పెళ్లి చేసుకుని ఓ బిడ్డకు తల్లయ్యాక కూడా కాజల్ అగర్వాల్ కు అవకాశాలు వస్తున్నాయి. వివాహానికి ముందే కమల్ హాసన్ ఇండియన్ 2 ఒప్పుకోవడంతో ప్రస్తుతం దాన్ని పూర్తి చేసే పనిలో ఉంది. బాలకృష్ణ అనిల్ రావిపూడి కాంబోలో కూడా తనే కథానాయిక. అఫీషియల్ గా ఇంకో వారం పది రోజుల్లో ప్రకటన రావొచ్చు. ఇదిలా ఉండగా తన కొత్త సినిమా ఒకటి గుట్టుచప్పుడు కాకుండా రిలీజ్ కు రెడీ కావడం ఫ్యాన్స్ ని ఆశ్చర్యపరుస్తోంది. ఘోస్టీ టైటిల్ తో రూపొందిన ఈ కామెడీ హారర్ డ్రామాని ఇవాళ తమిళంలో విడుదల చేశారు. వారం తర్వాత తెలుగు డబ్బింగ్ రాబోతోంది.
ఇందులో కాజల్ అగర్వాల్ పోలీస్ అధికారిగా నటిస్తోంది. కొందరు షార్ట్ ఫిలిం తీసేవాళ్ళు తమ చిత్రంలో నటించమని అడిగితే ఒప్పుకున్న కాజల్ అనుకోకుండా ప్రమాదవశాత్తు ఒకరిని కాల్చడం వల్ల హత్యకు కారణమవుతుంది. ఆ చనిపోయిన వ్యక్తి దెయ్యం రూపంలో ఆమె వెంట పడుతూ ఇంటికి వచ్చేస్తాడు. దీంతో అక్కడి నుంచి కొత్త సమస్యలు మొదలవుతాయి. ఇంతకీ ఈ మర్డర్ ఎలా జరిగింది ఆ ఆత్మ ఎందుకు కాజల్ చుట్టూ తిరిగిందనే పాయింట్ మీద ఘోస్టీ రూపొందింది. కళ్యాణ్ దర్శకత్వంలో రూపొందిన ఈ మూవీలో యోగిబాబు, ఊర్వశి, ఆడుకాలం నరేన్ లాంటి పెద్ద అరవ క్యాస్టింగ్ ఉంది.
అంతా బాగానే ఉంది కానీ ఇంత హఠాత్తుగా ప్రమోషన్లకు కనీస టైం తీసుకోకుండా రిలీజ్ చేయడమే కామెడీగా ఉంది. తమిళంలో ఈ వారం చెప్పుకోదగ్గ సినిమాలేవీ లేవు. బాక్సాఫీస్ చాలా డల్ గా ఉంది. గత వారం వచ్చిన జయం రవి అగిలన్ డిజాస్టర్ అయ్యింది. ధనుష్ వాతి ఎప్పుడో నెమ్మదించేసింది. అందుకే ఈ గ్యాప్ ని క్యాష్ చేసుకుందామని హఠాత్తుగా బరిలో దూకేసింది. రిపోర్ట్స్ సైతం ఏమంత ఆశాజనకంగా లేవు. మరి వచ్చేవారం టాలీవుడ్ లో విశ్వక్ సేన్ దాస్ కా ధమ్కీ, కృష్ణవంశీ రంగమార్తాండలను కాచుకోవాల్సి ఉంటుంది. అసలు ఇందులో హీరోనే లేకపోవడం ఫైనల్ ట్విస్టు
This post was last modified on March 17, 2023 10:09 am
మహావతార నరసింహ.. గత ఏడాది పాన్ ఇండియా స్థాయిలో సెన్సేషన్ క్రియేట్ చేసిన సినిమా. ఈ యానిమేషన్ మూవీ రిలీజయ్యే…
టాలీవుడ్ టాలెంటెడ్ దర్శకుల్లో వెంకీ కుడుముల పేరు ఖచ్చితంగా ఉంటుంది. రష్మిక మందన్న ఇవాళ ఈ స్థాయికి వచ్చిందంటే ఛలో…
మహిళల భద్రతపై మరోసారి ఆందోళన కలిగించే ఘటన తెలంగాణలో చోటుచేసుకుంది. ఇంటికి వెళ్లేందుకు ఆటోలో లిఫ్ట్ ఇస్తామని నమ్మించిన ఇద్దరు…
ప్రపంచ టెక్ రంగంలో సంచలనం సృష్టించిన ఎన్విడియా మాజీ సీఈవో జెన్సెన్ హువాంగ్ వ్యవహారం మరో మలుపు తిరిగింది. వివాహేతర…
బంధువులను రైలు ఎక్కించడానికి వెళ్లినవాళ్లు అనుకోకుండా అదే రైలులో ప్రయాణించాల్సి వచ్చింది. పైగా టికెట్లు లేకపోవడంతో ఏకంగా రూ.36,140 చెల్లించాల్సి…
మెగాస్టార్ చిరంజీవి స్క్రీన్ మీదే కాదు స్టేజి పైన ఉన్నప్పుడు కూడా ఆయన ఎనర్జీ వేరే లెవెల్ లో ఉంటుంది.…