పవర్ స్టార్ పవన్ కళ్యాణ్ రీఎంట్రీ తర్వాత ముందుగా అనౌన్స్ చేసిన సినిమాల్లో హరీష్ శంకర్ చిత్రం ఒకటి. ముందు ఒక కథ, టైటిల్ అనుకుని.. ఆ ప్రాజెక్టు ఎంతకీ ముందుకు కదలకపోవడం.. చివరికి తెరి రీమేక్ను తెరపైకి తెచ్చి ఉస్తాద్ భగత్ సింగ్ అనే కొత్త టైటిల్తో సినిమాకు ముహూర్త వేడుక నిర్వహించడం.. ఆపై ఆ సినిమా కూడా ముందుకు కదలకపోవడం.. ఇవన్నీ తెలిసిన వ్యవహారాలే.
ఈ సినిమా మీద ఆశలు కోల్పోయిన స్థితిలో ఐదు నెలల ముందు సడెన్గా షూటింగ్ మొదలుపెట్టించాడు పవన్. రెండు మూడు షెడ్యూళ్లు చకచకా జరిగాయి. కానీ మధ్యలో మళ్లీ బ్రేక్ పడింది. మూడు నెలలుగా ఎలాంటి చిత్రీకరణ జరగలేదు ఉస్తాద్ భగత్ సింగ్కు సంబంధించి. ఎన్నికలు అయ్యే వరకు షూట్ ఉండకపోవచ్చనే ప్రచారం కూడా జరిగింది.
కానీ పవన్ మళ్లీ అనుకోకుండా డేట్లు ఇవ్వడంతో రెండు రోజుల ముందే కొత్త షెడ్యూల్ చిత్రీకరణ మొదలుపెట్టారు. ఈ విషయాన్ని ఘనంగా అనౌన్స్ చేశారు కూడా. కానీ ఒక్క రోజు షూట్ జరిగిందో లేదో అంతలోనే పవన్ బ్రేక్ ఇచ్చేశాడు. తెలుగుదేశం అధినేత నారా చంద్రబాబు నాయుడు అరెస్ట్ నేపథ్యంలో పవన్ షూటింగ్ నుంచి బ్రేక్ తీసుకుని విజయవాడ బయల్దేరాడు.
అల్యూమినియం ఫ్యాక్టరీలో షూటింగ్ స్పాట్ నుంచే పవన్ సడెన్గా విజయవాడ బయల్దేరినట్లు సమాచారం. దీంతో చిత్ర బృందం అయోమయంలో పడిపోయింది. పవన్ లేకుండా వేరే ఆర్టిస్టుల కాంబినేషన్లో చిత్రీకరణ కొనసాగించారు కానీ.. పవన్ కోసం ఇంకా ఎదురు చూస్తూనే ఉన్నారు. లేక లేక షూటింగ్ పునఃప్రారంభిస్తే ఇంతలో ఈ బ్రేక్ ఏంటని హరీష్ శంకర్ అండ్ టీం ఆవేదన చెందుతున్నట్లు సమాచారం.
ఏపీ డిప్యూటీ సీఎం, జనసేన పార్టీ అధినేత పవన్ కల్యాణ్..తన పార్టీని తెలంగాణలోనూ విస్తరించేందుకు రెడీ అయ్యారు. ఈ విషయాన్ని…
ఒక టాప్ హీరో వారసత్వాన్నందుకుని సినీ రంగంలోకి అడుగుపెట్టి అంచనాలను అందుకోవడం అంత తేలికైన విషయం కాదు. మొత్తం ఇండియన్…
పెద్దిలో అందరూ రామ్ చరణ్, జగపతిబాబు, శివరాజ్ కుమార్ పెర్ఫార్మన్స్ గురించి మాట్లాడుతున్నారు. అందులో ఆశ్చర్యం ఏమి లేదు. దర్శకుడు…
జనసేన తన 12 ఏళ్ల ప్రస్థానంలో తొలి పదేళ్ల పాటు ఎలాంటి చట్టసభల ఎంట్రీ లేకుండానే సాగింది. అయినా జనసేనాని,…
కొన్ని నెలలుగా సరైన పెద్ద సినిమా లేని టైంలో రిలీజైంది పెద్ది. ప్రేక్షకులు ఆవురావురుమని ఉన్న టైంలో విడుదల కావడం…
జూన్ నెల వచ్చేసింది. కొత్త రిలీజులు క్యూ కడుతున్నాయి. పెద్ది ఆల్రెడీ ఓపెనింగ్ రికార్డులు మొదలుపెట్టేసింది. వచ్చే వారం నుంచి…