ఊపేస్తున్న యానిమల్ విలన్ పాట

యానిమల్ సినిమా కొందరికి పిచ్చిపిచ్చిగా నచ్చేసింది. కొందరు దాన్ని తీవ్రంగా విమర్శిస్తున్నారు. మరికొందరు ఓకే అంటున్నారు. ఆ చిత్రం అయితే టాక్ ఆఫ్ ద ఇండియన్ సినిమాగా మారిపోయింది అన్నది మాత్రం వాస్తవం. విడుదలకు ముందు రోజు నుంచే యానిమల్ ఫీవర్ ఎక్కించేసుకున్న నెటిజన్లు.. ఇక రిలీజ్ రోజు ఉదయం నుంచి ఈ సినిమా ముచ్చట్లతోనే సోషల్ మీడియాను నింపేస్తున్నారు. ముఖ్యంగా ఈ సినిమాలో వచ్చే ఒక బిట్ సాంగ్ వైరల్ అవుతోంది.

యానిమల్ లో హైలెట్లుగా చెప్పుకోదగ్గ ఎపిసోడ్లలో విలన్ బాబి డియోల్ పాత్ర ఇంట్లో సన్నివేశం ఒకటి. అతడి మూడో పెళ్లి జరుగుతుండగా తన పాత్రను పరిచయం చేస్తారు. ఆ సమయంలో చిన్న పిల్లల వాయిస్ తో ఒక పాట ప్లే అవుతుంది బ్యాగ్రౌండ్లో. ఆ బిట్ సాంగ్ లెంగ్త్ తక్కువే కానీ దాని ఇంపాక్ట్ మాత్రం గట్టిగానే ఉంది ప్రేక్షకులపై. ఈ పాట ఇప్పుడు సోషల్ మీడియాను ఊపేస్తోంది.

కొత్త సినిమాల నుంచి ఏ చిన్న కంటెంట్ దొరికినా వదలని తెలుగు మీమర్స్ అయితే ఈ పాటను మామూలుగా వాడట్లేదు. రకరకాల సిచువేషన్లకు ఈ పాటను సింక్ చేసి మీమ్స్ ఆ పేలుస్తున్నారు. నిజానికి ఈ పాట యానిమల్ మ్యూజిక్ కంపోజర్స్ క్రియేట్ చేసింది కాదు. జమాల్ జమాలూ అనే అరబిక్ పాట నుంచి ఈ మ్యూజిక్ బిట్ తీసుకున్నారు. అది సినిమాలో భలేగా సెట్ అయింది. మంచి ఊపున్న ఇప్పుడు సోషల్ మీడియాను ఊపేస్తోంది. సినిమాలో బ్యాక్ గ్రౌండ్ స్కోర్.. కొన్ని పాటలకు.. మంచి రెస్పాన్స్ రాగా.. సోషల్ మీడియాలో మాత్రం ఈ మ్యూజిక్ బిట్టే ట్రెండ్ అవుతోంది.