ఆ హీరోయిన్ పై అత్యాచారం.. బ్లాక్ మెయిల్

ఈ హైటెక్ జమానాలో స్మార్ట్ ఫోన్ల వాడకం పెరిగిపోయింది. చౌక ధరలో స్మార్ట్ ఫోన్లు, మొబైల్ డేటా ఇంటర్నెట్ అందుబాటులోకి రావడంతో యువత మొదలు పెద్దవాళ్ల వరకు అంతా స్మార్ట్ ఫోన్లకు చాలా సమయం అతుక్కుపోతున్నారు. ఈ క్రమంలోనే మనదేశంలో పోర్న్ చూసే వారి సంఖ్య గణనీయంగా పెరిగిపోయింది. అయితే, కొందరు కామాంధులు పసిపిల్లల మొదలు ముసలి వాళ్ళ వరకు లైంగిక వేధింపులకు పాల్పడుతున్నారు. మరికొందరైతే ప్రేమ ముసుగులో యువతులకు ఆశ చూపి వారిని శారీరకంగా లోబరుచుకుంటున్నారు.

ఆ తర్వాత ఆ వీడియోలు చూపించి వారిని బ్లాక్ మెయిల్ చేయడం, పదేపదే అత్యాచారానికి పాల్పడడం వంటి ఘటనలు అనేకం చూస్తున్నాం. ఇక, ఇటువంటి బెదిరింపు వీడియోలు ఆన్లైన్లో రిలీజ్ చేస్తామంటూ లక్షలకు లక్షల డబ్బులు గుంజిన ఘటనలు అనేకం ఉన్నాయి. ఆ వీడియోలు బయటపడితే తమ పరువు పోతుంది అన్న ఉద్దేశంతో కొంతమంది మహిళలు ఆత్మహత్య చేసుకున్న ఘటనలు ఉన్నాయి. అయితే, ఇటువంటి ఘటనలు సామాన్యులకే కాదు సెలబ్రిటీలకు షాక్ ఇస్తున్నాయి.

తాజాగా కోల్ కతాలో ఓ బెంగాలీ యువనటికి ఈ తరహా బ్లాక్మెయిల్, వేధింపులు ఎదురయ్యాయి. ఆ యువనటి, మోడల్ ఇంట్లోనే ఆమెకు పరిచయం ఉన్న వ్యక్తి అత్యాచారానికి పాల్పడ్డాడు. అంతేకాదు, జులై 5న జరిగిన ఘటనను ఆయన వీడియో తీసి ఆ హీరోయిన్ ను బెదిరించడం మొదలు పెట్టాడు. డబ్బులు అప్పు కావాలంటూ ఆమె ఇంటికి వెళ్లిన సదరు కామాంధుడు ఆమె ఒంటరిగా నివసిస్తుందన్న విషయం తెలుసుకొని ఆమెపై బలాత్కారానికి పాల్పడ్డాడు. ఈ విషయం బయటపెడితే ఆ వీడియోను పోర్న్ సైట్లో అప్లోడ్ చేస్తానని ఆమెను బెదిరించాడు.

దీంతో, మొదట భయపడ్డ ఆ హీరోయిన్ చివరకు ధైర్యం చేసి పోలీసులకు ఫిర్యాదు చేశారు. ఈ క్రమంలోనే కేసు నమోదు చేసిన జాదవ పూర్ పోలీసులు ఈ కేసు విచారణ మొదలుపెట్టారు. వైద్య పరీక్షలు నిమిత్తం ఆమెను ఆసుపత్రికి తరలించారు. హీరోయిన్ పై ఇటువంటి లైంగిక వేధింపులకు పాల్పడిన ఘటన సంచలనం రేపింది.