‘బాహుబలి’ సినిమాతో పాన్ ఇండియా స్థాయిలో సూపర్ స్టార్ అయిపోయాడు ప్రభాస్. ఆ తర్వాత అతడికి సరైన సినిమాలు పడలేదు కానీ.. లేదంటే ఇండియాలో అతణ్ని కొట్టే హీరో లేడు అన్నట్లే ఉండేది. కానీ ఇప్పుడు ప్రభాస్ చేస్తున్న సినిమాలతో తన రేంజి మారిపోతుందని.. తిరిగి ఇండియాస్ బిగ్గెస్ట్ హీరో ట్యాగ్ వేయించుకుంటాడని అభిమానులు ఆశిస్తున్నారు.
ప్రభాస్ నటిస్తున్న వాటిలో ‘సలార్’ మీద మామూలు అంచనాలు లేవు. ‘కేజీఎఫ్’ తర్వాత ప్రశాంత్ నీల్ రూపొందిస్తున్న సినిమా కావడంతో.. ఈ సినిమాకు పాజిటివ్ టాక్ వస్తే దాని వసూళ్ల ప్రభంజనానికి ఆకాశమే హద్దవుతుందని భావిస్తున్నారు. ఈ సినిమా మీద మేకర్స్ కాన్ఫిడెన్స్ కూడా మామూలుగా లేదు. ఈ చిత్రాన్ని హాలీవుడ్ స్థాయికి తీసుకెళ్లబోతున్నట్లు ఇటీవలే వార్త బయటికి వచ్చింది.
ప్రభాస్ ‘ప్రాజెక్ట్-కే’ లాంటి చిత్రంతో ఇంటర్నేషనల్ లెవెల్కు ఎదుగుతాడని అనుకున్నారు కానీ.. అంతకంటే ముందు ‘సలార్’తోనే ఆ రేంజిని అందుకోబోతుండటం పట్ల అభిమానులు అమితానందంతో ఉన్నారు. ఐతే ‘సలార్’ను అంతర్జాతీయ స్థాయిలో మొక్కుబడిగా రిలీజ్ చేయడం కాకుండా పక్కా ప్లానింగ్తోనే రంగంలోకి దిగుతోంది టీం.
ఈ సినిమా ఇండియన్ వెర్షన్లు రిలీజయ్యాక.. కొంచెం లేటుగా ఇంటర్నేషనల్ కట్ రిలీజ్ చేయడం లాంటిదేమీ చేయట్లేదు. ముందే ఇంగ్లిష్ వెర్షన్ రెడీ అయిపోతోందట. ఇండియా రిలీజ్తో పాటు ఆ వెర్షన్ అంతర్జాతీయ స్థాయిలో సందడి చేయనుందట. పాటలు, కొన్ని డ్రమటిక్ సన్నివేశాలు తీసేసి.. నిడివి అరగంట దాకా తగ్గించి ప్రాపర్ హాలీవుడ్ యాక్షన్ సినిమా చూసిన ఫీలింగ్ ఇవ్వాలని చూస్తున్నారట. ఇంగ్లిష్ వెర్షన్ చాలా పక్కాగా రెడీ అయి.. ఇండియన్ వెర్షన్తో పాటే అంతర్జాతీయ స్థాయిలో సందడి చేయనుందట. ఈ చిత్రం సెప్టెంబరు 28న ప్రేక్షకుల ముందుకు రానున్న సంగతి తెలిసిందే.
This post was last modified on March 24, 2023 4:12 pm
చేవెళ్ల బీజేపీ ఎంపీ అభ్యర్థి కొండా విశ్వేశ్వర్ రెడ్డికి పెద్ద చిక్కొచ్చి పడింది. ఈవీఎంలో ఆయన గుర్తు 2వ నెంబర్…
దర్శకుడు ఎస్వీ కృష్ణారెడ్డి తీసిన ఓ సినిమాలో నటించిన రోజా.. రంగుపడుద్ది అనే డైలాగుతో అలరించారు. అయితే..ఇప్పుడు ఆమెకు నిజంగానే…
జాతీయ రాజకీయాల్లో చక్రం తిప్పాలని ఆశపడ్డ బీఆర్ఎస్ అధినేత, మాజీ ముఖ్యమంత్రి కేసీఆర్ గతంలో ఏ చిన్న అవకాశం దొరికినా…
తన 12 మెట్ల కిన్నెర వాయిద్యంతో జాతీయస్థాయిలో గుర్తింపు పొంది రాష్ట్రపతి రాంనాథ్ కోవింద్ చేతుల మీదుగా పద్మశ్రీ అవార్డు అందుకున్న కిన్నెర మొగులయ్య…
ప్రతి సినిమాకు విభిన్నంగా కొత్తగా ప్రయత్నిస్తున్న సుహాస్ తాజాగా ప్రసన్నవదనంతో థియేటర్లలో అడుగు పెట్టాడు. ఈ ఏడాది అంబాజీపేట మ్యారేజీ…
దర్శకుడు శేఖర్ కమ్ముల సెన్సిటివ్ సినిమాలు తీస్తాడనే పేరే కానీ సీరియస్ సబ్జెక్టులు టచ్ చేస్తే అవుట్ ఫుట్ ఏ…