మంచి టాక్ తెచ్చుకున్న పెద్ద సినిమాలు సైతం తొలి వీకెండ్ తర్వాత బాక్సాఫీస్ దగ్గర స్లో అయిపోతుంటాయి. వసూళ్లలో డ్రాప్ సహజం. సోమవారం 60-70 శాతం ఆక్యుపెన్సీలు వచ్చినా కూడా సినిమా చాలా బాగా ఆడుతున్నట్లే. చిన్న సినిమాలకు థియేటర్లు సగం నిండినా గొప్పగా చూస్తారు. కానీ ‘బేబి’ అనే చిన్న సినిమా.. వీకెండ్ తర్వాతి రోజు చూపిస్తున్న దూకుడు టాలీవుడ్కు పెద్ద షాకే.
చిన్న సినిమాల్లో కూడా పెద్ద విజయం సాధించినవి ఉన్నాయి కానీ.. ఈ సినిమా రేపుతున్న సంచలనం మాత్రం అలాంటిలాంటిది కాదు. సోమవారం ఈ సినిమాకు రెండు తెలుగు రాష్ట్రాల్లో పెద్ద ఎత్తున హౌస్ ఫుల్స్ పడటం షాకింగే. మామూలుగా రాయలసీమలో మాస్ సినిమాలకు మాత్రమే సోమవారం వసూళ్లు నిలకడగా ఉంటాయి. కానీ ఈ చిన్న సినిమా ఆ మాస్ ఏరియాల్లో హౌస్ ఫుల్స్తో రన్ అవుతుండటం ట్రేడ్ పండిట్లకు కూడా పెద్ద షాకే.
తిరుపతి, కడప, కర్నూలు లాంటి సిటీల్లో ‘బేబి’కి మ్యాట్నీలు ఫుల్ అయ్యాయి. కడపలో ఈ సినిమా ఆడుతున్న రాజా థియేటర్లో హౌస్ ఫుల్ బోర్డు పెట్టేశారు మ్యాట్నీకి. తిరుపతిలో ఒకటికి మించి థియేటర్లు ఫుల్ అయ్యాయి. కర్నూలులోనూ అదే పరిస్థితి. ఇక ఆంధ్రా ప్రాంతంలో చూస్తే వైజాగ్ లాంటి పెద్ద సిటీలోనే కాక చిన్న నగరాల్లో కూడా ‘బేబి’కి సోమవారం ఫుల్స్ పడటం విశేషం.
వైజాగ్లో మధ్యాహ్నం మూడు షోలూ ఫుల్ అయ్యాయి. నైజాం ఏరియాలో కూడా ‘బేబి’ దూకుడు చూపిస్తోంది. సిటీలో పలు థియేటర్లలో మధ్యాహ్నం మంచి ఆక్యుపెన్సీలు వచ్చాయి. కొన్ని థియేటర్లు ఫుల్ అయ్యాయి. సాయంత్రం, రాత్రి షోలకు మరింత మంచి ఆక్యుపెన్సీ ఉంటుందనడంలో సందేహం లేదు. వీక్ డేస్లో ఇంత బలంగా నిలబడిన చిన్న సినిమాను ఈ మధ్య కాలంలో చూసి ఉండం. రోజు రోజుకూ రేంజి పెంచుకుంటూ వెళ్తున్న ‘బేబి’ ఫుల్ రన్లో ఏ స్థాయిలో నిలుస్తుందో అంచనా వేయడం కూడా కష్టంగా ఉంది.
This post was last modified on July 18, 2023 12:17 am
మూడేళ్ళ క్రితం మహేష్ బాబు, నాగార్జున, వెంకటేష్ లాంటి స్టార్ హీరోలతో సంక్రాంతి రేసులో తలపడి తేజ సజ్జ అంత…
కొన్ని రోజుల ముందు ‘అక్క’ వెబ్ సిరీస్ ప్రమోషన్లలో భాగంగా జరిగిన ఒక చిట్ చాట్లో.. రాధిక ఆప్టే తెలుగు…
ఏపీ బీజేపీలో కొన్నాళ్లుగా అసంతృప్తితోనే నాయకులు ముందుకు సాగుతున్నారు. పార్టీలో ఏం జరుగుతోందో.. తమకు అర్థం కావడం లేదని కొన్నాళ్లుగా…
భారతదేశ పారిశ్రామిక రంగంలో ఆంధ్ర ప్రదేశ్ దూకుడు ప్రదర్శిస్తోంది. ముఖ్యమంత్రి చంద్రబాబు ఎక్స్ ప్రెస్ బుల్లెట్ వేగంతో ముందుకు దూసుకొని…
పాత పాటలను కొత్త సినిమాల కోసం రీమిక్స్ చేసి వాడుకోవడం కొత్త కాదు. దాదాపు అందరు హీరోలు చేశారు. అల్లరి…
పరీక్షల్లో అక్రమాలను అరికట్టేందుకు సాధారణంగా కఠిన తనిఖీలు, నిఘా కెమెరాలు, ప్రత్యేక బృందాలను ఉపయోగిస్తుంటారు. అయితే దక్షిణ కొరియా అధికారులు…