ఇండియాలో ఉన్న స్టార్ హీరోలందరూ ఒక వైపుంటే.. అజిత్ కుమార్ ఇంకో వైపున ఉంటాడు. అతను తన సినిమాలను ఆఫ్ లైన్లో కానీ, ఆన్ లైన్లో కానీ ఏమాత్రం ప్రమోట్ చేయడు. మీడియాకు ఇంటర్వ్యూలు ఇవ్వడు. సోషల్ మీడియాలోకి అడుగే పెట్టడు. ఇక అభిమానులతో అజిత్కు అసలు చిన్న కనెక్షన్ కూడా ఉండదు.
ఎంత ప్రచారానికి దూరంగా ఉండే హీరో అయినా సరే.. అభిమానులతో కనెక్ట్ అయి ఉంటూ తన పీఆర్ టీం ద్వారా అభిమాన సంఘాలను మొబిలైజ్ చేయడం లాంటివి చేస్తాడు కానీ.. అసలు ఈ అభిమాన సంఘాలే వద్దు అని తేల్చేయడం అజిత్కే చెల్లింది. ఇక అజిత్ వ్యక్తిగత జీవితం ఎప్పుడూ చర్చనీయాంశమే.
ఆయనకు మోటార్ స్పోర్ట్స్ మీద అమితాసక్తి ఉంది. అప్పుడప్పుడూ సినిమాలకు సెలవిచ్చేసి ఎక్కడెక్కడికో వెళ్లి మోటార్ స్పోర్ట్స్ రేసుల్లో పాల్గొంటూ ఉంటాడు. మోటార్ స్పోర్ట్స్ డ్రైవర్గా అజిత్ నైపుణ్యం కొన్ని సినిమాల్లో కూడా చూశాం.
ఇదంతా ఒకెత్తయితే.. అజిత్ ఇటీవల ఒక బైక్ వేసుకుని ఒక్కడే ఇండియా టూర్ వేసేశాడు. అధునాత స్పోర్ట్స్ బైక్ ఒకటి తీసుకుని అందులో కావాల్సిన సరంజామా అంతా పెట్టుకుని.. అజిత్ ప్రచారానికి దూరంగా తన పని తాను చేసుకుపోయాడు. వెంట సహాయకులు ఉండి ఉండొచ్చు కానీ.. ఇలా ఒక స్టార్ హీరో బైక్ వేసుకుని ఇండియా టూర్ వేయడం అన్నది అనూహ్యమైన విషయం.
ఇండియాలో ప్రతి స్టేట్ కవరయ్యేలా ఈ టూర్ ప్లాన్ చేశాడట. ఐతే అప్పుడే అంతా అయిపోలేదు. టూర్లో ఒక దశ పూర్తయింది. కొన్ని రాష్ట్రాలు కవర్ చేశాడు. ‘తునివు’ సినిమా తర్వాత వచ్చిన బ్రేక్లో అజిత్ ఈ టూర్ మొదలుపెట్టాడు. త్వరలో ఆయన కొత్త సినిమా ‘విడా ముయిర్చి’ సెట్స్ మీదికి వెళ్లనుంది. ఆ సినిమాను పూర్తి చేశాక తర్వాతి దశ మొదలవుతుంది. ఫస్ట్ స్టేజ్ టూర్ నడుస్తుండగా ఈ విషయం అభిమానులకు తెలియదు. ఇప్పుడు దానికి సంబంధించిన ఫొటోలు బయటికి రాగా.. ఇలా ఇండియాలో అజిత్ మాత్రమే చేయగలడు అంటూ కొనియాడుతున్నారు.
This post was last modified on May 10, 2023 3:18 pm
ఏపీలో ఎన్నికల పోలింగ్ అనంతరం చెలరేగిన హింసాత్మక ఘటనలను నిలువరించలేక పోయిన.. ఉన్నతాధికారులపై(ఒక జిల్లా కలెక్టరు, ముగ్గురు ఎస్పీలు) వేటు…
ఇంకా షూటింగ్ కాదు కదా కనీసం పూజా కార్యక్రమాలు కూడా జరగని మహేష్ బాబు - రాజమౌళి సినిమా తాలూకు…
ఏపీ సీఎం జగన్ కుటుంబ సమేతంగా విహార యాత్రకు వెళ్లిన విషయం తెలిసిందే. సతీమణి వైఎస్ భారతి, కుమార్తెలు హర్ష,…
మన కల్కి 2898 ఏడిలాగే తమిళంలోనూ విపరీతమైన జాప్యానికి గురవుతున్న ప్యాన్ ఇండియా మూవీ కంగువ. సిరుతై శివ దర్శకత్వంలో…
నిన్న ఎలాగూ కొత్త తెలుగు సినిమాలు లేవనే కారణంగా మిరల్ అనే డబ్బింగ్ మూవీని రిలీజ్ చేశారు. ప్రేమిస్తేతో టాలీవుడ్…
గుంటూరు కారం విడుదలై అయిదు నెలలు పూర్తి కావొస్తున్నా త్రివిక్రమ్ శ్రీనివాస్ కొత్త సినిమా ఇప్పటిదాకా మొదలుకాలేదు. అసలు పూర్తి…