దగ్గుబాటి అభిమానులు ఎప్పుడెప్పుడని ఎదురు చూస్తున్న రానా నాయుడు ఎట్టకేలకు ముహూర్తం ఫిక్స్ చేసుకుంది. నెట్ ఫ్లిక్స్ భారీ బడ్జెట్ తో నిర్మించిన ఈ వెబ్ సిరీస్ మార్చి 10 నుంచి స్ట్రీమింగ్ కానుంది. ముంబైలో జరిగిన గ్రాండ్ ట్రైలర్ లాంచ్ ఈవెంట్ కి హైదరాబాద్ నుంచి తెలుగు మీడియాని ఆహ్వానించి మరీ తమ ప్రత్యేకత చూపుకుంది నిర్మాణ బృందం. ఒక పెద్ద సినిమాకయ్యేంత ఖర్చు దీనికి పెట్టారని టీజర్ నుంచే ప్రేక్షకులకు క్లారిటీ వచ్చింది. వెంకటేష్ రానాల తొలి ఫుల్ లెన్త్ కలయిక కావడంతో ఫ్యాన్స్ అంచనాలు మాములుగా లేవు. దానికి తగ్గట్టే వీడియోని కట్ చేశారు
సినీ పరిశ్రమలోనే కాదు ఏ సెలబ్రిటీకి ఎలాంటి సమస్య వచ్చినా అందరికీ గుర్తొచ్చే పేరు రానా(రానా). తనను నమ్మి కాంట్రాక్టు ఇచ్చిన వాళ్ళ కోసం ఎంత రిస్క్ అయినా సరే చేసేందుకు సిద్ధపడతాడు. ఈ క్రమంలో నేరాలతో నిండి ఉన్న చీకటి ప్రపంచంలో పెద్ద గుర్తింపు తెచ్చుకుంటాడు. అంతా బాగుందనుకుంటున్న టైంలో ఏళ్ళ తరబడి జైలు శిక్ష అనుభవించిన నాగా(వెంకటేష్) బయటికి వస్తాడు. అతనెవరో కాదు స్వయానా రానా తండ్రి. కానీ ఇద్దరి మధ్య పచ్చగడ్డి వేస్తే భగ్గుమంటుంది. విపరీతమైన ద్వేషంతో రగిలిపోయే రానా ఏం చేశాడనేది అసలు స్టోరీ.
కథేంటో స్పష్టంగా చెప్పేశారు. విజువల్స్ అన్నీ బాలీవుడ్ స్టాండర్డ్ లో ఉన్నాయి. ఇది హిందీలో తీసిన వెర్షన్. తెలుగులో డబ్బింగ్ చేశారని లిప్ సింక్ చూస్తే అర్థమైపోతుంది. జాన్ స్టీవర్ట్ ఏడూరి సంగీతం సమకూర్చగా మొత్తం నలుగురు రచయితలు ఈ స్క్రిప్ట్ మీద పని చేశారు. కరణ్ అంశుమన్ – సుపర్న్ ఎస్ వర్మ టేకింగ్ ఆసక్తికరంగా సాగింది. ఏ మార్కు సీన్లు జోకులు కుడా ఉన్నాయి. వెంకీ మామని ఇంత హై ఇంటెన్స్ యాక్షన్ డ్రామాలో చూసి చాలా కాలమయ్యింది. పైగా నెగటివ్ షేడ్స్ కూడా జోడించడంతో క్యారెక్టరైజేషన్ ఆసక్తిని పెంచుతోంది. మొత్తానికి బాబాయ్ అబ్బాయ్ లు ఏదో గట్టి ప్లాన్ తోనే వస్తున్నారు.
This post was last modified on February 15, 2023 10:54 pm
ఆంధ్రప్రదేశ్ రాజధాని అంశంపై వైసీపీ అధినేత వై.ఎస్. జగన్ మోహన్ రెడ్డి కీలక వ్యాఖ్యలు చేశారు. ‘ప్లాన్-బీ’గా మచిలీపట్నం–విజయవాడ–గుంటూరు ప్రాంతాన్ని…
ఏపీ మాజీ సీఎం జగన్ తన అజ్ఞానపూరితమైన వ్యాఖ్యలతో నిత్యం వార్తల్లో నిలుస్తున్న సంగతి తెలిసిందే. జగన్ ప్రెస్ మీట్…
సినిమాల్లో డ్యూయల్ రోల్స్ తో మెప్పించిన హీరో విజయ్ ఇప్పుడు రాజకీయ రంగంలోనూ అదే తరహాలో రెండు నియోజకవర్గాల నుంచి…
అమెరికా-ఇరాన్ యుద్ధం ఇప్పుడు కేవలం భూమి, ఆకాశానికే పరిమితం కాకుండా సముద్ర గర్భంలో ఉన్న ఇంటర్నెట్ వ్యవస్థపై కూడా నీలినీడలు…
రోటీన్ కు తగ్గట్లు వ్యవహరిస్తే కిక్ ఏముంటుంది? వినూత్న ఆలోచనలకు వేదికగా హైదరాబాద్ మహానగరం సాగుతోంది. ఇందులో భాగంగా సరికొత్త…
వసూళ్ల లెక్కల్లోనే కాదు చాలా విషయాల్లో దురంధర్ ది రివెంజ్ ఎవరికీ అందని రికార్డులు సొంతం చేసుకుంటోంది. భారతీయ సినీ…