హిందీ ‘ఛత్రపతి’ లో ఇన్ని మార్పులా ?

ప్రభాస్ , రాజమౌళి కాంబినేషన్ లో వచ్చిన మొదటి సినిమా ‘ఛత్రపతి’ ను ఇన్నేళ్ల తర్వాత బెల్లంకొండ హీరోగా వినాయక్ హిందీలో రీమేక్ చేశారు. కొన్ని నెలలుగా వాయిదా పడుతూ వచ్చిన ఈ సినిమా తాజాగా అక్కడ రిలీజైంది. అయితే తెలుగు వర్షన్ లో రాజమౌళి తీసింది తీసినట్టు ఉంచేసిన వీవీ వినాయక్ కొన్ని విషయాల్లో మాత్రం మార్పులు చేసుకున్నాడు. సినిమాలో ప్రభాస్ ఎంట్రీతో వచ్చే చేప ఎపిసోడ్ మొత్తం లేపేసి హీరో ఎంట్రీ డైరెక్ట్ గా చూపించేశాడు వినాయక్. ఆ ఎపిసోడ్ కి వీఎఫ్ఎక్స్ వర్క్ బాగా చేయాలి బడ్జెట్ కూడా ఎక్కువే అవుతుంది. అందుకే ఆ ఎపిసోడ్ లేపేశారు కాబోలు.

ఇక ఛత్రపతిలో లవ్ ట్రాక్ , అమ్మ సెంటిమెంట్ ఎక్కువ ఉంటుంది. ఫస్ట్ హాఫ్ హాఫ్ లో లవ్ ట్రాక్ కి ఎక్కువ ఇంపార్టెన్స్ ఇవ్వకుండా డైరెక్ట్ గా కథలోకి వెళ్ళిపోయాడు వినాయక్. అలాగే సెకండాఫ్ లో భానుప్రియ -ప్రభాస్ మధ్య వచ్చే కొన్ని సీన్స్ ను ట్రిమ్ చేసేశారు. వారిద్దరి మధ్య క్లైమాక్స్ లో వచ్చే “తెల్లనివన్నీ పాలని నల్లని వన్నీ నీళ్ళను అనుకున్నా” అనే సెంటిమెంట్ సాంగ్ ను లేపేశారు.

ఇలా కొన్ని మార్పులతో ఛత్రపతిను హిందీ ప్రేక్షకులకు అందించాడు వినాయక్. అలాగే ప్రీ క్లైమాక్స్ కి ముందు తనదైన శైలిలో ఓ సుమో ఛేజ్ పెట్టాడు. అది సెకండాఫ్ లో హైలైట్ అనిపించుకుంది. నార్త్ ఆడియన్స్ కి కావాల్సిన అన్నీ హంగులు ఇందులో సమకూర్చారు. ముఖ్యంగా యాక్షన్ ఎపిసోడ్స్ , సాంగ్స్ వారి అభిరుచి మేరకు ఉన్నాయి. మరి ఈ రీమేక్ సినిమా బాలీవుడ్ ఎలా ఆకట్టుకుంటుందో ? బెల్లం కొండకి అక్కడ ఎలాంటి విజయం దక్కుతుందో ? చూడాలి.