బాలీవుడ్లో సైఫ్ అలీఖాన్, అజయ్ దేవగణ్, షాహిద్ కపూర్ లాంటి పెద్ద పెద్ద హీరోలు వెబ్ సిరీస్లు చేశారు కానీ.. సౌత్ ఇండియాలో స్టార్ హీరోలు పెద్దగా అటు వైపు చూడట్లేదు. తెలుగులో స్టార్ ఇమేజ్ ఉన్న ఏ హీరో కూడా ఇప్పటిదాకా డిజిటల్ ఎంట్రీ ఇవ్వలేదు. తొలిసారి సీనియర్ హీరో విక్టరీ వెంకటేష్.. తన అన్న కొడుకు రానా దగ్గుబాటితో కలిసి ఒకేసారి డిజిటల్ ఎంట్రీకి రెడీ అయ్యాడు. వీళ్లిద్దరి కలయికలో స్ట్రీమింగ్ జెయింట్ నెట్ఫ్లిక్స్ రూపొందించిన వెబ్ సిరీస్ ‘రానా నాయుడు’ డిజిటల్ రిలీజ్కు రంగం సిద్ధమైంది. ఈ నెల 10 నుంచే ‘రానా నాయుడు’ స్ట్రీమ్ కాబోతోంది. సరిగ్గా ఈ సిరీస్ రిలీజయ్యే టైంకి టాలీవుడ్లో చెప్పుకోదగ్గ కొత్త థియేట్రికల్ రిలీజ్లు ఏమీ లేవు.
ముందు ‘నేను స్టూడెంట్ సార్’ అనే సినిమాను 10వ తేదీకి షెడ్యూల్ చేశారు కానీ.. అది వాయిదా పడిపోయింది. ఆది సాయికుమార్ హీరోగా నటించిన ‘సీఎస్ఐ సనాతన్’ లాంటి చిన్న సినిమాలేవో కొన్ని రిలీజవుతున్నాయి. ఈ సినిమాలు వేటికీ బజ్ లేదు. ప్రేక్షకులను థియేటర్లకు రప్పించే సినిమాలు కావివి. గత వారం విడుదలైన ‘బలగం’ ఓ మోస్తరుగా ఆడుతోంది తప్ప.. థియేటర్లు కొన్ని వారాల నుంచి డల్లుగా నడుస్తున్నాయి. ఇలాంటి టైంలో ‘రానా నాయుడు’ రిలీజవుతుండడంతో ఫోకస్ అంతా దాని మీదే నిలవబోతోంది.
‘రానా నాయుడు’ మీద ఇటు తెలుగు ప్రేక్షకుల్లోనే కాక ఉత్తరాది ప్రేక్షకుల్లోనూ బాగానే ఆసక్తి కనిపిస్తోంది. ఈ సినిమా కోసం వెంకీ షాకింగ్ లుక్లోకి మారారు. ఫ్యామిలీ హీరోగా పేరుపడ్డ ఆయన.. ఈ సిరీస్లో కొన్ని బూతులు పలకడం ఆశ్చర్యం కలిగించే విషయమే. ఒక క్రిమినల్ అయిన తండ్రి.. పోలీసాఫీసర్ అయిన కొడుకు మధ్య జరిగే క్యాట్ అండ్ మౌస్ గేమ్ నేపథ్యంలో ఈ సిరీస్ సాగనుంది. మరి వెంకీ-రానాల డిజిటల్ ఎంట్రీకి ప్రేక్షకుల నుంచి ఎలాంటి స్పందన వస్తుందో చూడాలి.
This post was last modified on March 7, 2023 1:48 pm
అధికారంలో ఉన్న నాయకులు, అధికారంలో లేని నాయకులు ఇలా రెండు వర్గాలుగా విభజించినప్పుడు సాధారణంగా పదవులు పొందిన వారు సంతృప్తి…
మూడు రోజుల తెలుగు వారి పెద్ద పండుగ.. సంక్రాంతి. ఇళ్లకే కాదు.. గ్రామాలకు సైతం శోభను తీసుకువచ్చే సంక్రాంతికి.. కోడి…
ఈ సంక్రాంతికి ‘భర్త మహాశయులకు విజ్ఞప్తి’ చిత్రంతో ప్రేక్షకులను పలకరించబోతోంది డింపుల్ హయతి. కెరీర్లో ఆమెకు ఇంకా పెద్ద బ్రేక్ రాలేదు. ఇప్పటికే ఖిలాడి,…
బీజేపీ కురువృద్ధ నాయకుడు, దేశ మాజీ ఉపరాష్ట్రపతి ముప్పవరపు వెంకయ్యనాయుడు.. ప్రస్తుతం ప్రత్యక్ష రాజకీయాల నుంచి తప్పుకొన్నారు. అయితే.. ఆయన…
చుక్క పడందే నిద్ర పట్టని వారు చాలా మంది ఉన్నారు. వీరిలో చిన్న చితకా మందుబాబులను పక్కన పెడితే, మద్యం…
కుప్పం.. ఏపీ సీఎం చంద్రబాబు సొంత నియోజకవర్గం. గత 40 సంవత్సరాలుగా ఏక ఛత్రాధిపత్యంగా చంద్రబాబు ఇక్కడ విజయం దక్కించుకుంటున్నారు.…