‘ఊహలు గుసగుసలాడే’ చిత్రంతో తెలుగు సినిమాల్లో అడుగు పెట్టి చాలా తక్కువ టైంలోనే స్టార్ హీరోయిన్గా ఎదిగింది ఢిల్లీ భామ రాశి ఖన్నా. అందమైన ముఖవర్చస్సు, చక్కటి శరీర సౌష్టవం, తన క్యూట్ ఎక్స్ప్రెషన్స్ చూసి కుర్రాళ్లకు మతులు పోయాయి. మంచి సింగర్ కూడా అయిన రాశి ఆ రకంగా కూడా ప్రేక్షకులను ఆకట్టుకుంది. తెలుగు సినిమాల్లో అడుగు పెట్టిన కొంత కాలానికే రాశి తెలుగు కూడా నేర్చుకుని మన వాళ్లకు మరింత దగ్గరైంది.
కెరీర్లో ఒక దశ వరకు మిడ్ రేంజ్ హీరోలతోనే జట్టు కట్టిన రాశి.. ‘జై లవకుశ’లో జూనియర్ ఎన్టీఆర్ లాంటి పెద్ద హీరో సరసనా నటించడంతో ఇక ఆమె కెరీర్ నెక్స్ట్ లెవెల్కు వెళ్తుందని అనుకున్నారు. కానీ చిత్రంగా రాశి కెరీర్ తర్వాత తిరోగమనంలో పయనించింది. వరుస ఫ్లాపులు ఆమెను వెనక్కి లాగేశాయి. మోస్ట్ ఎలిజిబుల్ బ్యాచిలర్, పక్కా కమర్షియల్, థ్యాంక్యు.. ఇలా ఆమె చివరి మూడు తెలుగు చిత్రాలు ఒకదాన్ని మించి డిజాస్టర్లు అయ్యాయి.
దీంతో రాశికి తెలుగులో ఛాన్సులు ఆగిపోయాయి. ఏడాది నుంచి కొత్తగా ఆమె ఒక్క కొత్త సినిమా కూడా అందుకోలేదు. ఈ మధ్య గ్లామర్ డోస్ పెంచి ఫొటో షూట్లు చేస్తున్నా ఎవరి దృష్టిలో పడట్లేదు. మధ్యలో ఆమె హిందీలో నటించిన ‘ఫర్జీ’తో మంచి పేరే సంపాదించింది.
అక్కడే కాస్త అవకాశాలు వస్తున్నాయి. ఆల్రెడీ సిద్దార్థ్ మల్హోత్రాతో ‘యోధా’లో నటిస్తున్న రాశి.. తాజాగా విక్రాంత్ మాస్సే లాంటి చిన్న హీరోతో ఓ సినిమా కమిటైంది. తన బేస్ను కూడా ముంబయికి మార్చేసినట్లుగా కనిపిస్తున్న రాశి.. టాలీవుడ్ మీద పూర్తిగా ఆశలు వదులుకున్నట్లే కనిపిస్తోంది. అందం, అభినయం రెండూ ఉన్న ఇలాంటి హీరోయిన్.. ఇంత త్వరగా టాలీవుడ్లో ఫేడవుట్ అయిపోవడం ఆశ్చర్యకరం.
This post was last modified on September 13, 2023 4:26 pm
మహానటి వచ్చి ఎనిమిది సంవత్సరాలు గడిచిపోయాయి. అయినా సరే దాని ప్రభావం ఇండస్ట్రీ మీద ఇంకా చూస్తూనే ఉంటాం. ఆ…
ఐకాన్ స్టార్ అల్లు అర్జున్, దర్శకుడు బోయపాటి శీను కలయికతో గతంలో సరైనోడు వచ్చింది. బన్నీ మాస్ ఇమేజ్ అమాంతం…
ఆంధ్రప్రదేశ్ ప్రజలకు ప్రకృతి మరోసారి పరీక్ష పెట్టబోతోందా? ఇప్పటికే రెండు తుఫానుల ప్రభావంతో అతలాకుతలమైన రాష్ట్రానికి ఇప్పుడు మూడో తుఫాను…
మాజీ ముఖ్యమంత్రి వై.ఎస్. జగన్ మోహన్ రెడ్డి సొంత నియోజకవర్గమైన పులివెందులలో ఇటీవల జరిగిన స్థానిక సంస్థల ఎన్నికలు, రాజకీయ…
ఒక క్రేజీ మూవీకి సీక్వెల్ తెరకెక్కుతుంటే.. దాని నిర్మాత ఆ ప్రాజెక్టు నుంచి తప్పుకోవడం అరుదైన విషయం. ఏదైనా వివాదం…
తెలుగు సినిమాల్లో అవకాశాలు అందుకుని, ఇక్కడ బాగా సంపాదించుకున్నాక.. బాలీవుడ్కు వెళ్లి ఇక్కడి సినిమాలను తక్కువ చేసి మాట్లాడ్డం బాలీవుడ్…