ఈ కాంబో సాధ్యమేనా బాలయ్య ?

ప్రేక్షకులు ఊహించని ఓ కాంబో భారీ ప్రాజెక్ట్ కోసం కలుస్తున్నారంటే ? మూవీ లవర్స్ కి అంతకంటే సంతోషముండదు. తాజాగా అలాంటి ఓ వార్తే సినిమా అభిమానులను సంబరపెడుతూ ఇది సాధ్యమేనా ? అనిపించేలా చేస్తుంది. విషయంలోకి వెళితే బాలకృష్ణ – శివరాజ్ కుమార్ కలిసి ఓ భారీ ప్రాజెక్ట్ ప్లాన్ చేస్తున్నారట. శివ రాజ్ కుమార్ ప్రొడక్షన్ లో కన్నడ దర్శకుడితో ఈ సినిమా ఉండనుందని, దీన్ని రెండు భాగాలుగా తీస్తారని టాక్ వినిపిస్తుంది. మొదటి పార్ట్ లో బాలకృష్ణ -శివ రాజ్ కుమార్ ఉంటారట , రెండో పార్ట్ లో మాత్రం రజినీ కాంత్, బాలయ్య కనిపిస్తారని అంటున్నారు.

తాజాగా శివ రాజ్ కుమార్ బాలయ్య తో మా కాంబోలో సినిమా రానున్నట్లు తెలియజేశాడు. దీంతో ఈ కాంబో సినిమా ఫిక్స్ అని క్లారిటీ వచ్చేసింది. కన్నడ కంఠీరవ రాజ్ కుమార్ కుటుంబంతో ఎన్టీఆర్ కుటుంబానికి మంచి రిలేషన్ ఉంది. ముఖ్యంగా బాలయ్య -శివ రాజ్ కుమార్ ఇద్దరు మంచి మిత్రులు. గతంలో బాలయ్య అడగ్గానే ‘గౌతమీ పుత్ర శాతకర్ణి’ సినిమాలో చిన్న పాత్రలో కనిపించాడు శివ రాజ్ కుమార్. తాజాగా హైదరాబాద్ లో జరిగిన ఎన్టీఆర్ శత జయంతి ఉత్సవాలకు కూడా శివ రాజ్ కుమార్ హాజరయ్యాడు.

బాలయ్య , శివ రాజ్ కుమార్ కాంబో అయితే ఫిక్సే. కానీ రజినీ కాంత్ , బాలయ్య కాంబో మీద అందరికీ డౌట్స్ కలుగుతున్నాయి. ప్రస్తుతం రజినీ కాంత్ జైలర్ , లాల్ సలాం సినిమాలతో బిజీగా ఉన్నారు. ఆ తర్వాత ‘జై భీం’ ఫేమ్ జ్ఞానవేల్ తో ఓ సినిమా చేయనున్నాడు. అలాగే లోకేష్ కనగరాజ్ తో మరో ప్రాజెక్ట్ లైనప్ లో ఉంది. ఈ బిజీ షెడ్యూల్ లో రజినీ ఈ సినిమాకు డేట్స్ ఇస్తారా ? కష్టమే అనిపిస్తుంది. ఒక వేళ రజినీ గ్రీన్ సిగ్నల్ ఇస్తే మాత్రం ఈ కాంబో థియేటర్స్ లో ఫ్యాన్స్ కి ట్రీట్ ఇవ్వడమే కాదు సెన్సేషన్ అవుతుంది కూడా.