పుష్ప సినిమాలో మిగతా డైలాగులన్నీ ఒకెత్తయితే.. క్లైమాక్స్లో బన్నీని ఉద్దేశించి ఫాహద్ ఫాజిల్ చెప్పే పార్టీ లేదా పుష్ప అని అడిగే డైలాగ్ మరో ఎత్తు. పుష్ప ట్రైలర్లో బాగా హైలైట్ అయిన ఈ డైలాగ్.. జనాల్లోకి దూసుకెళ్లిపోయింది. జనాలు చాలా క్యాజువల్గా ఈ డైలాగ్ వాడేస్తుంటారు. తమ వాళ్లెవరైనా పార్టీ ఇవ్వాల్సిన సందర్భం వస్తే పార్టీ లేదా పుష్పా అంటుంటారు. సెలబ్రెటీలు సైతం ఈ డైలాగ్ను ఉపయోగించేవాళ్లే.
ఐతే తాజాగా అల్లు అర్జున్ను ఉద్దేశించి జూనియర్ ఎన్టీఆర్ ఈ పంచ్ డైలాగ్ పేల్చడం విశేషం. శనివారం అల్లు అర్జున్ పుట్టిన రోజు అన్న సంగతి తెలిసిందే. ఈ సందర్భంగా బన్నీని బావా అని సంబోధిస్తూ పుట్టిన రోజులు శుభాకాంక్షలు చెప్పాడు తారక్. అందుకు బదులిస్తూ బన్నీ థ్యాంక్స్ బావా అన్నాడు. అంతే కాక నీకు నా కౌగిలింతలు అని కూడా చెప్పాడు. ఈ కామెంట్ మీద తర్వాత తారక్ స్పందించాడు. కేవలం కౌగిలింతలేనా బావా.. పార్టీ లేదా పుష్పా అని పంచ్ వేశాడు.
ఇద్దరు సూపర్ స్టార్ హీరోల మధ్య ఈ సంభాషణ నెటిజన్లను బాగా ఆకర్షిస్తోంది. తారక్, బన్నీ ఒకరినొకరు ఎప్పట్నుంచో బావా బావా అని పిలుచుకుంటున్నారు. బన్నీ-తారక్ మధ్య అనుబంధానికి ఇది నిదర్శనం అంటూ మ్యూచువల్ ఫ్యాన్స్ ట్వీట్లు వేస్తున్నారు. వీళ్లిద్దరూ కలిసి ఒక మల్టీస్టారర్ చేస్తే అదిరిపోతుందని ఆకాంక్షిస్తున్న వారూ ఉన్నారు. అదే సందర్భంలో ఈ మధ్య మెగా హీరోలతో ఇంత సన్నిహితంగా బన్నీ లేకపోవడాన్ని తప్పుబడుతున్న వాళ్లూ లేకపోలేదు.
This post was last modified on April 8, 2023 10:47 pm
ఏపీలో డబుల్ ఇంజన్ సర్కారు రానుందని ప్రధాన మంత్రి నరేంద్ర మోడీ అన్నారు. బీజేపీ నేతృత్వంలోని ఎన్డీయే కూటమే కేంద్రంలోనూ…
ఆంధ్రప్రదేశ్లో కొన్ని వారాల నుంచి ఎన్నికల కమిషన్ కొరఢా ఝళిపిస్తూ ఉంది. ఎన్నికల సమయంలో తమ పరిధి దాటి వ్యవహరిస్తున్న…
కుర్ర హీరోల్లో వేగంగా మార్కెట్ పడిపోయిన వాళ్ళలో రాజ్ తరుణ్ పేరు మొదటగా చెప్పుకోవాలి. కెరీర్ ప్రారంభంలో కుమారి 21…
ల్యాండ్ టైట్లింగ్ యాక్ట్.. గత ఏడాది ఏపీలో జగన్ సర్కారు ప్రతిష్టాత్మకంగా ప్రవేశపెట్టి చట్టం. ఇప్పుడీ చట్టం ఎన్నికల ముంగిట…
ఆంధ్రప్రదేశ్లో ఇంకో వారం రోజుల్లో ఎన్నికలు జరగబోతుండగా.. మంత్రి అంబటి రాంబాబుపై ఆయన అల్లుడు డాక్టర్ గౌతమ్ రిలీజ్ చేసిన…
ఎడిటర్ మోహన్ నిర్మాణ సంస్థ ఎంఎస్ ఆర్ట్స్ లో అసిస్టెంట్ డైరెక్టర్ గా సుకుమార్ పని చేస్తున్న రోజులవి. ముప్పై…