కోలీవుడ్లో కొన్నేళ్ల నుంచి విజయ్, అజిత్ల మధ్యే బాక్సాఫీస్ రికార్డుల పోటీ నడుస్తోంది. కానీ అంతకుముందంతా రజినీకాంత్ హవానే నడిచింది. విజయ్, అజిత్ ఆయన ముందు అసలు నిలిచేవారే కాదు. వీళ్లిద్దరూ పెద్ద స్టార్లుగా ఎదగడానికి ముందు తమిళంలో సూపర్ స్టార్కు బలమైన పోటీ ఇచ్చింది లోకనాయకుడు కమల్ హాసనే. 80, 90 దశకాల్లో వీరి మధ్య గట్టి పోటీనే ఉండేది. వైవిధ్యమైన సినిమాలతోనే కమల్ రికార్డ్ బ్రేకింగ్ హిట్లు ఇచ్చాడు.
చివరగా ఆయన రజినీకాంత్ను దాటి ఇండస్ట్రీ హిట్ ఇచ్చిందంటే 1996లో వచ్చిన ‘భారతీయుడు’తోనే. అప్పటికి ఉన్న రజినీ సినిమాల బాక్సాఫీస్ రికార్డులన్నీ ఈ చిత్రంతో అధిగమించాడు కమల్. కానీ ఆ రికార్డులు మరీ ఎక్కువ కాలం నిలవలేదు. 1999లో రిలీజైన ‘పడయప్పా’ (నరసింహా) సినిమాతో రజినీ కొత్త రికార్డులు నెలకొల్పాడు. ఆ తర్వాత కమల్కు రజినీ రికార్డులు బద్దలు కొట్టడం చాలా కష్టమైపోయింది.
కమల్ రేంజ్ పడుతూ వస్తే.. చంద్రముఖి, శివాజి, రోబో, 2.0.. ఇలా ఒక్కో సినిమాతో కొత్త రికార్డులు నెలకొల్పుతూ వెళ్లాడు రజినీ. ఐతే చాలా ఏళ్ల పాటు అసలు కలెక్షన్ల చర్చల్లోనే లేకుండా పోయిన కమల్ హాసన్ గత ఏడాది ‘విక్రమ్’ సినిమాతో బలంగా బౌన్స్ బ్యాక్ అయ్యాడు. రజినీ సినిమాల వసూళ్ల రికార్డులను అధిగమించాడు. తమిళనాడు వరకు ఇండస్ట్రీ హిట్ ఇచ్చాడు. ఐతే ఈ రికార్డు కేవలం ఏడాది మాత్రమే నిలిచింది.
ఇప్పుడు రజినీ ‘జైలర్’ మూవీతో వసూళ్ల మోత మోగిస్తున్నాడు. వరల్డ్ వైడ్ ఈ సినిమా ఆల్రెడీ రూ.300 కోట్ల మార్కును దాటేసింది. ఇంకో పది రోజులైనా ఈ సినిమా ఊపు కొనసాగేలా ఉంది. ఆల్రెడీ ‘విక్రమ్’ తమిళనాడు వసూళ్లను ఈ సినిమా దాటేసినట్లు ట్రేడ్ వర్గాలు చెబుతున్నాయి. ఫుల్ రన్లో ‘.2.0’ను కూడా అధిగమించి కొత్త రికార్డును రజినీ నెలకొల్పడం ఖాయంగా కనిపిస్తోంది. కమల్ 23 ఏళ్ల తర్వాత రజినీ సినిమాను అధిగమిస్తే.. ఇంకో ఏడాదికే ఆ రికార్డును కొట్టి సూపర్ స్టార్ తనేంటో చూపించాడంటూ ఆయన అభిమానులు ఎలివేషన్లు ఇస్తున్నారు.
This post was last modified on August 14, 2023 6:21 pm
రాయలసీమలో ఓట్ల హైజాక్ జరిగిందా? వైసీపీకి పడాల్సిన ఓట్లు.. కాంగ్రెస్కు పడ్డాయా? అంటే.. ఔననే అంటున్నారు కొందరు రాజకీయ విశ్లేషకులు.…
ప్రజాశాంతి పార్టీ అధ్యక్షుడు కేఏ పాల్పై చీటింగ్ కేసు నమోదయ్యింది. ఎమ్మెల్యే టిక్కెట్ ఇస్తానని చెప్పి తన వద్ద రూ.50…
జూనియర్ ఎన్టీఆర్, దర్శకుడు ప్రశాంత్ నీల్ కాంబినేషన్ లో ఇంకా ప్రారంభం కాని ప్యాన్ ఇండియా మూవీకి డ్రాగన్ టైటిల్…
యూత్ హీరో రాజ్ తరుణ్ కు మంచి హిట్టు దక్కి ఎంత కాలమయ్యిందో చెప్పడం కష్టం. సీనియర్ హీరోలతో సపోర్టింగ్…
ఎన్నికలు అయిపోయాయి. ఫలితాలు ఇంకో పద్దెనిమిది రోజుల్లో రాబోతున్నాయి. ఎవరికి వారు విజయం పట్ల ధీమాగా ఉన్నారు. అధికార పార్టీ,…
మొన్నటిదాకా టాలీవుడ్ టాప్ హీరోయిన్ గా అత్యధిక డిమాండ్ అనుభవించిన పూజా హెగ్డే కెరీర్ ప్రారంభంలో వచ్చిన ఐరన్ లెగ్…