ఆర్ఎక్స్ 100తో సెన్సేషన్ క్రియేట్ చేసిన దర్శకుడు అజయ్ భూపతి. తన తొలి చిత్రానికి వెరైటీ టైటిల్ పెట్టిన అజయ్.. రెండో సినిమాకు మహాసముద్రం అనే మంచి వెయిట్ ఉన్న టైటిల్ పెట్టాడు. కానీ అది సరైన ఫలితాన్నివ్వలేదు. మూడో చిత్రానికి మంగళవారం అనే మరో డిఫరెంట్ టైటిల్ పెట్టాడు. ఈ సినిమా పట్ల ప్రేక్షకుల్లో ఆసక్తి కలగడానికి తొలి కారణం టైటిలే. ఆ టైటిల్తో ముడిపడి ఒక బూతు సామెత ఉండటంతో.. బోల్డ్ డైరెక్టర్గా పేరున్న అజయ్ భూపతి ఆ కోణంలోనే టైటిల్ పెట్టాడేమో అన్న సందేహాలు కలిగాయి.
కానీ మంగళవారం ట్రైలర్ లాంచ్ కార్యక్రమంలో టైటిల్ విషయమై అతను వివరణ ఇచ్చాడు. అందరూ అనుకుంటున్న బూతు సామెతకు ఈ టైటిల్కు ఏ సంబంధం లేదని అజయ్ స్పష్టత ఇచ్చాడు. సోషల్ మీడియాలో టైటిల్ గురించి రకరకాలుగా అనుకుంటుండటం చూశానని.. కానీ సినిమా చూస్తే ఆ ప్రచారాలకు టైటిల్కు సంబంధం ఏమీ లేదని అర్థమవుతుందని అజయ్ తెలిపాడు. ఈ చిత్రానికి ఇది యాప్ట్ టైటిల్ అని.. రేప్పొద్దున సినిమా చూసినపుడు అది ప్రేక్షకులకు బాగా అర్థమవుతుందని అజయ్ తెలిపాడు.
ఇక ఈ సినిమా కథ గురించి చెబుతూ.. ఇండియాలో ఇప్పటిదాకా ఎవరూ టచ్ చేయని పాయింట్ను తాను టచ్ చేశానని నమ్ముతున్నానని అజయ్ తెలిపాడు. ఆర్ఎక్స్ 100లో ఒక కొత్త కథను చూసి ప్రేక్షకులు గొప్పగా ఆదరించారని.. మంగళవారం సినిమాలో కూడా అలాంటి కొత్త కథనే చూసి ఆడియన్స్ ఎంజాయ్ చేస్తారని నమ్మకం ఉందని అజయ్ తెలిపాడు. తన రెండో సినిమా మహాసముద్రం ఫ్లాప్ అయినప్పటికీ.. అది తీసింది కూడా తానే కాబట్టి దాన్ని ఇష్టపడతానని.. అందుకే పోస్టర్ మీద ఆ సినిమా పేరు కూడా వేశానని అజయ్ చెప్పాడు. త్వరలో తాను కార్తికేయ హీరోగా ఓ భారీ చిత్రం చేయనున్నట్లు అజయ్ వెల్లడించాడు.
This post was last modified on October 22, 2023 10:13 am
దాదాపు రెండేళ్ల తర్వాత.. ఏపీలో మరోసారి ఎన్నికలకు రంగం రెడీ అవుతోంది. గ్రామ పంచాయతీ సహా.. స్థానిక సంస్థల ఎన్నికలకు…
పెద్ది రీ రికార్డింగ్ ఎక్కడిదాకా వచ్చిందో ఇంకా క్లారిటీ లేదు. అడుగుదామంటే దర్శకుడు బుచ్చిబాబు బయట కనిపించే పరిస్థితిలో లేరు.…
తెలంగాణలోని సింగిల్ థియేటర్లలో అద్దె విధానానికి స్వస్తి పలికి పర్సంటేజీ పద్ధతిని తీసుకురావాలని ఇక్కడి ఎగ్జిబిటర్లు ఎప్పట్నుంచో డిమాండ్ చేస్తూ…
తినుబండారాలు అంటే చాలా మందికి అర్థం కాదేమో. ఎందుకంటే మనోళ్లంతా ఇప్పుడు ఆ తినుబండారాలకు స్నాక్స్ అని పేరు పెట్టుకున్నారు…
తాజాగా జరిగిన తెలంగాణ ఎగ్జిబిటర్ల సమావేశంలో సింగల్ స్క్రీన్లకు పర్సెంటేజ్ విధానం అమలు చేయడం గురించి పెద్ద చర్చే జరిగింది.…
అప్డేట్స్ కంటే పుకార్లతో ఎక్కువ కాలక్షేపం చేస్తున్న సినిమా విశ్వంభర. చిరంజీవి అంతటి మెగాస్టార్ తో తీసిన ఈ ప్యాన్…