Movie News

మగాడు అనిపించుకునే ‘ఫ్యామిలీ స్టార్’

రౌడీ బాయ్ గా అగ్రెసివ్ హీరోయిజంతో చేసిన ప్రయత్నాలు అచ్చిరాకపోవడంతో విజయ్ దేవరకొండ తిరిగి తన గీత గోవిందం స్కూల్ కు వచ్చేశాడు. ఖుషి ఆశించిన స్థాయిలో గొప్ప ఫలితం అందుకోనప్పటికీ హీరోగా తన స్థాయిని కాపాడటంలో సక్సెస్ అయ్యింది. లైగర్ గాయాన్ని మాన్పడానికి దోహదపడింది. ఇప్పుడు మరోసారి కుటుంబ ప్రేక్షకులకు దగ్గరయ్యే ఉద్దేశంతో ఫ్యామిలీ స్టార్ గా రాబోతున్నాడు. సర్కారు వారి పాట తర్వాత దర్శకుడు పరశురామ్ పేట్ల ఈసారి నిర్మాత దిల్ రాజుతో చేయి కలిపి తీసుకొస్తున్న ఎంటర్ టైనరిది. టైటిల్ రివీల్ చేసే చిన్న టీజర్ ని ఇందాక రిలీజ్ చేశారు.

అతనో సగటు మధ్య తరగతి యువకుడు(విజయ్ దేవరకొండ). ఉదయాన్నే లేచి పాల ప్యాకెట్లు ఉల్లిపాయలు తెచ్చి, పిల్లల్ని స్కూల్ కి డ్రాప్ చేసే మాములు మనస్తత్వం. గొడవలకు దూరంగా ఉంటాడని అందరూ అనుకుంటారు. ఓ పంచాయితీ కోసం లోకల్ డాన్(అజయ్ ఘోష్) ఇతన్ని పిలిపిస్తాడు. ఒక మాములు మనిషివి, ఆడవాళ్ళ పనులు చేసే వాడివని ఎగతాళి చేస్తాడు. దానికి ధీటుగా బదులిచ్చిన ఆ కుర్రాడు ఓ ఇనుప రాడ్ ని నిలువునా వంచడమే కాదు ఓ రౌడీ తలకాయ బద్దలు కొట్టి సారీ చెప్పేస్తాడు. టెంకాయ తేవడం మర్చిపోయానని ఎగతాళిగా కౌంటర్ ఇస్తాడు.

క్లాసునే కాదు మాసుని ఆకట్టుకునేలా పరశురామ్ హీరో క్యారెక్టరైజేషన్ ని తీర్చిదిద్దిన తీరు బాగుంది. విజయ్ దేవరకొండని ఎలా వాడుకుంటే బ్యాలన్స్ అవుతుందో అతడు స్టైల్ లో డిజైన్ చేసిన సీన్ చిన్నదే అయినా బాగా పేలింది. హీరోయిన్ మృణాల్ ఠాకూర్ ని ఒక్క ఫ్రేమ్ కే పరిమితం చేశారు. తను, విజయ్ దేవరకొండ భార్య భర్తలుగా నటిస్తున్న క్లారిటీ ఇచ్చారు కాబట్టి ఇది లవ్ స్టోరీ కన్నా ఎక్కువగా కుటుంబ కథగా ఉండబోతోంది. గోపి సుందర్ నేపధ్య సంగీతం, మోహనన్ ఛాయాగ్రహణం సింపుల్ అండ్ కూల్ గా ఉన్నాయి. సంక్రాంతి బెర్తుని మరోసారి కన్ఫర్మ్ చేసిన ఫ్యామిలీ స్టార్ పెద్ద పోటీకి సిద్ధమయ్యాడు.  

This post was last modified on October 18, 2023 10:22 pm

Share

Recent Posts

బిసి సెంటర్స్‌లో ‘రిపీట్’ కావడం లేదా

మొన్న శుక్రవారం విడుదలైన ఈ నగరానికి ఏమైంది రిపీట్ అంచనాలకు మించి హైదరాబాద్, ఓవర్సీస్ లో అదరగొడుతోంది. వసూళ్లు ఊహించిన…

2 hours ago

ఓమ్‌లో ఎన్ని రెఫరెన్సులు ఉన్నాయో

టాక్ మిశ్రమంగా ఉన్నా ఓమ్ వసూళ్లు బాగున్నాయి. వీకెండ్ తర్వాత ఎంత శాతం డ్రాప్ ఉంటుందనేది రెండు రోజులు ఆగితే…

3 hours ago

భోగి మంటల్లో శత్రువుల దహనం

టాలీవుడ్ తెరమీద రక్తధారలు కొనసాగుతున్నాయి. హీరోలు మారుతున్నా వయొలెన్స్ బ్యాక్ డ్రాప్ సినిమాలు కాసులు కురిపించే దిశగా ప్రేక్షకులు ముందుకు…

4 hours ago

యూపీ సీఎంలా పాలిస్తానంటున్న ఏపీ స్వామీజీ

ఏపీ పంచాయ‌తీ ఎన్నిక‌ల వేళ ఓ స్వామీజీ కూడా ఎన్నిక‌ల రంగంలోకి దిగారు. ఉమ్మ‌డి అనంత‌పురం జిల్లా మడకశిర నియోజ‌క‌వ‌ర్గంలోని…

4 hours ago

జ‌గ‌న్ ప‌ట్టు.. ష‌ర్మిల పంతం.. ముదిరిన ప్యాలెస్ వివాదం!

త‌న కుమార్తె అంజ‌లి పెళ్లిని బెంగ‌ళూరులోని య‌ల‌హంక ప్యాలెస్‌లో చేస్తామ‌ని ప్ర‌క‌టించిన ఏపీ కాంగ్రెస్ అధ్య‌క్షురాలు ష‌ర్మిల పంతం ఒక‌వైపు..…

5 hours ago

పంచాయ‌తీ ఎన్నిక‌ల్లో `ప‌ట్టింపు` లేదు.. ఎవ‌రైనా పోటీ చేయండి: జ‌న‌సేన‌

ఏపీలో గ్రామ పంచాయ‌తీ ఎన్నిక‌ల కోలాహ‌లం జ‌రుగుతున్న క్ర‌మంలో జ‌న‌సేన పార్టీ కీల‌క నిర్ణ‌యం తీసుకుంది. ఈ ఎన్నిక‌ల్లో ఎలాంటి…

5 hours ago