మహేష్ బాబు బావ, కృష్ణ అల్లుడు అనే గుర్తింపుతోనే చాన్నాళ్ల సినిమాలు చేసిన సుధీర్ బాబు.. సమ్మోహనం దగ్గర్నుంచి తనకంటూ ప్రత్యేక గుర్తింపుతో సాగిపోతున్నాడు. ఐతే సరైన కమర్షియల్ సక్సెస్ కోసం చూస్తున్న సుధీర్కు ఆ ఆశే తీరట్లేదు. శ్రీదేవి సోడా సెంటర్, ఆ అమ్మాయి గురించి మీకు చెప్పాలి, హంట్.. ఇలా వరుసగా సుధీర్ సినిమాలు నిరాశ పరిచాయి. వీటి తర్వాత అతడి నుంచి వస్తున్న సినిమా మామామశ్చీంద్ర.
నటుడు, రైటర్ హర్షవర్ధన్ దర్శకత్వం వహించిన సినిమా ఇది. ఈ సినిమా టైటిల్, ఫస్ట్ లుక్, టీజర్ అన్నీ కూడా వైవిధ్యంగా ఉండి ప్రేక్షకుల దృష్టిని ఆకర్షించాయి. ఐతే ఇంట్రెస్టింగ్ టీజర్ తర్వాత ఈ సినిమా వార్తల్లో లేకుండా పోయింది. కొన్ని నెలల నుంచి సైలెంట్గా ఉంది చిత్ర బృందం. ఈ సినిమా గురించి అందరూ మరిచిపోయారు. ఐతే ఇప్పుడు ఉన్నట్లుండి రిలీజ్ డేట్ అప్డేట్తో ప్రేక్షకులను పలకరించింది మామా మశ్చీంద్ర టీం. ఈ చిత్రాన్ని అక్టోబరు 6న రిలీజ్ చేయబోతున్నట్లు ప్రకటించారు. ఈ నెల చివరి వారంలో చాలా సినిమాలు రిలీజవుతుండగా.. ఆ తర్వాత, దసరాకు మధ్యలో పెద్దగా డిమాండ్ లేదు.
ఆ టైం చూసి మామా మశ్చీంద్రను రిలీజ్ చేయబోతున్నారు. ప్రస్తుతానికి పరిస్థితి చూస్తే సుధీర్ సినిమాకు పెద్దగా పోటీ ఉండకపోవచ్చు. ఇప్పటికే హర్షవర్ధన్ ఓ సినిమాను డైరెక్ట్ చేయగా.. అది విడుదలకు నోచుకోలేదు. ఈసారి ఒక వెరైటీ కథతో అతను సినిమా తీశాడు. ఈ సినిమాలో సుధీర్ రకరకాల అవతారాల్లో కనిపించనున్నాడు. ముఖ్యంగా బొద్దుగా ఉన్న లుక్లో అందరి దృష్టినీ ఆకర్షిస్తున్నాడు. ఈ చిత్రంలో ఈషా రెబ్బా కథానాయికగా నటిస్తోంది. మరి సుధీర్కు ఈ సినిమా అయినా కోరుకున్న సక్సెస్ అందిస్తుందేమో చూడాలి.
This post was last modified on September 7, 2023 9:55 am
హీరోల పారితోషకాలు అంతకంతకూ పెరిగిపోతుండడంపై నిర్మాతల్లో ఆందోళన వ్యక్తమవుతున్న మాట వాస్తవం. పైకి చెప్పకపోయినా ఈ విషయంలో అసంతృప్తితో ఉన్నారన్నది ఇండస్ట్రీలో…
అధికారంలో ఉన్న నాయకులు, అధికారంలో లేని నాయకులు ఇలా రెండు వర్గాలుగా విభజించినప్పుడు సాధారణంగా పదవులు పొందిన వారు సంతృప్తి…
మూడు రోజుల తెలుగు వారి పెద్ద పండుగ.. సంక్రాంతి. ఇళ్లకే కాదు.. గ్రామాలకు సైతం శోభను తీసుకువచ్చే సంక్రాంతికి.. కోడి…
ఈ సంక్రాంతికి ‘భర్త మహాశయులకు విజ్ఞప్తి’ చిత్రంతో ప్రేక్షకులను పలకరించబోతోంది డింపుల్ హయతి. కెరీర్లో ఆమెకు ఇంకా పెద్ద బ్రేక్ రాలేదు. ఇప్పటికే ఖిలాడి,…
బీజేపీ కురువృద్ధ నాయకుడు, దేశ మాజీ ఉపరాష్ట్రపతి ముప్పవరపు వెంకయ్యనాయుడు.. ప్రస్తుతం ప్రత్యక్ష రాజకీయాల నుంచి తప్పుకొన్నారు. అయితే.. ఆయన…
చుక్క పడందే నిద్ర పట్టని వారు చాలా మంది ఉన్నారు. వీరిలో చిన్న చితకా మందుబాబులను పక్కన పెడితే, మద్యం…