మెరుగైన ఛాయిస్ కోసం రావిపూడి వేట

మన శంకరవరప్రసాద్ గారు రూపంలో చిరంజీవికి బ్లాక్ బస్టర్ కానుక ఇచ్చి రెమ్యునరేషన్ తో పాటు రేంజ్ రోవర్ కారు గెలుచుకున్న దర్శకుడు అనిల్ రావిపూడి నుంచి నెక్స్ట్ సినిమా అనౌన్స్ మెంట్ ఇంకా రాలేదు. 2027 సంక్రాంతి విడుదలనే విషయం కన్ఫర్మ్ అయ్యింది కానీ ఎవరెవరు ఉంటారనే దాని మీద ఇంకా క్లారిటీ రాలేదు.

విక్టరీ వెంకటేష్ హీరోగా నటించబోయే ఈ ఎంటర్ టైనర్ కు చాలా అంటే చాలా పొడవైన టైటిల్ ఫిక్స్ చేశారట. అదేంటో బయటికి రాలేదు కానీ అనిల్ ఒక ఇంటర్వ్యూలో చెప్పినట్టు పేరు నుంచే ఇది ప్రేక్షకుల్లో టాక్ అఫ్ ది టౌన్ అయ్యేలా ఉంది. డిజైన్ కూడా వెరైటీగా ఉంటుందట.

అసలు సమస్య వేరే ఉంది. ఇందుల ఇంకో హీరో ఉన్నాడు. లీక్ ప్రకారం అది బావమరిది క్యారెక్టర్. తొలుత ఫహద్ ఫాసిల్ పేరు బలంగా వినిపించినప్పటికీ అనిల్ రావిపూడి మాత్రం కార్తీ కోసం గట్టిగా ట్రై చేస్తున్నారట. మార్కెట్, ఇమేజ్ కోణంలో చూసుకుంటే తెలుగుతో పాటు తమిళంలో కూడా వర్కౌట్ చేసుకోవచ్చు కాబట్టి ఆ దిశగా ఫైనల్ చేసుకునేందుకు ప్రయత్నాలు జరుగుతున్నాయని సమాచారం.

కార్తీకి కథ నచ్చితే మల్టీస్టారర్ చేస్తాడు. గతంలో నాగార్జునతో ఊపిరిలో స్క్రీన్ షేర్ చేసుకున్నాడు. పొన్నియిన్ సెల్వన్ లో మెయిన్ హీరో కాకపోయినా ముఖ్యమైన భూమిక పోషించాడు. హిట్ 3లో క్యామియోకు ఎస్ చెప్పాడు.

సో కార్తీ అనేది మంచి ఛాయస్ అవుతుంది. ఫుల్ కామెడీతో నడిచే ఇలాంటి సినిమా కార్తీ చేసి చాలా కాలమయ్యింది. అన్నగారు వస్తారులో కాస్త టచ్ ఇచ్చారు కానీ వర్కౌట్ కాలేదు. రాబోయే సర్దార్ 2 కూడా సీరియస్ జానరే. అనిల్ తో చేతులు కలిపితే మంచి ఫన్ మూవీలో భాగం వహించినట్టు అవుతుంది.

ఇప్పటికైతే అధికారిక ప్రకటన రాలేదు కానీ అంతా ఓకే అనుకున్నాక అనౌన్స్ మెంట్ రావొచ్చు. ఉగాదికి లాంచ్ చేసే ప్లానింగ్ ఉందట. నిర్మాతగా సాహు గారపాటి దాదాపు కన్ఫర్మే. భాగస్వామిగా వేరొకరు ఉండే ఛాన్స్ లేకపోలేదు. ఆదర్శ కుటుంబం షూటింగ్ అయిపోయాక వెంకటేష్ డేట్లు దీనికే కేటాయించబోతున్నారు.