Movie News

కన్నడ దర్శకుడి చేతికి క్రేజీ కాంబినేషన్

కొందరు దర్శకులకు ఎక్కడో సుడి ఉంటుంది. ఒక హీరోతో ఏర్పడిన బంధం వల్లనో లేదా తీసిన సినిమాలతో వచ్చిన పేరు వల్లనో హఠాత్తుగా జాతకం మారిపోతుంది. శాండల్ వుడ్ డైరెక్టర్ ఏ హర్షని చూస్తే అదే అనిపిస్తోంది. ఇతనే ఇటీవలే వచ్చిన శివరాజ్ కుమార్ వేద తీసింది. తెలుగులో అదే రోజు ఓటిటి రిలీజ్ చేయడం వల్ల పోయింది కానీ కన్నడలో కమర్షియల్ గా బాగానే ఆడింది. ఇంతకు ముందు తీసిన భజరంగి కర్ణాటకలో బ్లాక్ బస్టర్. సీక్వెల్ వచ్చింది కానీ పెద్దగా ఆడలేదు. రారండోయ్ వేడుక చూద్దాం రీమేక్ ని నిఖిల్ కుమార్ గౌడతో తీసి హిట్టు కొట్టారు.

ఇప్పటిదాకా పదిహేనేళ్ల కాలంలో తీసింది పది సినిమాలే. తాజాగా ఒక గోల్డెన్ ఛాన్స్ కొట్టేసినట్టు బెంగళూర్ టాక్. అది కూడా ఆషామాషీ కాంబినేషన్ కాదండోయ్. ఇటీవలే హైదరాబాద్ లో జరిగిన ఎన్టీఆర్ శత జయంతి ఉత్సవాల్లో శివరాజ్ కుమార్ తాను బాలయ్య కలిసి ఒక మూవీ చేయబోతున్నట్టు ప్రకటించారు కదా అది హర్షతోనేనట. ఇది మొత్తం మూడు భాగాలుగా ఉంటుందని బాలకృష్ణ రెండో భాగంలో ఫుల్ లెన్త్ రోల్ లో కనిపిస్తారని అంటున్నారు. సూపర్ స్టార్ రజనీకాంత్ కూడా ఓ కీలక పాత్ర చేయబోతున్నట్టు టాక్. థర్డ్ పార్ట్ లో మరో సీనియర్ స్టార్ హీరో వస్తారట.

ఇది పీరియాడిక్ డ్రామాగా రూపొందవచ్చని వినికిడి. అయితే ప్రస్తుతం స్క్రిప్ట్ పనులు జరుగుతున్న దృష్ట్యా అఫీషియల్ కన్ఫర్మేషన్ రావడానికి ఇంకా టైం పట్టేలా ఉంది. బాలయ్య శివరాజ్ కుమార్ కుటుంబాల మధ్య ఎప్పటి నుంచో ఘాడమైన సాన్నిహిత్యం ఉంది. గౌతమిపుత్రశాతకర్ణిలో చిన్న పాత్ర వేసేందుకు కన్నడ స్టార్ ఒప్పుకున్నది ఇందుకే. కార్యరూపం దాలిస్తే మాత్రం హర్ష నక్క తోక తొక్కినట్టే. ఎందుకంటే ఈ మూడు పూర్తయ్యేలోగా ఎలాగూ నాలుగైదేళ్ళకు సరిపడా పని దొరికేస్తుంది. హిట్ కొట్టాడా జాతకం మారిపోయి ప్రశాంత్ నీల్ లా డిమాండ్ పెంచుకోవచ్చు

This post was last modified on May 23, 2023 12:22 pm

Share

Recent Posts

లెజెండ్ రీఎంట్రీ… అదిరిపోలా

గుణ్ణం గంగరాజు.. ఈ పేరు ఈ తరం సినీ ప్రేక్షకులకు పెద్దగా పరిచయం లేకపోవచ్చు. కానీ 90వ దశకం నుంచి…

47 minutes ago

చిరు, చరణ్‌… అల్లు అరవింద్‌కు ఎంత ముఖ్యమంటే?

మెగాస్టార్ చిరంజీవి, అల్లు అరవింద్ కుటుంబాల మధ్య అనుబంధం గురించి కొత్తగా చెప్పాల్సిన పని లేదు. వీళ్లిద్దరూ బావ బావమరదులన్న…

56 minutes ago

సీఎం సహనం నశించింది రెడ్డి

తెలంగాణా కాంగ్రెస్ పార్టీలో నిత్యం ఏదో ఒక రగడ కొనసాగుతూనే వుంది. ఒకరుపోతే మరొకరు అసంతృప్తి గళం వినిపించడం మామూలై…

1 hour ago

అవకాశాల వర్షంలో అదృష్ట తార

ఇవాళ విడుదలైన ఆకాశంలో ఒక తార హీరోయిన్ సాత్విక వీరవల్లి ఇండస్ట్రీ దృష్టిలో బలంగా పడటం హాట్ టాపిక్ గా…

5 hours ago

అల్లు సినిమాస్‌పై కంప్లైంట్.. వీడియో తీసుకున్న అరవింద్

ఈ ఏడాది ఆరంభంలో మొదలైన అల్లు సినిమాస్ మల్టీప్లెక్స్ హైదరాబాద్ సినీ ప్రియుల ఫేవరెట్ స్పాట్లలో ఒకటిగా మారింది. ముఖ్యంగా…

5 hours ago

ఈ కమెడియన్ని వాడుకోండయ్యా

తెలుగు సినిమాల్లో ఒకప్పుడున్న కామెడీ వైభవం.. ఇండియాలోని ఇతర భాషల్లోనే కాదు, ప్రపంచంలోనే మరే సినీ పరిశ్రమలోనూ లేదు అంటే అతిశయోక్తి…

5 hours ago