‘సలార్’ సినిమా వాయిదా పుణ్యమా అని కొన్ని నెలల పాటు వివిధ భాషల్లో సినిమాల రిలీజ్ డేట్లు అటు ఇటు అయ్యేలా పరిస్థితి నెలకొంది. పదుల సంఖ్యలో సినిమాల రిలీజ్ డేట్లు తారుమారు అయ్యాయి. సెప్టెంబరు నెలలో ముందు అనుకున్న షెడ్యూల్ వేరు. తర్వాత జరిగింది వేురు. ‘సలార్’ కొత్త డేట్ను బట్టి మరిన్ని సినిమాల పరిస్థితి గందరగోళంలో పడుతుందని ముందు నుంచే అంచనా వేస్తున్నారు.
ఆ సినిమా వేటి మీద బాంబు వేస్తుందో అని ఎదురు చూస్తుండగా.. క్రిస్మస్ రిలీజ్ డేట్ తెరపైకి వచ్చింది. ఇంకా అఫీషియల్ న్యూస్ రాకపోయినా క్రిస్మస్కే కన్ఫమ్ అని అంటున్నారు. ముందుగా ఈ వార్తతో బాలీవుడ్ ఉలిక్కి పడింది. క్రిస్మస్కు షెడ్యూలైన షారుఖ్ ఖాన్ సినిమా ‘డుంకి’కి ‘సలార్’తో కచ్చితంగా ఇబ్బందే. రాజ్ కుమార్ హిరాని రూపొందిస్తున్న ఈ క్లాస్ మూవీ ఎంత బాగున్నా సరే.. ‘సలార్’ లాంటి మాస్ మూవీతో పోటీ పడి బాక్సాఫీస్ దగ్గర నిలవడం తేలిక కాదు. దీంతో బాలీవుడ్ నుంచి ‘సలార్’ పట్ల వ్యతిరేకత కనిపిస్తోంది.
ఐతే బాలీవుడ్ సంగతి తర్వాత ఇంతకీ టాలీవుడ్ నుంచి రానున్న క్రిస్మస్ సినిమాల పరిస్థితి ఏంటన్నది ప్రశ్నార్థకం. క్రిస్మస్కు ఏ భారీ చిత్రం రాదన్న క్లారిటీ వచ్చాక విక్టరీ వెంకటేష్ 75వ చిత్రం ‘సైంధవ్’తో పాటు నాని సినిమా ‘హాయ్ నాన్న’, నితిన్ మూవీ ‘ఎక్స్ట్రా ఆర్డినరీ మ్యాన్’లను క్రిస్మస్కు షెడ్యూల్ చేశారు. కొన్ని నెలల ముందే డేట్లు ఇచ్చేసి ఆ దిశగా షూటింగ్, పోస్ట్ ప్రొడక్షన్ ప్లాన్ చేసుకుని ప్రణాళిక ప్రకారం అడుగులు వేస్తున్నారు ఆయా చిత్ర బృందాలు.
కానీ ఇప్పుడేమో వాటికి షాకిస్తూ ‘సలార్’ క్రిస్మస్ రేసులోకి వచ్చింది. ‘సలార్’ రావడం పక్కా అయితే.. వీటిలో ఒక్క సినిమా కూడా క్రిస్మస్కు రాదు. తర్వాత సంక్రాంతికి ఆల్రెడీ బెర్తులు ఫుల్ అయిపోయిన పరిస్థితి. ఆ సీజన్ మిస్సయితే.. వేసవి వరకు శకునాలు బాగుండవు. సంక్రాంతి సీజన్ అవ్వగానే రెండు నెలలు ఆఫ్ సీజన్ నడుస్తుంది. వేసవిలో ఏమో చాలా సినిమాలు పోటీకి సై అంటున్నాయి. పోటీ సంగతి పక్కన పెడితే.. మూణ్నాలుగు నెలలు తమ చిత్రాలను వాయిదా వేసుకోవాలంటే ఎవరికైనా ఇబ్బందే. మరి వీటి భవితవ్యం ఏమవుతుందో చూడాలి.
This post was last modified on September 26, 2023 4:37 pm
ఒకప్పుడు శంకర్తో సినిమా చేయడానికి వివిధ ఇండస్ట్రీల టాప్ స్టార్లు, అగ్ర నిర్మాతలు లైన్లో ఉండేవారు. మెగాస్టార్ చిరంజీవి అంతటి…
ఏపీ అసెంబ్లీలో బడ్జెట్ సమావేశాలు ఎగ్గొట్టిన మాజీ సీఎం జగన్…తాపీగా ఈ రోజు మీడియా ముందుకు వచ్చారు. బడ్జెట్ లో…
ఫంకీ ఫలితం త్వరగా తేలిపోవడంతో హీరో విశ్వక్ సేన్, నిర్మాణ సంస్థ సితార హఠాత్తుగా సైలెంటైపోయాయి. ఊరికే లేనిపోని హడావిడి…
వైసీపీ మాజీ ఎంపీ, ఆ పార్టీ మాజీ నేత రఘురామకృష్ణరాజు కస్టోడియల్ టార్చర్ వ్యవహారం జగన్ హయాంలో దేశవ్యాప్తంగా సంచలనం…
రాజమౌళి సినిమాలంటే చెప్పిన డేటుకి రావు అని ప్రేక్షకులు ముందే బలంగా ఫిక్సయిపోయి ఉంటారు. ఆయన చివరి చిత్రం ‘ఆర్ఆర్ఆర్’…
ఏపీ అసెంబ్లీ సమావేశాల్లో పలు ఆసక్తికర ఘటనలు చోటు చేసుకుంటున్నాయి. అసెంబ్లీ సమావేశాలకు విద్యార్థులను అనుమతిస్తున్నారు. సమావేశాలను వారు ప్రత్యక్షంగా…