నవ్వకపోతే డబ్బులు వాపస్.. ఇంకోసారి

గత నెలలో వచ్చిన మ్యాడ్ అనే చిన్న సినిమాకు ఒక వెరైటీ ఆఫర్ ఇచ్చాడు నిర్మాత నాగ వంశీ. జాతిరత్నాలు మూవీలో కంటే మ్యాడ్ మూవీకి తక్కువ నవ్వితే టికెట్ డబ్బులు వాపస్ ఇచ్చేస్తానని అతను సవాల్ చేశాడు. అయితే మ్యాడ్ మూవీలో కామెడీ బాగానే ఉండడంతో ప్రేక్షకుల నుంచి పెద్దగా కంప్లైంట్స్ లేకపోయాయి. లేదంటే నాగ వంశీ మాటలు పెద్ద ట్రోల్ మెటీరియల్ లాగా మారిపోయేవేమో. ఇప్పుడు మరో ఫిలిం సెలబ్రిటీ తన సినిమాకు సంబంధించిన ప్రెస్ మీట్లో ఇలాంటి ఛాలెంజే చేశాడు. అతను ఎవరో కాదు యంగ్ హీరో నితిన్. మ్యాడ్ సినిమాను గుర్తుచేస్తూ అతనీ ఛాలెంజ్ చేయడం విశేషం.

తన కొత్త చిత్రం ‘ఎక్స్ట్రా ఆర్డినరీ మ్యాన్’ ప్రెస్ మీట్లో నితిన్ మాట్లాడుతూ.. మ్యాడ్ సినిమా చూసి ప్రేక్షకులు నవ్వకపోతే టికెట్ డబ్బులు వాపస్ ఇస్తానని నిర్మాత నాగ వంశీ అన్నాడని.. తాను కూడా ఎక్స్ట్రా విషయంలో అలాంటి సవాలే చేస్తున్నానని.. ఈ సినిమా చూసి ప్రేక్షకులు నవ్వకపోతే టికెట్ డబ్బులు నాగ వంశీనే వాపస్ ఇస్తాడని.. ఆయనకి తనకు చాలా లావాదేవీలు ఉన్నాయని నితిన్ నవ్వుతూ అన్నాడు. కాగా ఈ వీడియోకు సంబంధించిన ట్వీట్ మీద నాగ వంశీ స్పందిస్తూ.. ఆ రోజేదో మ్యాడ్ సినిమా వైబ్ లో అలా అన్నానని.. తనను లాక్ చేస్తే ఎలా అని ఒక కామెడీ ఇమేజ్ తో రిప్లై ఇచ్చాడు. ఈ సంభాషణ నెటిజన్లను బాగా ఆకర్షిస్తోంది.

మరి ‘నవ్వకుంటే టికెట్ డబ్బులు వాపస్’ సెంటిమెంట్ మరోసారి పనిచేసే మ్యాడ్ లాగే ఎక్స్ట్రా కూడా మంచి హిట్ అవుతుందేమో చూడాలి. వక్కంతం వంశీ డైరెక్ట్ చేసిన ఈ చిత్రం డిసెంబరు 8న ప్రేక్షకులకు ముందుకు రానున్న సంగతి తెలిసిందే.