సలార్ రిలీజ్ నెలలోకి అడుగు పెట్టేశామంటూ అభిమానులు ఎంతో ఉత్సాహంగా కౌంట్ డౌన్ మొదలుపెట్టిన సమయంలోనే వారికి పెద్ద షాక్ తగిలింది. ఈ నెల 28న ఈ భారీ చిత్రం విడుదల కాదన్న వార్త వారిని విస్మయానికి గురి చేసింది. ఇది జస్ట్ రూమర్ అనుకున్నారు కానీ.. తర్వాత జరిగిన పరిణామాలు చూస్తే వాయిదా వాస్తవం అని రూఢి అయిపోయింది. ‘సలార్’ యుఎస్ ప్రిమియర్స్ షోల టికెట్ల అమ్మకాలు ఆగిపోయాయి. ‘సలార్’ డేట్కు రావడానికి వేరే చిత్రాలు సై అంటే సై అని రెడీ అవుతున్నాయి. మొత్తానికి ‘సలార్’ ఈ నెలలో రాదని తేలిపోయింది.
ఇంతకీ ‘సలార్’ను తర్వాత ఎప్పుడు రిలీజ్ చేస్తారన్నది ఇప్పుడు చర్చనీయాంశంగా మారింది. కానీ ఏ డేట్ చూసినా.. ఇప్పుడున్నంత అనుకూలంగా లేదు. దాని చుట్టూ ఏదో ఒక తలనొప్పి తప్పట్లేదు. అక్టోబరులో అయితే సినిమాను రిలీజ్ చేసే అవకాశం లేదు. సినిమాను పక్కాగా రెడీ చేయాలంటే ఇంకో రెండు నెలలైనా సమయం కావాలి. కాబట్టి నవంబరు నుంచి డేట్లు పరిశీలిస్తున్నారు. ముందు క్రిస్మస్, సంక్రాంతి అని చర్చ జరిగింది కానీ.. సినిమాను మరీ అంత వెనక్కి తీసుకెళ్లడం కరెక్ట్ కాదని భావిస్తున్నారు.
పైగా క్రిస్మస్కు షారుఖ్ ఖాన్ సినిమా ‘డంకి’ వచ్చే అవకాశాలున్నాయి. వివిధ భాషల్లో వేరే చిత్రాలు చాలానే క్రిస్మస్కు షెడ్యూల్ అయ్యాయి. ఈ ఒక్క సినిమా కోసం చాలా డేట్లు మారాల్సి ఉంటుంది. అంతమందిని ఇబ్బంది పెట్టడం కరెక్టా అన్న ప్రశ్నలు తలెత్తుతున్నాయి. ఇక సంక్రాంతి సంగతి కూడా ఇంతే. తెలుగులో ఆ పండుగ మీద చాలా ముందే కర్చీఫ్ వేసిన సినిమాలు ఉన్నాయి. వాళ్లందరినీ ఇబ్బంది పెట్టలేరు. పైగా సంక్రాంతి అనేది నార్త్ ఇండియాలో కలిసొచ్చే సీజన్ కాదు. కాబట్టి నవంబరులో రావడమే కరెక్ట్ అనుకుంటున్నారు. కానీ దీపావళి అంటే తెలుగు వాళ్లకు కలిసొచ్చే సీజన్ కాదు. పైగా బాలీవుడ్లో ‘టైగర్-3’ లాంటి భారీ చిత్రం రిలీజవుతోంది.
సల్మాన్ సినిమాకు ఎదురెళ్తే నార్త్ ఇండియాలో చాలా కష్టమవుతుంది. అదే సమయంలో సల్మాన్ సినిమాకు సౌత్లో గట్టి దెబ్బ తగులుతుంది. ఎప్పుడో షెడ్యూల్ అయిన భారీ చిత్రానికి ప్రభాస్ సినిమాను పోటీగా నిలిపితే బాలీవుడ్ జనాలు ఊరుకోరు. కాబట్టి ‘టైగర్-3’కి రెండు వారాలు విడిచిపెట్టి.. నవంబరు 24న రిలీజ్ చేయడం ఉన్నంతలో మంచి ఆప్షన్ అనుకుంటున్నారు. కానీ వారం తర్వాత ‘యానిమల్’ లాంటి క్రేజీ మూవీతో దీనికి పోటీ తప్పదు. అయినా సరే.. సర్దుబాటు చేసుకుని నవంబరు చివరి వారానికి ఫిక్సయ్యే ఛాన్సులే ఎక్కువ ఉన్నట్లు తెలుస్తోంది.
పెద్ద సినిమా విడుదలవుతున్న ప్రతిసారి తెలంగాణలో టికెట్ రేట్ల పెంపు అనేది పెద్ద సమస్యగా మారిపోయింది. ప్రతిసారి ప్రభుత్వాన్ని అడగలేక,…
మాములుగా దర్శక నిర్మాతలు తమ సినిమాకు ఎంత ఖర్చు పెట్టినా బడ్జెట్ ని బాహాటంగా బయటికి చెప్పుకోరు. దానికి కారణాలు…
ఏపీ ఉప ముఖ్యమంత్రి పవన్ కళ్యాణ్ మాటల్లో రాజీపడరు.. చేతల్లో ఆలస్యం చేయరు. ఇదేదో మనం చెప్పే మాట కాదు..…
తన కొత్త సినిమా పెద్ది ప్రమోషన్లలో భాగంగా మెగా పవర్ స్టార్ రామ్ చరణ్ ఎక్కడికి వెళ్లినా… ఆయన వెంట…
ఇండస్ట్రీలో హీరోయిన్ల కెరీర్ కు ఒక ఎక్స్ పైరీ డేట్ ఉంటుందనేది ఎప్పటినుంచో వినిపించే మాటే. పాతికేళ్ల నుంచి ముప్పై…
మహారాష్ట్ర ముఖ్యమంత్రి, బీజేపీ సీనియర్ నాయకుడు దేవేంద్ర ఫడణవీస్తో ఏపీ మంత్రి, టీడీపీ జాతీయ వర్కింగ్ ప్రెసిడెంట్ నారా లోకేష్…