టీజర్లు, ట్రైలర్ల వల్ల కొన్ని సినిమాలకు బాగా కలిసొస్తుంటుంది. విడుదల ముంగిట సినిమాకు హైప్ పెరగడానికి అవి పనికొస్తుంటాయి. అదే సమయంలో టీజర్, ట్రైలర్ బాలేకుంటే సీన్ రివర్సవుతుంది. ఉన్న హైప్ కూడా పోతుంది. సినిమా రిజల్ట్ మీదే అది ప్రభావం చూపొచ్చు. ‘ఆదిపురుష్’ సినిమా విషయంలో రెండోదే జరిగేలా కనిపించింది. గత ఏడాది రిలీజైన ఆ సినిమా టీజర్ మీద జరిగిన రచ్చ అంతా ఇంతా కాదు.
రామాయణానికి సంబంధించి మన ఊహల్లో ఉన్న దానికి భిన్నంగా ప్రధాన పాత్రలు కనిపించడం.. అలాగే చాలా కృత్రిమంగా అనిపించిన గ్రాఫిక్స్.. సినిమా మీద విపరీతమైన ట్రోలింగ్కు కారణం అయ్యాయి. టెక్నాలజీ ఈ సినిమాకు బలం కాకపోగా.. పెద్ద బలహీనతగా మారింది. చరిత్రలో ఇంత వరకు ఒక టీజర్ వల్ల ఏ సినిమాకూ జరగని డ్యామేజ్ ఈ చిత్రానికి జరిగింది. అది ఏ స్థాయిలో అంటే.. సినిమాను ఆరు నెలలు వాయిదా వేసుకుని మళ్లీ గ్రాఫిక్స్, ఇతర విషయాల మీద కరెక్షన్లకు కూర్చునేంత.
మొత్తానికి చెయ్యాల్సిన కరెక్షన్లేవో చేశారు. అనుకున్న ప్రకారమే జూన్ 16న ఈ చిత్రాన్ని విడుదల చేయాలనుకుంటున్నారు. ఈ నేపథ్యంలో ఇటీవల కొన్ని పోస్టర్లు, అలాగే పాటలు రిలీజ్ చేసి ప్రమోషన్లు మొదలుపెట్టారు. కానీ వీటి మీద కంటే ట్రైలర్ మీదే అందరి దృష్టీ నిలిచి ఉంది. అదెలా ఉంటుందన్న దాన్ని బట్టి సినిమా మీద జనాలు ఒక అంచనాకు రాబోతున్నారు.
ప్రభాస్ అభిమానులతో సహా అందరూ టీజర్ లాగా కాకుండా ఈసారి పాజిటివ్ ఫీల్ ఇచ్చేలా ట్రైలర్ ఉండాలని కోరుకుంటున్నారు. ఓం రౌత్ అండ్ టీం విడుదలకు నెల రోజుల ముందే ట్రైలర్ లాంచ్ చేయాలని చూస్తోంది. ఇందుకోసం మంచి ముహూర్తం చూస్తున్నారు. మే 4 లేదా 17న ట్రైలర్ రిలీజ్ చేయాలని చూస్తున్నట్లు సమాచారం. ఆల్రెడీ ట్రైలర్ సిద్ధమైందట. దాని నిడివి 3 నిమిషాల 22 సెకన్లు అని తెలిసింది. ఈ ట్రైలర్ ఏ రోజు రిలీజైతే ఆ రోజు ‘ఆదిపురుష్’ ఫేట్ ఏంటి అన్నది తేలిపోతుంది అనడంలో సందేహం లేదు.
స్టార్ డైరెక్టర్లకు శిష్యరికం చేసి గొప్ప దర్శకులుగా ఎదిగిన వాళ్ళను చూస్తూ ఉంటాం. ముఖ్యంగా రామ్ గోపాల్ వర్మ దగ్గర…
ఆంధ్రప్రదేశ్ అసెంబ్లీ ఎన్నికల్లో విజయం దిశగా ప్రచారాన్ని హోరెత్తిస్తున్న కూటమిలో మరింత జోష్ పెరగబోతోంది. ఇప్పటికే విజయం ఖాయమనే ధీమాతో…
ఆంధ్రప్రదేశ్ ఎన్నికల్లో అధికారం నిలబెట్టుకోవడం జగన్ శాయశక్తులా కృషి చేస్తున్నారు. కానీ ఎంత చేసినా వైసీపీ ప్రభుత్వంపై వ్యతిరేకత స్పష్టంగా…
ఆంధ్రప్రదేశ్ అసెంబ్లీ ఎన్నికల వేడి రోజురోజుకూ పెరుగుతోంది. పోలింగ్ తేదీ దగ్గర పడుతున్నా కొద్దీ పార్టీలన్నీ ప్రచారంలో దూసుకెళ్తున్నాయి. అభ్యర్థులు…
హోరాహోరీగా సాగుతున్న ఏపీ ఎన్నికల యుద్ధం మరో వారం రోజుల్లో ఒక కొలిక్కి రావటంతో పాటు.. ఎన్నికల్లో కీలక అంకమైన…
మాములుగా ఒక చిన్న సినిమా దర్శకుడు డీసెంట్ సక్సెస్ సాధించినప్పుడు అతనికి వెంటనే పెద్ద ఆఫర్లు రావడం అరుదు. రాజావారు…