Movie News

ప్రపంచమంతా బార్బీ పెత్తనమే ఇండియాలో తప్ప

మొన్న 21వ తేదీ శుక్రవారం నువ్వా నేనా అన్నట్టు విడుదలైన హాలీవుడ్ సినిమాల్లో ఊహించని విధంగా బార్బీ పెత్తనమే నడిచింది. వరల్డ్ వైడ్ చూసుకుంటే 337 మిలియన్ డాలర్లతో నెంబర్ వన్ స్థానాన్ని తీసుకోగా క్రిస్టోఫర్ నోలన్ విజువల్ ట్రీట్ ఓపెన్ హెయిమర్ అందులో సగం కంటే తక్కువ 174 మిలియన్ డాలర్లతో సర్దిపుచ్చుకుంది. కానీ ఇండియాలో మాత్రం సీన్ రివర్స్ అయ్యింది. బార్బీకి మన దేశంలో 21 కోట్ల 50 లక్షల గ్రాస్ దక్కగా ఓపెన్ హెయిమర్ ఏకంగా 59 కోట్ల గ్రాస్ రాబట్టి నోలన్ కల్ట్ ఫాలోయింగ్ ఏ స్థాయిలో ఉందో వసూళ్ల సాక్షిగా నిరూపించింది.

అలా అని రెండు అత్యద్భుతమైన సినిమాలేం కావు. బార్బీ బాగానే ఉన్నా దాని రేంజ్ కి తగ్గ ఎగ్జైటింగ్ కంటెంట్ లేదని విమర్శకులు పెదవి విరిచారు. చిన్న పిల్లలు, యూత్ మాత్రం ఎగబడి చూస్తున్నారు. ఇక డాక్యుమెంటరీ స్టైల్ లో సాగిన ఓపెన్ హెయిమర్ ని ఎలాంటి గ్రాఫిక్స్ లేకుండా మూడు గంటలకు పైగా చూడటం వరల్డ్ ఆడియన్స్ భారంగా ఫీలవుతున్నారు. ఫిలిం మేకింగ్ ఎంత గొప్పగా ఉన్నా  సుదీర్ఘమైన సంభాషణలు సగటు ప్రేక్షకులను ఎంగేజ్ చేయలేకపోయాయి. పైగా బ్యాక్ డ్రాప్ ఎప్పుడో వరల్డ్ వార్ 2 నాటిది కాబట్టి సహజంగానే క్రేజీ యూత్ కి ఈ కాన్సెప్ట్ ఎక్కడం లేదు.

వీటికన్నా ముందు వచ్చిన టామ్ క్రూజ్ మిషన్ ఇంపాజిబుల్ 7 మధ్యలో క్రష్ అయిపోయింది. మొదటి ఆరు భాగాల స్థాయిలో ఇది లేకపోవడం కొంత నిరాశ పరచగా రెండు భాగాలుగా డెడ్ రికానింగ్ ని తీయడం ప్రభావం చూపించింది. అయితే మల్టీప్లెక్సుల్లో ఈ మూడు గొప్ప ఆదరణ దక్కించుకున్నాయి. బార్బీ, ఓపెన్ హెయిమర్ లు హిందీ తప్ప ఇతర భాషల్లో డబ్బింగ్ చేయకపోయినా సౌత్ లోనూ బాగా ఆడుతున్నాయి. ఈ వారం పవన్ కళ్యాణ్ బ్రో వచ్చేస్తుంది కాబట్టి వీటి తాకిడి తగ్గనుంది. అప్పటిదాకా కాదు కానీ సోమవారం నుంచే పై మూడు ఇంగ్లీష్ సినిమాల బుకింగ్స్ గణనీయంగా తగ్గిపోయాయి.

This post was last modified on July 24, 2023 2:13 pm

Share

Recent Posts

హనుమాన్ 2… ఊహించని ట్విస్టు

మూడేళ్ళ క్రితం మహేష్ బాబు, నాగార్జున, వెంకటేష్ లాంటి స్టార్ హీరోలతో సంక్రాంతి రేసులో తలపడి తేజ సజ్జ అంత…

2 minutes ago

వాళ్ళముందు మన సంస్కృతిని తక్కువ చెయ్యను: కీర్తి సురేష్

కొన్ని రోజుల ముందు ‘అక్క’ వెబ్ సిరీస్ ప్రమోషన్లలో భాగంగా జరిగిన ఒక చిట్ చాట్‌లో.. రాధిక ఆప్టే తెలుగు…

2 hours ago

ఏపీ బీజేపీలో అసంతృప్తి సెగ‌… ఆ ఎమ్మెల్యే రాజీనామా?

ఏపీ బీజేపీలో కొన్నాళ్లుగా అసంతృప్తితోనే నాయ‌కులు ముందుకు సాగుతున్నారు. పార్టీలో ఏం జ‌రుగుతోందో.. త‌మ‌కు అర్థం కావ‌డం లేద‌ని కొన్నాళ్లుగా…

2 hours ago

పారిశ్రామిక రంగంలో చంద్రబాబు ఎక్స్ ప్రెస్ స్పీడ్

భారతదేశ పారిశ్రామిక రంగంలో ఆంధ్ర ప్రదేశ్ దూకుడు ప్రదర్శిస్తోంది. ముఖ్యమంత్రి చంద్రబాబు ఎక్స్ ప్రెస్ బుల్లెట్ వేగంతో ముందుకు దూసుకొని…

2 hours ago

రాములమ్మని వాడుకోవడం తెలివైన ఐడియా

పాత పాటలను కొత్త సినిమాల కోసం రీమిక్స్ చేసి వాడుకోవడం కొత్త కాదు. దాదాపు అందరు హీరోలు చేశారు. అల్లరి…

12 hours ago

ఇది వింటే ఇక జన్మలో కాపీ కొట్టరు

పరీక్షల్లో అక్రమాలను అరికట్టేందుకు సాధారణంగా కఠిన తనిఖీలు, నిఘా కెమెరాలు, ప్రత్యేక బృందాలను ఉపయోగిస్తుంటారు. అయితే దక్షిణ కొరియా అధికారులు…

13 hours ago