో.. పనిమనిషి కల నిజం చేసిన ప్రియాంక గాంధీ

ప్రియాంక గాంధీ తన ఇంట్లో గత 22 ఏళ్లుగా పనిచేస్తున్న మహిళకు ఒక మధురమైన అనుభూతిని అందించారు. తమిళనాడు సీఎం…

2 hours ago