ఎఫ్3 తర్వాత పెద్దగా కనిపించకుండా పోయిన మెహ్రీన్ హీరోయిన్ గా ఒక కొత్త హీరోతో సినిమా వస్తోందంటే విశేషమే. అదే స్పార్క్ లైఫ్. టైటిల్ ఏదో వెరైటీగా ఉన్నా కథానాయకుడిగా పరిచయమవుతున్న విక్రాంత్ సెటప్ మాత్రం భారీగా కనిపిస్తోంది. నవంబర్ 17 విడుదల కాబోతున్న ఈ క్రైమ్ కం లవ్ థ్రిల్లర్ కి దర్శకుడి పేరు లేదు. బ్యానర్ పేరు మీదే ఏ ఫిలిం బై అని వేసుకున్నారు కానీ కథ స్క్రీన్ ప్లే సమకూర్చింది మాత్రం విక్రాంతే. ఖుషి, హాయ్ నాన్నలతో తెలుగు ప్రేక్షకులకు దగ్గరైన హేశం అబ్దుల్ వహాబ్ దీనికి సంగీతం అందించడం విశేషం. మూడు నిమిషాల ట్రైలర్ ఇందాక లాంచ్ చేశారు.
జీవితంలో ఎన్నో కలలు ఏదో సాధించాలనే తపనతో ఉన్న కుర్రాడు(విక్రాంత్) తొలిచూపులోనే ఓ అమ్మాయి(రుక్సర్ ధిల్లాన్) ని ఇష్టపడి ప్రేమించడం మొదలుపెడతాడు. ఇతని వెనుక మరో లవర్(మెహ్రీన్) వెంటపడుతుంది. ఏదో ట్రయాంగిల్ లవ్ స్టోరీగా వెళ్తున్న క్రమంలో కొన్ని అనూహ్య సంఘటనలు జరిగి ఆ అబ్బాయి దారుణంగా అమ్మాయిలను హత్య చేసే కిల్లరని బయట పడుతుంది. పోలీసులు పట్టుకునేందుకు విశ్వప్రయత్నాలు చేస్తారు. ఇక్కడి నుంచి హింస ఇంకో స్థాయిలో వెళ్తుంది. కొన్ని సైన్స్ ఫిక్షన్ అంశాలు తోడవుతాయి. ఇదంతా ఎలా జరిగిందో తెలుసుకోవడమే స్పార్క్ లైఫ్.
విజువల్స్ చూస్తే ప్రొడక్షన్ వేల్యూస్ చాలా భారీగా ఖర్చు పెట్టినట్టు స్పష్టంగా కనిపిస్తోంది. నాజర్, సుహాసిని, బ్రహ్మాజీ, సత్య, శ్రీకాంత్ అయ్యంగార్, అన్నపూర్ణమ్మ, రాజా రవీంద్ర ఇలా పెద్ద క్యాస్టింగ్ నే పెట్టుకున్నారు. హేశం బ్యాక్ గ్రౌండ్ స్కోర్, అశోక్ కుమార్ ఛాయాగ్రహణం క్వాలిటీని ఇంకాస్త పైకి తీసుకెళ్లాయి. స్టార్ హీరో రేంజ్ లో ఇంత బడ్జెట్ పెట్టడం ఆశ్చర్యం కలిగిస్తుంది. యుఎస్ లో జాబ్ చేస్తున్న విక్రాంత్ నటన మీద ఆసక్తితో ఈ స్పార్క్ తీశానని పలు సందర్భాల్లో చెప్పుకున్నాడు. కంటెంట్ విభిన్నంగా ఉంది. ఇతని నటనతో పాటు కంటెంట్ ని జడ్జ్ చేయాలంటే ఇంకో నెల ఆగాలి.
This post was last modified on October 14, 2023 7:04 pm
రేపు, ఎల్లుండి తేదీల్లో వరసగా టాలీవుడ్ బాక్సాఫీస్ మీదకు ఏడుకి పైగా సినిమాలు దండయాత్ర చేయబోతున్నాయి. స్టార్ క్యాస్టింగ్ ఉన్నవి…
తాము ఎవ‌రికీ `బీ-టీం` కాద‌ని రాజ్య‌స‌భ మాజీ స‌భ్యుడు వేణంబాకం విజయసాయిరెడ్డి స్ప‌ష్టం చేశారు. త‌మ‌పార్టీ పుట్ట‌క ముందే.. వైసీపీ,…
వైసీపీ మాజీ నేత, మాజీ ఎంపీ వేణుంబాక విజయసాయిరెడ్డి తన కొత్త పార్టీ పేరును ఈ రోజు ప్రకటించారు. కొద్ది…
డీజే టిల్లు బ్లాక్ బస్టర్ అయ్యాక సిద్దు జొన్నలగడ్డ ఎక్కడికో వెళ్ళిపోతాడని అందరూ భావించారు. దానికి తగ్గట్టే టిల్లు స్క్వేర్…
ఒకప్పుడు సల్మాన్ ఖాన్ సినిమా వస్తోందంటే అదో పెద్ద సంబరంగా ఉండేది. అభిమానులే కాదు సగటు ప్రేక్షకులు కూడా కండల…
బరువు తగ్గాలంటే ఆహార నియంత్రణ, వ్యాయామం, క్రమశిక్షణ అవసరమనే విషయం అందరికీ తెలిసిందే. కానీ ప్రస్తుత రోజుల్లో చాలామంది శారీరక…