బోయపాటి మళ్ళీ చెలరేగిపోడు కదా?

బోయపాటి శ్రీను మాస్ సినిమాలు తీయడంలో మేటి అనిపించుకున్న దర్శకుడు. బాలకృష్ణ లాంటి మాస్ హీరోని ఎలా చూపించాలో బోయపాటికి తెలిసినట్టు తన సమకాలీన దర్శకులకు తెలియదంటే అతిశయోక్తి కాదు.

అయితే మాస్ సినిమాలు తీయడంలో ఒక తిరకాసు ఉంది. ఏమాత్రం గీత దాటినా కానీ అతి అనిపించి అభాసుపాలవుతాయి. అందుకే బాలయ్య సినిమాలలో అన్ని ట్రోలింగ్ కి గురయ్యాయి. పవన్ కళ్యాణ్ మాస్ సినిమా కొమరం పులి కూడా అలానే కామెడీ అయిపోయింది.

బోయపాటి శ్రీను కూడా బ్యాలన్స్ తప్పి వినయ విధేయ రామ తీసాడు. అందులోని కొన్ని సన్నివేశాలను ఇప్పటికీ ట్రోల్ చేస్తుంటారు. అలాంటి సినిమాలు మళ్ళీ చేయనని, ఫాన్స్ క్షమించాలని చరణ్ బహిరంగంగా లేఖ రాసాడు.

అయితే బోయపాటి మాత్రం ఆ సినిమాలో లోపం ఉందంటే ఒప్పుకునేవాడు కాదట. ఆ సినిమాకు టీవిలో వేసినప్పుడల్లా సూపర్ టీఆర్ఫీలు వస్తున్నాయి. ఇంత రిపీట్ వేల్యూ చాలా తక్కువ సినిమాలకు ఉందని అంటోంది స్టార్ మా నెట్వర్క్. తన సినిమా గొప్పతనం ఇప్పటికి తెలిసింది అనుకుని బాలకృష్ణ సినిమాలో వివివిలోని సిల్లీ సీన్లు మరిన్ని పెట్టేయడు కదా అని వ్యాఖ్యానిస్తున్నారు నెటిజన్లు.