బాలయ్య టైటిల్ పై సందేహం వీడింది

బాలకృష్ణ , అనీల్ రావిపూడి కాంబినేషన్ లో ఓ యాక్షన్ డ్రామా సినిమా తెరకెక్కుతున్న విషయం తెలిసిందే. ప్రస్తుతం షూటింగ్ స్టేజీలో ఉన్న ఈ సినిమాకు ఫస్ట్ లుక్ రిలీజ్ చేసి హైప్ క్రియేట్ చేశారు. ఇందులో సరికొత్త లుక్ , ఆకట్టుకునే గెటప్ తో బాలయ్య కనిపించనున్నాడు. సినిమాలో బాలయ్య తెలంగాణ యాసలో మాట్లాడతారని ఇన్ సైడ్ టాక్ ఉంది. అలాగే ఇందులో ఫాదర్ , డాటర్ మధ్య సెంటిమెంట్ డ్రామా ఉంటుందని చెప్తున్నారు. 

ఈ సినిమాకు సంబంధించి ఇంకా టైటిల్ చెప్పలేదు మేకర్స్. బాలయ్య పుట్టిన రోజు నాడు ఓ స్పెషల్ గ్లిమ్స్ తో టైటిల్ ఎనౌన్స్ చేసే ప్లానింగ్ లో ఉన్నారు. సోషల్ మీడియాలో ఈ సినిమాకు భగవత్ కేసరి అనే టైటిల్ ప్రచారం ఉంది. ఇక ఈ టైటిల్ పై బాలయ్య అభిమానుల్లో ఉన్న సందేహం తాజాగా ఓ పోస్టర్ తో వీడింది. 

సినిమాకు భగవత్ కేసరి అనే టైటిల్ ఫిక్స్ చేసుకున్నారు మేకర్స్. తాజాగా మైత్రి సంస్థ ఈస్ట్ గోదావరీ లో డిస్ట్రిబ్యూషన్ ఆఫీస్ ఓపెన్ చేశారు. అక్కడ బాలయ్య స్టిల్ తో పోస్టర్ పెట్టారు. ఆ పోస్టర్ మీద భగవత్ కేసరి అనే టైటిల్ కనిపించడంతో ఆఫీషియల్ గా టైటిల్ కన్ఫర్మ్ అయిపోయింది.

మైత్రి సంస్థ ఈ సినిమాను డిస్ట్రిబ్యూట్ చేస్తుంది. అందుకే ఆఫీషియల్ పోస్టర్ ఆఫీస్ లో పెట్టేశారు. అయితే ఈ పవర్ ఫుల్ యాక్షన్ డ్రామా సినిమాకు అనీల్ రావిపూడి ఈ టైటిల్ ఎందుకు పెట్టారన్నది త్వరలోనే తెలియనుంది. ఈ సినిమాలో బాలయ్య సరసన కాజల్ హీరోయిన్ గా నటిస్తుండగా, శ్రీ లీల కూతురి పాత్రలో కనిపించనుంది. షైన్ స్క్రీన్స్ పై సాహు గారపాటి, హరీష్ పెద్ది ఈ సినిమాను రిలీజ్ చేస్తున్నారు.