ఒకప్పుడైతే సినిమా బాగుంటే చూసేవాళ్లు. లేదంటే లేదు. కానీ ఇప్పుడు కథ మారిపోయింది. సినిమా ఎలా ఉందన్నది పక్కన పెడితే.. హీరో, డైరెక్టర్, హీరోయిన్, ప్రొడ్యూసర్ వ్యక్తిగతంగా ఎలాంటి వాళ్లు అన్న దాన్ని బట్టి కూడా దాని ఫలితాన్ని నిర్దేశిస్తున్నారు. వ్యక్తిగతంగా వాళ్ల మీద ఉన్న అభిప్రాయాలను బట్టి సోషల్ మీడియాలో అనుకూలంగా లేదా ప్రతికూలంగా పోస్టులు పడుతున్నాయి.
జనాల దృష్టిలో సరైన అభిప్రాయం లేని ఆర్టిస్టుల సినిమాలను సోషల్ మీడియాలో అదే పనిగా టార్గెట్ చేయడం జరుగుతోంది. అలాగే సినిమాలు చూసే విషయంలోనూ.. అందులో ఇన్వాల్వ్ అయిన వారి మీద ఉన్న వ్యక్తిగత అభిప్రాయం కీలకంగా మారుతోంది. కొందరి సినిమాలు బాగున్నా కూడా ఆడకపోవడానికి వారి మీద వ్యక్తిగతంగా నెగెటివిటీ పెరిగిపోవడం కారణం. అదే సమయంలో కొందరు హీరోల మీద మెజారిటీ జనాల్లో సానుకూల అభిప్రాయం ఉండి.. సినిమాలకు అది ప్లస్ అవుతూ ఉంటుంది.
అలాంటి కోవకు చెందిన హీరోనే అల్లరి నరేష్. టాలీవుడ్లో అసలు నెగెటివిటీ అంటూ లేని హీరోల్లో నరేష్ ముందు వరసలో ఉంటాడు. ఒకప్పుడు తన కామెడీ సినిమాలతో కడుపు చెక్కలయ్యేలా నవ్వించాడనే సానుకూల అభిప్రాయం అతడి మీద అందరిలోనూ ఉంది. బేసిగ్గానే కమెడియన్లు, కామెడీ సినిమాలు చేసే హీరోల మీద జనాలకు ఒక పాజిటివ్ ఫీలింగ్ ఉంటుంది. ఒకే రకమైన మూస కామెడీతో విసిగించేయడంతో అతడి సినిమాలు ఒక దశలో వరుసగా ఫెయిలయ్యాయి. కానీ తనకు హిట్ పడాలని కోరుకున్న వాళ్లు చాలామంది ఉన్నారు. కామెడీ ఇమేజ్ పక్కన పెడితే.. సీరియస్గా, సిన్సియర్గా ‘నాంది’ అనే ఒక సినిమా చేస్తే దాన్ని ప్రేక్షకులు పెద్ద హిట్ చేశారు. నిజానికి మొదట్లో వచ్చిన టాక్ను బట్టి చూస్తే అది అంత పెద్ద హిట్ అవ్వాల్సిన సినిమా కాదు.
ఇప్పుడు ‘ఉగ్రం’ అనే సినిమాకు కూడా యావరేజ్ టాక్ వచ్చింది. కానీ ఈ సినిమాకు సాయంత్రానికి వసూళ్లు బాగా పుంజుకున్నాయి. సినిమా గురించి ఎవ్వరూ నెగెటివ్గా మాట్లాడకపోవడం నరేష్ మీద ఉన్న సానుకూల అభిప్రాయమే కారణం. యావరేజ్ టాక్ కాస్తా హిట్ టాక్గా మారి.. సినిమా రెండో రోజు బాక్సాఫీస్ దగ్గర బాగా పెర్ఫామ్ చేస్తోంది. జనాల్లో వ్యక్తిగతంగా మంచి అభిప్రాయం కలిగి ఉండటం ఎంత కీలకం అన్నది ఇలాంటి సినిమాల ఫలితాలు చూస్తే అర్థమవుతుంది.
తెలంగాణ అధికార పార్టీ కాంగ్రెస్లో వన్ మ్యాన్ `ఆర్మీ`గా ముఖ్యమంత్రి రేవంత్ రెడ్డి కనిపిస్తున్నారు. గత ఎన్నికల్లో పార్టీని అధికారంలోకి…
ఉత్తరాంధ్ర రాజకీయాల్లో ఒకప్పుడు దూకుడుగా ఉన్న వైసీపీ ఇప్పుడు పెద్దగా కనిపించడం లేదన్న టాక్ వినిపిస్తోంది. కీలక నాయకులు ఉన్నప్పటికీ..…
కరణం బలరామకృష్ణమూర్తి.. రాజకీయ ఉద్ధండుడిగా పేరొందిన ఉమ్మడి ప్రకాశం జిల్లాకు చెందిన నేత. కుమారుడు కరణం వెంకటేష్ను ఎమ్మెల్యేగా చూసుకోవాలన్న…
నియోజకవర్గాల పునర్విభజన అనూహ్య పరిణామాల నేపథ్యంలో అలా వెనక్కెళ్లిపోయింది. దక్షిణాది, ఈశాన్య రాష్ట్రాలకు తీరని అన్యాయం అంటూ కాంగ్రెస్ నేతృత్వంలోని ఇండియా…
బ్లాక్ బస్టర్ సినిమాల వెనుక కొన్ని వేల మంది కష్టం దాగి ఉంటుంది. కాకపోతే ప్రేక్షకులకది అనవసరం. థియేటర్ లో…
ప్రతి నెల ఒకటో తారీకు కోసం ఉద్యోగులు ఎదురు చూడడం సహజం. కారణం నెలంతా కష్టపడితే జీవితాలు అకౌంట్ లో…