సినీ రంగంలో ఉన్న వాళ్లకు కూడా సినీ ఫక్కీలో ప్రేమలో పడటం.. ప్రేమాయణం గురించి తెలిసి ఇళ్లలో ఇబ్బందులు ఎదుర్కోవడం.. కొంచెం నాటకీయ రీతిలో పెళ్లి చేసుకోవడం లాంటి అనుభవాలు ఉంటాయి. టాలీవుడ్ దర్శకుడు మారుతి ప్రేమ పెళ్లి విషయంలో మరీ నాటకీయతో, ఇబ్బందులు లేకపోయినా.. అక్కడక్కడా కొన్ని ట్విస్టులు అయితే ఉన్నాయట.
వెన్నెల కిషోర్ నిర్వహిస్తున్న టీవీ షోకు తన భార్య స్పందనతో కలిసి అతిథిగా వచ్చిన సందర్భంగా మారుతి ఆ సంగతులు కొన్ని పంచుకున్నారు. స్పందనతో తనది ప్రేమ పెళ్లే అని.. ఐతే తమ ప్రేమాయణం బయటపడకుండా అన్నీ బాగానే మేనేజ్ చేసినా.. స్పందనకు డైరీ రాసే అలవాటు ఉండటం వల్ల తామిద్దరం దొరికిపోయామని వెల్లడించాడు మారుతి.
మారుతి నిజానికి స్పందన కంటే ముందు ఆమె తల్లిని కలిశారట. మచిలీపట్నంలో జూనియర్ జేసీ వింగ్ అనే క్లబ్లో స్పందన తల్లి చురుగ్గా ఉండేవారని.. అక్కడ ఆమె పరిచయం కాగా.. తర్వాత ఓ డిన్నర్లో స్పందనతో పరిచయం జరిగిందని.. ఆమె చదివే స్కూల్ పక్కనే తన స్టిక్కరింగ్ షాప్ పెట్టానని.. నెమ్మదిగా తమ పరిచయం ప్రేమగా మారిందని మారుతి వెల్లడించాడు.
తామిద్దరం ప్రేమలో పడేటపుడు స్పందన పదో తరగతి చదువుతోందని మారుతి చెప్పగా.. కాదు ఎనిమిదో తరగతే అని స్పందన వారించడం విశేషం. ఇక డైరీ ట్విస్టు గురించి చెబుతూ.. ‘‘నేను తనతో ప్రేమలో పడ్డాక హైదరాబాద్ వచ్చేశాను. స్పందన వాళ్లు విజయవాడ వెళ్లారు. తను నన్ను ఎప్పుడు కలిసింది.. ఎప్పుడు మాట్లాడింది అన్నీ డైరీలో రాసేది. మేమిద్దరం దొరక్కుండా అన్ని జాగ్రత్తలు తీసుకున్నాం. వాళ్లకు ల్యాండ్ ఫోన్ ఉండేది. మాకు లేదు. అందుకే ఇద్దరం కలిసి సెల్ ఫోన్లు కొన్నాం. కానీ నాకు కాల్ చేసిన విషయం కూడా ఆమె డైరీలో రాసేది. వాళ్లింట్లో వాళ్లు అది చూడటంతో మా ప్రేమ విషయం బయటపడిపోయింది. పెళ్లి విషయంలో మేం మరీ ఇబ్బందులు ఎదుర్కోలేదు’’ అని మారుతి తెలిపాడు.
This post was last modified on May 12, 2023 7:42 am
జాతీయ రాజకీయాల్లో చక్రం తిప్పాలని ఆశపడ్డ బీఆర్ఎస్ అధినేత, మాజీ ముఖ్యమంత్రి కేసీఆర్ గతంలో ఏ చిన్న అవకాశం దొరికినా…
తన 12 మెట్ల కిన్నెర వాయిద్యంతో జాతీయస్థాయిలో గుర్తింపు పొంది రాష్ట్రపతి రాంనాథ్ కోవింద్ చేతుల మీదుగా పద్మశ్రీ అవార్డు అందుకున్న కిన్నెర మొగులయ్య…
ప్రతి సినిమాకు విభిన్నంగా కొత్తగా ప్రయత్నిస్తున్న సుహాస్ తాజాగా ప్రసన్నవదనంతో థియేటర్లలో అడుగు పెట్టాడు. ఈ ఏడాది అంబాజీపేట మ్యారేజీ…
దర్శకుడు శేఖర్ కమ్ముల సెన్సిటివ్ సినిమాలు తీస్తాడనే పేరే కానీ సీరియస్ సబ్జెక్టులు టచ్ చేస్తే అవుట్ ఫుట్ ఏ…
పీసీసీ అధ్యక్షుడు, తెలంగాణ సీఎం రేవంత్ రెడ్డి పట్ల కాంగ్రెస్ అధిష్ఠానం ఫుల్ ఖుషీగా ఉందని తెలిసింది. లోక్సభ ఎన్నికల…
తెలంగాణ ప్రధాన ప్రతిపక్షం బీఆర్ ఎస్కు భారీ షాక్ తగిలింది. ప్రస్తుతం బీఆర్ ఎస్ ఎమ్మెల్సీగా ఉన్న దండే విఠల్రావు…