Movie News

జైలర్ ని కోర్టు మెట్లు ఎక్కించిన RCB జెర్సీ

బాక్సాఫీస్ వద్ద సునామిలా విరుచుకుపడుతూ ఆరు వందల కోట్లను అందుకున్న జైలర్ కు ఢిల్లీ హై కోర్టు షాక్ ఇచ్చింది. సెప్టెంబర్ 1 నుంచి సినిమాని ఏ రూపంలో ప్రదర్శించినా అందులో ఎక్కడా ఐపీఎల్ టీమ్ రాయల్ ఛాలెంజర్స్ బెంగళూరు (RCB) జెర్సి కనిపించకుండా చేయాలని ఆర్డర్ వేసింది. అదేంటి ఎక్కడ ఉందనుకుంటున్నారా. రజనీకాంత్ మనవడి మీద హత్య ప్రయత్నం చేసిన ఇద్దరు రౌడీలు తర్వాత ఆయన్ని చీకట్లో వెంటాడుతారు. దాంట్లో ఒకడు కోడలి మీద కామెంట్ చేస్తాడు. మొదటి వాడి తల నరికిన తర్వాత రెండో వాడిని గొంతులో పొడుస్తాడు. అక్కడ ఆ ఆకతాయి ఆర్సిబి చొక్కా వేసుకుని ఉంటాడు.

దీని మీద అభ్యంతరం వ్యక్తం కావడంతో కేసు న్యాయస్థానం దాకా వెళ్ళింది. వెంటనే దాన్ని మార్చాలని ఇకపై థియేటర్, ఓటిటి, శాటిలైట్ ఎక్కడైనా సరే ఇది కనిపించకూడదని స్పష్టం చేసింది. రిలీజైన పద్దెనిమిది రోజుల తర్వాత ఈ జడ్జ్ మెంట్ రావడం విశేషం. అయినా చెన్నై సూపర్ కింగ్స్ చొక్కా వేయించకుండా కావాలనే బెంగళూరు మీద పంచు వేశారని కొందరు ఫీలయ్యారు. సన్ సంస్థ స్వంత టీమ్ అయిన హైదరాబాద్ సన్ రైజర్స్ ని సైతం వాడలేదని ఎత్తి చూపారు. ఏదైతేనేం మొత్తానికి చాలా చిన్న విషయం అనుకున్నది కాస్తా పెద్దదిగా మారి ఇలా మలుపు తిరిగింది

దీని వల్ల జైలర్ కు వచ్చిన లాభం నష్టం ఏమి లేకపోయినా బెంగళూరు అభిమానులకు ఊరట కలిగింది. గెలుపోటములు పక్కనపెడితే ఆ టీమ్ కు ఫ్యాన్ ఫాలోయింగ్ పెద్దదే. మరి వాళ్ళ మనోభావాలు దెబ్బ తినేలా సీన్ పెడితే ఎందుకు ఊరుకుంటారు. నిజానికా సీన్ లో రజనీకాంత్ ని తప్ప ఆడియన్స్ ఇంకెవరిని పట్టించుకోలేనంత తన్మయత్వంలో మునిగిపోయారు. ఇప్పుడీ విషయం తెలిశాకే అవునా అని ఆశ్చర్యపోయిన వాళ్ళు లక్షల్లో ఉంటారు. అయినా క్యారెక్టర్ ఆర్టిస్టు వేసుకున్న కాస్ట్యూమ్ కూడా ఒక్కోసారి ఇంత దూరం తీసుకెళ్తుందనుకుంటే ఆశ్చర్యం కలిగించే విషయమే. 

This post was last modified on August 28, 2023 6:55 pm

Share

Recent Posts

మ‌హావ‌తార న‌ర‌సింహ.. తెలుగు రైట‌ర్ ఆవేద‌న‌

మ‌హావ‌తార న‌ర‌సింహ‌.. గ‌త ఏడాది పాన్ ఇండియా స్థాయిలో సెన్సేష‌న్ క్రియేట్ చేసిన సినిమా. ఈ యానిమేష‌న్ మూవీ రిలీజ‌య్యే…

1 hour ago

ఛలో దర్శకుడిని తిట్టారా పొగిడారా

టాలీవుడ్ టాలెంటెడ్ దర్శకుల్లో వెంకీ కుడుముల పేరు ఖచ్చితంగా ఉంటుంది. రష్మిక మందన్న ఇవాళ ఈ స్థాయికి వచ్చిందంటే ఛలో…

2 hours ago

లిఫ్ట్ అడిగేటప్పుడు జాగ్రత్త మహిళలు

మహిళల భద్రతపై మరోసారి ఆందోళన కలిగించే ఘటన తెలంగాణలో చోటుచేసుకుంది. ఇంటికి వెళ్లేందుకు ఆటోలో లిఫ్ట్ ఇస్తామని నమ్మించిన ఇద్దరు…

2 hours ago

అక్రమ సంబంధాల వివాదం… మళ్ళీ సీఈవోగా వస్తానంటున్న జెన్సెన్

ప్రపంచ టెక్ రంగంలో సంచలనం సృష్టించిన ఎన్విడియా మాజీ సీఈవో జెన్సెన్ హువాంగ్ వ్యవహారం మరో మలుపు తిరిగింది. వివాహేతర…

2 hours ago

పాపం… ట్రైన్ ఎక్కిద్దాం అని వెళ్ళి ఫైన్ కట్టి వచ్చారు

బంధువులను రైలు ఎక్కించడానికి వెళ్లినవాళ్లు అనుకోకుండా అదే రైలులో ప్రయాణించాల్సి వచ్చింది. పైగా టికెట్లు లేకపోవడంతో ఏకంగా రూ.36,140 చెల్లించాల్సి…

2 hours ago

చిరు లీక్స్ రొటీన్ అవుతున్నాయా

మెగాస్టార్ చిరంజీవి స్క్రీన్ మీదే కాదు స్టేజి పైన ఉన్నప్పుడు కూడా ఆయన ఎనర్జీ వేరే లెవెల్ లో ఉంటుంది.…

2 hours ago