తమిళంలో ఇప్పుడు విజయ్ నంబర్ వన్ హీరో అనే విషయంలో మరో మాట లేదు. గత దశాబ్ద కాలంలో అతను ఇంతింతై అన్నట్లుగా ఎదిగిపోయాడు. అతడి సినిమాలు టాక్తో సంబంధం లేకుండా భారీ వసూళ్లు రాబడుతున్నాయి. రజినీకాంత్ డౌన్ అవుతున్న టైంలోనే విజయ్ నిలకడగా సక్సెస్లు అందుకుంటూ ఎవ్వరూ అందుకోలేని రేంజికి వెళ్లిపోయాడు.
ఐతే అతడి సినిమాల విషయంలో బిజినెస్, కలెక్షన్ల నంబర్లు మరీ ఎక్కువ చేసి చూపిస్తుంటారనే విమర్శ కూడా ఉంది. ఈ సంక్రాంతికి డివైడ్ టాక్తో మొదలైన వారిసు సినిమా ఉన్నంతలో మంచి వసూళ్లే రాబట్టింది కానీ.. దాని థియేట్రికల్ రెవెన్యూ ఏకంగా రూ.300 కోట్లు దాటిపోయినట్లుగా పోస్టర్లు దించడంపై సోషల్ మీడియాలో చాలా ట్రోలింగ్ నడిచింది. ఆ సినిమా సంగతటుంచితే.. ఇటీవలే మొదలైన విజయ్ కొత్త సినిమా బిజినెస్ గురించి వస్తున్న వార్తలు షాక్కు గురి చేస్తున్నాయి.
మాస్టర్ తర్వాత లోకేష్ కనకరాజ్ దర్శకత్వంలో విజయ్ నటిస్తున్న కొత్త సినిమాకు లియో అనే టైటిల్ ఖరారవడం.. ఇటీవలే దీని షూటింగ్ మొదలు కావడం తెలిసిందే. ఈ సినిమాకు ఏకంగా రూ.400 కోట్ల బిజినెస్ జరిగిపోతున్నట్లు తమిళ మీడియా జనాలు, ట్రేడ్ పండిట్లు ఊదరగొట్టేస్తున్నారు. ఐతే షూటింగ్ కూడా ఆరంభ దశలో ఉండగా అప్పుడే పూర్తి బిజినెస్ లెక్కల గురించి మాట్లాడడం.. ఏకంగా లెక్క 400 కోట్లు దాటిపోవడం విడ్డూరంగా ఉంది.
విజయ్కి ఈ మధ్య తెలుగులో, ఉత్తరాదిన కొంచెం మార్కెట్ ఏర్పడి ఉండొచ్చు. తమిళంలో కూడా మార్కెట్ పెరిగి ఉండొచ్చు. కానీ అతనేమీ పాన్ ఇండియా స్టార్ అయితే కాదు. తమిళ సినిమాల మార్కెట్ పరిధి ప్రకారం చూస్తే అతడి సినిమాలకు రూ.400 కోట్ల బిజినెస్ జరగడం అన్నది ఏమాత్రం నమ్మశక్యంగా అనిపించడం లేదు. వారిసు 300 కోట్లు కలెక్ట్ చేసినట్లుగా దించిన పోస్టర్ వ్యవహారం లాగే ఉంది ఇది కూడా.
This post was last modified on February 26, 2023 9:34 pm
తెలంగాణ అధికార పార్టీ కాంగ్రెస్లో వన్ మ్యాన్ `ఆర్మీ`గా ముఖ్యమంత్రి రేవంత్ రెడ్డి కనిపిస్తున్నారు. గత ఎన్నికల్లో పార్టీని అధికారంలోకి…
ఉత్తరాంధ్ర రాజకీయాల్లో ఒకప్పుడు దూకుడుగా ఉన్న వైసీపీ ఇప్పుడు పెద్దగా కనిపించడం లేదన్న టాక్ వినిపిస్తోంది. కీలక నాయకులు ఉన్నప్పటికీ..…
కరణం బలరామకృష్ణమూర్తి.. రాజకీయ ఉద్ధండుడిగా పేరొందిన ఉమ్మడి ప్రకాశం జిల్లాకు చెందిన నేత. కుమారుడు కరణం వెంకటేష్ను ఎమ్మెల్యేగా చూసుకోవాలన్న…
నియోజకవర్గాల పునర్విభజన అనూహ్య పరిణామాల నేపథ్యంలో అలా వెనక్కెళ్లిపోయింది. దక్షిణాది, ఈశాన్య రాష్ట్రాలకు తీరని అన్యాయం అంటూ కాంగ్రెస్ నేతృత్వంలోని ఇండియా…
బ్లాక్ బస్టర్ సినిమాల వెనుక కొన్ని వేల మంది కష్టం దాగి ఉంటుంది. కాకపోతే ప్రేక్షకులకది అనవసరం. థియేటర్ లో…
ప్రతి నెల ఒకటో తారీకు కోసం ఉద్యోగులు ఎదురు చూడడం సహజం. కారణం నెలంతా కష్టపడితే జీవితాలు అకౌంట్ లో…