‘కస్టడీ’ కోసం ‘ఉగ్రం’ వదిలేశాడా ?

అల్లరి నరేష్ తో విజయ్ కనకమేడల తీస్తున్న ‘ఉగ్రం’ సినిమాకు సంబంధించి టీజర్ రిలీజైంది. ఇందులో నరేష్ ఓ పవర్ ఫుల్ పోలీస్ గా కనిపించబోతున్నాడని చూపించారు. నిజానికి ‘నాంది’ సూపర్ హిట్ అవ్వగానే దర్శకుడు విజయ్ నాగ చైతన్య ను అప్రోచ్ అయ్యాడు. చైతు కి కథ చెప్పేసి గ్రీన్ సిగ్నల్ అందుకున్నాడు. సినిమా కోసం ఆఫీస్ తీయడం, విజయ్ ప్రీ ప్రొడక్షన్ వర్క్ చేయడం అన్నీ జరిగాయి. కానీ ప్రాజెక్ట్ ఎనౌన్స్ మెంట్ కాకుండానే క్యాన్సల్ అయింది.

దీంతో విజయ్ తనకి మొదటి అవకాశం ఇచ్చిన అల్లరి నరేష్ తో ప్రాజెక్ట్ సెట్ చేసుకొని ‘ఉగ్రం’ ను సెట్స్ పైకి తీసుకొచ్చాడు. అయితే చైతు కి విజయ్ ఉగ్రం కథే చెప్పి ఉండొచ్చు. కానీ అదే టైమ్ లో వెంకట్ ప్రభు చెప్పిన ‘కస్టడీ’ లో కూడా పోలీస్ పాత్రే కాబట్టి చైతు విజయ్ కి నో చెప్పేసి ఎప్పటి నుండి అనుకుంటున్న వెంకట్ సినిమాకి గ్రీన్ సిగ్నల్ ఇచ్చేసి ఉండొచ్చు.

‘ఉగ్రం’ టీజర్ ను చైతూనే లాంచ్ చేశాడు. ‘నాంది’ తర్వాత విజయ్ తో కొన్ని ఐడియాస్ తో ట్రావెల్ చేశానని చెప్పుకున్నాడు. సో చైతు మాటలను బట్టి కూడా నరేష్ కంటే ముందు విజయ్ చైతూ కోసమే ఈ స్టోరీ మీద వెంకట్ తో కలిసి వర్క్ చేశాడని అర్థమవుతుంది. ఈ సినిమా సక్సెస్ అయితే మాత్రం చైతు ఓ ఇంటెన్స్ యాక్షన్ డ్రామాను మిస్ చేసుకున్నట్లే మరి.