తెలుగు దర్శకులకు వేరే ఫిలిం ఇండస్ట్రీల్లోనూ ఇది వరకు ఎన్నడూ లేనంత డిమాండ్ ఏర్పడింది గత కొన్నేళ్లలో. బాలీవుడ్, కోలీవుడ్, మాలీవుడ్, శాండిల్వుడ్.. ఇలా అన్ని ఇండస్ట్రీల హీరోలూ టాలీవుడ్ డైరెక్టర్లతో సినిమాలు చేయడానికి ఆసక్తి చూపిస్తున్నారు. ముఖ్యంగా ఈ మధ్య తమిళ హీరోలు.. వరుసగా తెలుగు దర్శకులతో జట్టు కడుతున్నారు.
శివ కార్తికేయనేమో అనుదీప్తో ‘ప్రిన్స్’ చేస్తే.. వెంకీ అట్లూరితో ధనుష్ ‘సార్’ చేశాడు. అలాగే విజయ్.. వంశీ పైడిపల్లి దర్శకత్వంలో ‘వారసుడు’ మూవీలో నటించాడు. ధనుష్.. శేఖర్ కమ్ములతోనూ జట్టు కడుతున్న సంగతి తెలిసిందే. ఇంకా కొందరు తమిళ హీరోలు తెలుగు దర్శకుల వైపు చూస్తున్నారు. ఇందులో కోలీవుడ్ టాప్ స్టార్లలో ఒకడైన సూర్య కూడా ఉన్నట్లు తాజా సమాచారం. తెలుగులో సూర్యకు ఎంత మంచి ఫాలోయింగ్ ఉండేదో తెలిసిందే. రజినీకాంత్, కమల్ హాసన్ల తర్వాత అంత ఫాలోయింగ్ సంపాదించింది సూర్యనే.
ఐతే గత కొన్నేళ్లలో సూర్య సరైన సినిమాలు అందించకపోవడం వల్ల తెలుగులో మార్కెట్, క్రేజ్ పడిపోయింది. అయినప్పటికీ అతడిని అభిమానించే వాళ్లు పెద్ద సంఖ్యలోనే ఉన్నారు. వారిని మెప్పించడంతో పాటు తమిళంలోనూ మంచి విజయం అందుకునే దిశగా ఒక పాన్ ఇండియా సినిమా చేయాలని సూర్య నిర్ణయించుకున్నాడట.
ఇందుకోసం అతను ‘కార్తికేయ-2’ దర్శకుడు చందూ మొండేటితో చేతులు కలుపుతున్నట్లు సమాచారం. చందూ ‘కార్తికేయ-2’లో పాన్ ఇండియా స్థాయిలో ఘనవిజయాన్నందుకున్నాడు. సరైన స్టార్ పడితే అతడి తర్వాతి చిత్రం వేరే లెవెల్కు వెళ్తుందనడంలో సందేహం లేదు. అందుకే అతను సూర్యకు ఒక కథ చెప్పి ఒప్పించినట్లు సమాచారం. మొదట్నుంచి సైన్స్ ఫిక్షన్ టచ్ ఉన్న ఫాంటసీ సినిమాలు చేయడానికి ఆసక్తి చూపిస్తున్నాడు చందూ. సూర్యకు కూడా ఈ తరహా సినిమాలంటే ప్రత్యేక ఆసక్తి ఉంది. వీరి కలయికలో ఈ జానర్లో మంచి సినిమా పడితే ప్రేక్షకులకు పండగే.
This post was last modified on April 17, 2023 6:15 pm
సౌత్ ఇండియన్ ఫిలిం హిస్టరీలో మురుగదాస్ది ప్రత్యేక స్థానం. కమర్షియల్ సినిమాల్లో కూడా వైవిధ్యం చూపిస్తూ.. అదే సమయంలో మాస్ను ఉర్రూతలూగిస్తూ…
ఒకప్పుడు తెలుగు, తమిళంలో భారీ చిత్రాలతో ఒక వెలుగు వెలిగిన నిర్మాత ఎ.ఎం.రత్నం. సూర్య మూవీస్ బేనర్ మీద ‘ఖుషి’ సహా…
లెజెండరీ మ్యూజిక్ డైరెక్టర్ ఇళయరాజా పాటల గొప్పదనం గురించి కొత్తగా చెప్పాల్సిన పని లేదు. సంగీతాభిమానులు ఆయన్ని దేవుడిలా కొలుస్తారు.…
కూటమి అధికారంలోకి రాగానే.. తాను చేసే తొలి సంతకం.. మెగా డీఎస్సీపైనేనని.. దీనివల్ల 20 వేల మంది నిరుద్యోగులకు మేలు…
సూపర్ స్టార్ మహేష్ బాబు, దర్శక ధీర రాజమౌళి కాంబోలో తెరకెక్కబోయే ప్యాన్ వరల్డ్ మూవీ గురించి షూటింగ్ స్టార్ట్…
తెలంగాణ మాజీ ముఖ్యమంత్రి, బీఆర్ ఎస్ అధినేత కేసీఆర్కు భారీ షాక్ తగిలింది. కీలకమైన పార్లమెంటు ఎన్నికల సమయం లో…