నిన్న ఉదయం నుంచి సోషల్ మీడియాను ఒక న్యూస్ హోరెత్తించేస్తోంది. బాలీవుడ్ సూపర్ స్టార్లలో ఒకడైన హృతిక్ రోషన్.. టాలీవుడ్ టాప్ స్టార్లలో ఒకడైన జూనియర్ ఎన్టీఆర్ కలిసి ‘వార్-2’ సినిమాలో నటించబోతున్నారన్నదే ఆ వార్త సారాంశం. ఆల్రెడీ హిందీలో బ్లాక్బస్టర్ అయిన సినిమా ‘వార్’. ఇప్పుడు ఆ చిత్రానికి కొనసాగింపుగా రాబోయే సినిమాలో హృతిక్, తారక్ కలిసి నటిస్తారన్న సమాచారం భారతీయ సినీ ప్రేమికులను ఎంతో ఎగ్జైట్ చేస్తోంది.
హృతిక్కు దక్షిణాదిన కూడా భారీగానే అభిమానులు ఉండగా.. ‘ఆర్ఆర్ఆర్’తో తారక్ ఉత్తరాదిన ఫాలోయింగ్ పెంచుకున్నాడు. ఈ కలయికలో సినిమా అంటే పాన్ ఇండియా స్థాయిలో మోత మోగిపోవడం ఖాయం.ఈ చిత్రంలో యాక్షన్ సీక్వెన్సులు భూమి బద్దలయ్యే రేంజిలో ఉంటాయన్న అంచనాలు ఉన్నాయి. హృతిక్, తారక్ పేస్ ఆఫ్ సీన్ల గురించి ఇప్పటికే పెద్ద చర్చ నడుస్తోంది.
ఐతే కేవలం యాక్షన్తో సరిపెడితే అభిమానులు ఊరుకోరు. అంతకుమించి ఆశిస్తారు. ముఖ్యంగా హృతిక్, తారక్ డ్యాన్స్లో పోటీ పడితే చూడాలని ప్రేక్షకులు ఆశిస్తారనడంలో సందేహం లేదు. బాలీవుడ్ ఫిలిం హిస్టరీలోనే బెస్ట్ డ్యాన్సర్లలో హృతిక్ ఒకడు. ప్రస్తుతం హిందీలో అతణ్ని మించిన డ్యాన్సర్ లేడు. టైగర్ ష్రాఫ్, వరుణ్ ధావన్ లాంటి వాళ్లు కూడా బాగా డ్యాన్సులు వేసేవాళ్లే కానీ.. హృతిక్లో ఉన్న గ్రేస్, స్టైల్ వీరిలో కనిపించవు.
ఇక తారక్ ఎలాంటి డ్యాన్సరో ప్రత్యేకంగా చెప్పాల్సిన పని లేదు. నవతరం స్టార్లలో అతను నంబర్ వన్ డ్యాన్సర్ హోదాకు గట్టి పోటీదారే. ఇలాంటి ఇద్దరు హీరోలు కలిసి చేయబోతున్న సినిమాలో మంచి డ్యాన్స్ నంబర్ ఉండి.. తారక్, హృతిక్ తమ నృత్యకళను చూపించే ప్రయత్నం చేస్తే ఆ కిక్కే వేరుగా ఉంటుంది. ఈ విషయంలో ఆల్రెడీ సోషల్ మీడియా జనాల్లో దీనిపై ఊహాగానాలు మొదలైపోయాయి. హృతిక్, తారక్ బెస్ట్ డ్యాన్స్ వీడియోలతో ఒకరికొకరు ఎలివేషన్లు ఇస్తూ.. ఈ ఇద్దరూ కలిసి డ్యాన్స్ చేస్తే ఎలా ఉంటుందన్న చర్చను వేడెక్కిస్తున్నారు.
This post was last modified on April 6, 2023 6:56 pm
ఇండస్ట్రీ పెద్ద ఎవరు..? ఈ ప్రశ్న టాలీవుడ్లో తరచుగా వినిపిస్తుంటుంది. ఒకప్పుడు దర్శక రత్న దాసరి నారాయణరావు ఈ పాత్రను…
ఎన్నికలు అనగానే నాయకుల్లో మార్పులు సహజం. మరీ ముఖ్యంగా ప్రధాన మంత్రినరేంద్ర మోడీ అయితే.. మరింత ఎక్కువగా శ్రద్ధ తీసుకుంటారు.…
ఒకప్పుడు టాలీవుడ్లో తిరుగులేని ఆధిపత్యం చలాయించిన కథానాయికల్లో తమన్నా ఒకరు. టీనేజీలోనే కథానాయిక అవతారం ఎత్తిన ఆమె పదేళ్లకు పైగానే టాప్…
థియేటర్, ఓటిటి మధ్య ఖచ్చితంగా ఎనిమిది వారాల గ్యాప్ ఉండాలనే నిబంధన మీద దక్షిణాది ఇండస్ట్రీ పెద్దలు చాలా సీరియస్…
అధికారంలోకి రావడానికి ముందు వరకు వైఎస్ జగన్మోహన్ రెడ్డి చాలా ఫెరోషియస్గా కనిపించేవారు. అవినీతి కేసుల వ్యవహారం పక్కన పెడితే…
‘బాహుబలి’ సినిమాకు బాలీవుడ్ నుంచి అప్పట్లో ఎంత గొప్ప సహకారం అందిందో తెలిసిందే. కరణ్ జోహార్ లాంటి అగ్ర నిర్మాత ఆ…