రౌడీ బాయ్ విజయ్ దేవరకొండ తమ్ముడిగా ఆనంద్ ఇండస్ట్రీకి వచ్చి అయిదేళ్ళు దాటినా ఇప్పటిదాకా పెర్ఫార్మన్స్ పరంగా గొప్పగా చెప్పుకునే మూవీ ఏదీ చేయలేదు. 2019 దొరసానితో మొదలుపెట్టి ఓటిటిలో డైరెక్ట్ రిలీజైన హైవే దాకా తన నటన చాలా బాగుందనే కాంప్లిమెంట్స్ అందుకోలేదు. మిడిల్ క్లాస్ మెలోడీస్ లో ఓకే పర్వాలేదనిపించాడు అంతే. అన్నయ్య బ్రాండ్ వల్లే ఆఫర్లు వస్తున్నాయనే కామెంట్ కూడా వినిపించింది. అల్లు శిరీష్ లాగా కెరీర్ లో బాగా స్ట్రగుల్ అవ్వక తప్పదనే అభిప్రాయం చాలా మందిలో ఉంది. ఇప్పుడా మరక దాదాపుగా తుడిచినట్టే.
బేబీలో ఆనంద్ దేవరకొండ తన పాత్రను క్యారీ చేసిన విధానం యూత్ కి బాగా దగ్గరయ్యింది. పదో తరగతి ఫెయిలై ఆటో డ్రైవర్ గా మారినా ప్రేమలో నిజాయితిగా ఉండే కుర్రాడి క్యారెక్టర్ లో చాలా బాగా నటించాడు. ముఖ్యంగా సెకండ్ హాఫ్ లో అది నా పిల్లరా అంటూ చెప్పే డైలాగు, వైష్ణవి చైతన్యతో బ్రిడ్జి మీద చెప్పే సంభాషణలు అతని పరిణితికి నిదర్శనం. నిజానికి ఇద్దరు హీరోల్లో అందంగా స్టయిలిష్ గా ఉన్నది విరాజ్ అశ్విన్. కానీ యువతకు మాత్రం ఆనంద్ దగ్గరయ్యాడు. బేబీ రిలీజ్ కావడం కోసం గత ఆరేడు నెలలుగా ఆనంద్ ఎవరికీ కొత్త కమిట్ మెంట్స్ ఇవ్వలేదు.
ఇప్పుడీ జోష్ తో అవకాశాలు బాగానే వస్తాయి. బేబీ ఫలితం ఏ స్థాయిలో ఉండబోతోందన్నది పక్కన పెడితే ఆర్టిస్టుగా ఆనంద్ కి పెద్ద ప్రమోషన్ తీసుకొచ్చింది. అది కూడా బరువైన భావోద్వేగాలు డిమాండ్ చేసే క్యారెక్టర్ ని ఈజ్ తో పండించడం వల్ల జనాల దృష్టిలో పడేందుకు ఇదొక మంచి మలుపుగా నిలవబోతోంది. అన్న విజయ్ దేవరకొండ సంతోషం ఈ విషయంలో మాములుగా లేదు. రిలీజ్ రోజు రాత్రే హీరో హీరోయిన్ ని పిలిచేసి పార్టీ ఇచ్చాడు. తమ్ముడిని ఇంత పెద్ద బ్రేక్ దొరికినప్పుడు అంతకన్నా ఆనందం ఏముంటుంది. ఖుషితో తనూ హిట్టు కొడితే లెక్క సరిపోతుంది
This post was last modified on July 15, 2023 12:17 pm
హీరోల పారితోషకాలు అంతకంతకూ పెరిగిపోతుండడంపై నిర్మాతల్లో ఆందోళన వ్యక్తమవుతున్న మాట వాస్తవం. పైకి చెప్పకపోయినా ఈ విషయంలో అసంతృప్తితో ఉన్నారన్నది ఇండస్ట్రీలో…
అధికారంలో ఉన్న నాయకులు, అధికారంలో లేని నాయకులు ఇలా రెండు వర్గాలుగా విభజించినప్పుడు సాధారణంగా పదవులు పొందిన వారు సంతృప్తి…
మూడు రోజుల తెలుగు వారి పెద్ద పండుగ.. సంక్రాంతి. ఇళ్లకే కాదు.. గ్రామాలకు సైతం శోభను తీసుకువచ్చే సంక్రాంతికి.. కోడి…
ఈ సంక్రాంతికి ‘భర్త మహాశయులకు విజ్ఞప్తి’ చిత్రంతో ప్రేక్షకులను పలకరించబోతోంది డింపుల్ హయతి. కెరీర్లో ఆమెకు ఇంకా పెద్ద బ్రేక్ రాలేదు. ఇప్పటికే ఖిలాడి,…
బీజేపీ కురువృద్ధ నాయకుడు, దేశ మాజీ ఉపరాష్ట్రపతి ముప్పవరపు వెంకయ్యనాయుడు.. ప్రస్తుతం ప్రత్యక్ష రాజకీయాల నుంచి తప్పుకొన్నారు. అయితే.. ఆయన…
చుక్క పడందే నిద్ర పట్టని వారు చాలా మంది ఉన్నారు. వీరిలో చిన్న చితకా మందుబాబులను పక్కన పెడితే, మద్యం…