చిన్న హాస్య నటుడిగా మొదలుపెట్టి స్టార్ కమెడియన్ గా ఎదిగి హీరోగా కొన్ని విజయాలు అందుకుని తిరిగి క్యారెక్టర్ ఆర్టిస్టుగా మారిపోయిన సునీల్ కు గత రెండేళ్లుగా కెరీర్ మంచి స్పీడ్ మీదుంది. ఫలానా టైపు పాత్రలే చేస్తానని కండీషన్లు పెట్టకపోవడంతో భువన విజయం లాంటి చిన్నా చితక సినిమాలు, గేమ్ ఛేంజర్ లాంటి ప్యాన్ ఇండియాలు అన్నీ చేస్తున్నాడు. అయితే ఇక్కడ ఛాన్సులు రావడంలో పెద్ద వింతేమీ లేదు కానీ కోలీవుడ్ దర్శకులు సునీల్ వెంట పడటమే ఆశ్చర్యం. దీనికంతటికి కారణం పుష్పనే. ఇది చూశాకే మనోడి టాలెంట్ అరవ డైరెక్టర్లకు అర్థమయ్యింది.
బాక్సాఫీస్ వద్ద దుమ్ములేపుతున్న జైలర్ లో సునీల్ వేసిన వేషం బాగా పేలింది. తమన్నా ఎపిసోడ్ లో చాలా కీలకంగా వ్యవహరించిన క్యారెక్టర్ కావడంతో పాటు కామెడీ టచ్ ఉండటంతో జనం బాగానే ఎంజాయ్ చేస్తున్నారు. రజనీకాంత్ తో కాంబినేషన్ సీన్లు లేనప్పటికీ రెస్పాన్స్ చూసిన సునీల్ హ్యాపీగానే ఉన్నాడు. దీనికన్నా ముందు శివకార్తికేయన్ మహావీరుడులో ముఖ్యమంత్రి సెక్రెటరిగా చేయడం పేలింది. సెప్టెంబర్ 15 విడుదల కాబోతున్న విశాల్ మార్క్ ఆంటోనీలో వీటన్నిటిని మించిన రోల్ దక్కించుకున్నాడని చెన్నై టాక్. కథ ఇక్కడితో అయిపోలేదు.
లారెన్స్ మాస్టర్ తమ్ముడు ఎల్విస్ హీరోగా రూపొందబోయే బుల్లెట్ లో సునీల్ కు క్రేజీ ఆఫర్ ఇచ్చారు. తెలుగమ్మాయి వైశాలి రాజ్ హీరోయిన్ గా పరిచయమవుతోంది. ఇన్నసి పాండియన్ దర్శకత్వంలో రూపొందుతున్న ఈ సోషల్ ఎంటర్ టైనర్ లో లారెన్స్ సైతం ఒక ప్రత్యేక క్యామియో చేయబోతున్నాడు. లా కాలేజీ బ్యాక్ డ్రాప్ లో ఇది రూపొందనుంది. సునీల్ పాత్ర తాలూకు లీక్స్ లేవు కానీ లారెన్స్ రికమండేషన్ మీదే ఇది సాధ్యమయ్యిందట. కార్తీ జపాన్ లోనూ సునీల్ ఉన్నాడు. ఎలాగూ ఇవన్నీ డబ్బింగ్ రూపంలో తెలుగులో వస్తాయి కాబట్టి ఎంచక్కా ఉభయకుశలోపరి పథకం కింద రెండు రకాలుగా లాభపడుతున్నాడు.
This post was last modified on August 15, 2023 3:49 pm
ఏపీలో ఎన్నికల పోలింగ్ అనంతరం చెలరేగిన హింసాత్మక ఘటనలను నిలువరించలేక పోయిన.. ఉన్నతాధికారులపై(ఒక జిల్లా కలెక్టరు, ముగ్గురు ఎస్పీలు) వేటు…
ఇంకా షూటింగ్ కాదు కదా కనీసం పూజా కార్యక్రమాలు కూడా జరగని మహేష్ బాబు - రాజమౌళి సినిమా తాలూకు…
ఏపీ సీఎం జగన్ కుటుంబ సమేతంగా విహార యాత్రకు వెళ్లిన విషయం తెలిసిందే. సతీమణి వైఎస్ భారతి, కుమార్తెలు హర్ష,…
మన కల్కి 2898 ఏడిలాగే తమిళంలోనూ విపరీతమైన జాప్యానికి గురవుతున్న ప్యాన్ ఇండియా మూవీ కంగువ. సిరుతై శివ దర్శకత్వంలో…
నిన్న ఎలాగూ కొత్త తెలుగు సినిమాలు లేవనే కారణంగా మిరల్ అనే డబ్బింగ్ మూవీని రిలీజ్ చేశారు. ప్రేమిస్తేతో టాలీవుడ్…
గుంటూరు కారం విడుదలై అయిదు నెలలు పూర్తి కావొస్తున్నా త్రివిక్రమ్ శ్రీనివాస్ కొత్త సినిమా ఇప్పటిదాకా మొదలుకాలేదు. అసలు పూర్తి…