గ్రౌండ్ ఫ్లోర్ కామెంట్లు వైరలయ్యాయి

నిన్న జరిగిన భగవంత్ కేసరి ప్రీ రిలీజ్ ఈవెంట్ ఘనంగా జరిగింది. బాలకృష్ణ ప్రసంగిస్తూ ఇంట్లో మోక్షజ్ఞ తన గురించి అన్న కామెంట్స్ సోషల్ మీడియాలో పెద్ద చర్చకే దారి తీశాయి. శ్రీలీలకి జోడిగా నటించాలని తనంటే ఏంటి డాడీ గ్రౌండ్ ఫ్లోర్ బలిసిందా అంటూ కొడుకు సెటైర్ వేసాడని బాలయ్య ఓపెన్ గా స్టేజి ముందు వేలాది అభిమానుల సమక్షంలో చెప్పేశారు. నిజానికి మోక్షు ఏ ఉద్దేశంతో ఏ మాట అన్నాడో తెలియదు కానీ ఆ పదం వెనుక అర్థం విశ్లేషించుకున్న వాళ్ళ అబ్బే ఇది చెప్పుకుని ఉండాల్సింది కాదని అంటున్నారు. ఏదైతేనేం బాలయ్య ఇలాంటివి కేర్ చేసే టైపు కాదు కాబట్టి ఉన్నదున్నట్టు మాట్లాడేశారు.

దీనికన్నా మోక్షజ్ఞ ఎంట్రీ ఎప్పుడు ఉంటుందో స్పష్టంగా చెప్పి ఉంటే బాగుండేదని అభిమానులు ఫీలవుతున్నారు. అదిగో ఇదిగో అంటూ ఏళ్ళు గడిచిపోతున్నాయి కానీ బాలయ్య వారసుడు తెరమీద రావడం లేదు. ఈ మధ్య బాగా సన్నబడ్డాడు. శిక్షణ తీసుకున్నాడు. లుక్స్ చక్కగా కుదురుతున్నాయి. డైరెక్టర్ కాంబోని ముందు లాక్ చేసుకుంటే షూటింగ్ తర్వాత ప్లాన్ చేసుకోవచ్చు. కానీ డెబ్యూని హ్యాండిల్ చేసే దర్శకుకు ఎవరనేది మాత్రం బయట పడటం. పూరి జగన్నాధ్, బోయపాటి శీను, అనిల్ రావిపూడి ఇలా రకరకాల పేర్లు తిరుగుతున్నాయి తప్పించి ఫైనల్ ఎవరో తెలియడం లేదు.

సరే ఆన్ లైన్ అన్నాక ఇలాంటి చర్చలు డిబేట్లు బోలెడు జరుగుతుంటాయి కాబట్టి ఒకటి రెండు రోజుల తర్వాత ఇవి మర్చిపోవడం సహజం. ట్రైలర్ లాంచ్ నే ప్రీ రిలీజ్ ఈవెంట్ స్థాయిలో చేయడంతో మళ్ళీ హైదరాబాద్ లో ఇంకో వేడుక చేయడం అనుమానంగానే ఉంది. రిలీజ్ కు కేవలం పది రోజులే ఉంది. ప్రమోషన్లు వేగవంతం చేయాలి. లియో, టైగర్ నాగేశ్వరరావులతో గట్టి పోటీ ఉండటంతో థియేటర్ల విషయంలో మంచి ప్లానింగ్ అవసరం. ఇబ్బంది రాకుండా చూసుకుంటానని లియో హక్కులు కొన్న నాగవంశీ అన్నప్పటికీ బిజినెస్ దగ్గర పరిస్థితులను ముందస్తుగా అంచనా వేయడం కష్టం.