ఇక్కడ అల్లు అర్జున్ ఆటలు చెల్లలేదు!

అల వైకుంఠపురములో చిత్రానికి అల్లు అర్జున్ ఏది అనుకుంటే అదే జరిగింది. త్రివిక్రమ్ ఆ సినిమాకు ముందు కాస్త డౌన్ లో ఉండడంతో అల్లు అర్జున్ తనకు కావాల్సినట్టుగా అన్నీ సెట్ చేయించుకున్నాడు. నిర్మాతగా తన తండ్రికి కూడా వాటా ఇప్పించుకున్నాడు. అలాగే మహేష్ తో సినిమా ఆగిపోవడంతో సుకుమార్ కూడా డిఫెన్స్ లో ఉన్న టైంలో పుష్ప చిత్రానికి సైతం బన్నీ చెప్పిందే వేదం అవుతోంది.

కానీ కొరటాల శివతో తదుపరి చిత్రానికి మాత్రం అల్లు అర్జున్ డెసిషన్ మేకర్ కాదు. తన సినిమాలపై పూర్తి అథారిటీ తీసుకునే కొరటాల శివ ఎవరి వాటా ఎంత అనేది తానే తేల్చాడు. కొరటాల శివతో సినిమా చేయడం కోసం చాలా కాలంగా ఎదురు చూస్తున్న అల్లు అర్జున్ ఈ సినిమా వరకు పెద్దగా జోక్యం చేసుకోవడం లేదు

కొరటాల శివను తన సినిమాకు లాక్ చేసేయడం అల్లు అర్జున్ కి కావాలి. అందుకే ఆచార్య షూటింగ్ ఇంకా బ్యాలన్స్ ఉండగా, తన పుష్ప ఇంకా మొదలైనా కాకుండా కొరటాల సినిమాను అసలు సందర్భమే లేకుండా అనౌన్స్ చేసేసాడు.