అప్పుడు నరేష్, ఇప్పుడు సుధీర్

ప్రతీ సినిమాలో సిక్స్ ప్యాక్ తో స్టైలిష్ గా కనిపించే సుధీర్ బాబు ఉన్నపళంగా అదిక బరువుతో కనిపిస్తే ఎలా ఉంటుంది ? సరిగ్గా ఇలాంటి షాకింగ్ లుక్ లోనే దర్శనమిచ్చాడు సుధీర్ బాబు. ‘మామా మశ్చీంద్ర’ అనే సినిమాలో సుదీర్ బాబు మూడు డిఫరెంట్ రోల్స్ చేస్తున్నాడు. అందులో ఒకటి పరశురామ్. ఈ పాత్ర కోసమే కొత్త మెకోవర్ ట్రై చేశాడు సుధీర్ బాబు.

దుర్గా , డీజె అనే మరో రెండు గెటప్స్ లో కనిపించనున్నాడు. ఈ గెటప్స్ ఎలా ఉండబోతున్నాయో త్వరలోనే చూపించనున్నారు మేకర్స్. సుదీర్ బాబు న్యూ మెకోవర్ చూస్తే ఒకప్పటి లడ్డు బాబు గుర్తుకొస్తాడు. అల్లరి నరేష్ -రవిబాబు కాంబినేషన్ లో వచ్చిన లడ్డు బాబు సినిమా కోసం ఇంతకంటే అదిక బరువు తో నరేష్ కనిపించాడు. ఆ మెకోవర్ కోసం రోజుకి రెండు గంటల పాటు కష్టపడ్డాడు.

అయితే నరేష్ లడ్డు బాబు కోసం పడిన కష్టమంతా వృదా అయింది. సినిమా డిజాస్టర్ అనిపించుకుంది. మరి ఇప్పుడు సుదీర్ బాబు కష్టం చూస్తే ఎలాంటి రిజల్ట్ వస్తుందో అనే సందేహం కలుగుతుంది. ఈ సినిమా సక్సెస్ అవ్వడం సుదీర్ కి చాలా ముఖ్యం. గత కొన్నేళ్ళుగా ఈ కుర్ర హీరోకి సరైన హిట్ లేదు. మరి దర్శకుడు హర్షవర్ధన్ ఈ సినిమాతో సుదీర్ బాబు ను సక్సెస్ ట్రాక్ ఎక్కిస్తాడా ? చూడాలి.