సంక్రాంతి కానుకగా విడుదల కానున్న మెగాస్టార్ చిరంజీవి కొత్త సినిమా వాల్తేరు వీరయ్య నుంచి రెండు రోజుల కిందటే ట్రైలర్ వచ్చింది. అందులో చిరంజీవి ఊర మాస్ అవతారం.. ఆయన మేనరిజమ్స్.. డైలాగ్స్ అన్నీ కూడా అభిమానులను ఆకట్టుకున్నాయి. వింటేజ్ చిరును గుర్తుకు తెచ్చాయి. ముఖ్యంగా ఇందులో కొన్ని పంచ్ డైలాగులు భలేగా పేలాయి.
అందులో ఒకటి.. నేను రికార్డుల్లో ఉండడం కాదు.. రికార్డులే నా పేరు మీద ఉంటాయి అనే డైలాగ్. చిరంజీవి చూడని రికార్డుల్లేవు కాబట్టి అభిమానులు ఈ డైలాగ్తో బాగా కనెక్టయ్యారు. ఐతే ఈ డైలాగ్ కొత్తది కాకపోవడం, ఆల్రెడీ ఒక సినిమాలో ఉన్నదే కావడం విశేషం. మెగాస్టార్ మేనల్లుడైన సాయిధరమ్ తేజ్ హీరోగా నటించిన విన్నర్ సినిమాలో సేమ్ డైలాగ్ ఉండడం గమనార్హం.
2017లో గోపీచంద్ మలినేని దర్శకత్వంలో సాయిధరమ్ తేజ్ హీరో గా తెరకెక్కిన విన్నర్ సినిమాలో పోలీస్ క్యారెక్టర్లో నటించాడు కమెడియన్ పృథ్వీ. అందులో ఆయన పాత్ర పేరు.. సింగం సుజాత. ఈ చిత్రంలోని ఓ సన్నివేశంలో హీరోయిన్ పోలీస్ స్టేషన్ కి వెళ్ళినప్పుడు సింగం సుజాత ఓ డైలాగ్ చెబుతాడ ” రికార్డ్స్ లో నా పేరు ఉండడమేంట్రా.. నా పేరు మీదే రికార్డ్స్ ఉంటాయి. సుజాత.. సింగం సుజాత” అంటూ పవర్ ఫుల్గా ఉంటూనే సెటైరికల్గా ఈ డైలాగ్ రాశారు.
ఈ డైలాగ్నే యాజిటీజ్ వాల్తేరు వీరయ్య ట్రైలర్ లో చిరంజీవి చెప్పడం చూసి అందరూ షాకవుతున్నారు. రెండు వీడియోలను పక్క పక్కన పెట్టి.. ఇంత గుడ్డిగా డైలాగ్ కాపీ కొట్టేశారేంటి అని ఆశ్చర్యపోతున్నారు నెటిజన్లు. ఈ సినిమాను నిర్మించిన మైత్రీ మూవీ మేకర్స్ నిర్మాణంలో దీనికి సమాంతరంగా తెరకెక్కిన వీరసింహారెడ్డి చిత్రాన్ని రూపొందించింది విన్నర్ దర్శకుడే కావడం విశేషం. అయినా అతడి సినిమాలో ఈ డైలాగ్ ఉన్న సంగతి ఎవరూ గుర్తించకపోవడమేంటో?
This post was last modified on January 9, 2023 9:23 am
దర్శకధీర రాజమౌళి, యంగ్ టైగర్ జూనియర్ ఎన్టీఆర్ మధ్య ఎంత బంధం ఉందో చాలాసార్లు బయటపడిందే అయినా ప్రతిసారి కొత్తగా…
సరిగ్గా మూడేండ్ల క్రితం రూ.40 వేలు తులం ఉన్న బంగారం ధర ఇప్పుడు రూ.70 వేల మార్క్ ను దాటిపోయింది.…
టీడీపీ - జనసేన - బీజేపీ కలిసి కూటమి కట్టాక, కూటమి మేనిఫెస్టోలో చంద్రబాబు ఫొటోతోపాటు పవన్ కళ్యాణ్ ఫొటో…
ఎన్నికల వేడి తారాస్థాయిలో ఉండటం వల్ల పవన్ కళ్యాణ్ సినిమాల గురించి ఆలోచించడం లేదు కానీ అభిమానులు మాత్రం ఈ…
కడప ఎంపీగా పోటీలో ఉన్న కాంగ్రెస్ పీసీసీ చీఫ్ వైఎస్ షర్మిల.. తాజాగా షాకింగ్ కామెంట్స్ చేశారు. తనను కడప…
పవర్ స్టార్ పవన్ కళ్యాణ్ కెరీర్ లోనే భారీ బడ్జెట్ ప్యాన్ ఇండియా మూవీగా రూపొందుతున్న హరిహర వీరమల్లు రెండు…