ఇప్ప‌టిదాకా ఉన్న నిబంధ‌న‌ల ప్ర‌కారం అయితే థియేటర్లకు వెళ్లే ప్రేక్ష‌కులు త‌మ‌కు ఇష్టం వ‌చ్చిన తినుబండారాల‌ను తీసుకెళ్ల‌వ‌చ్చు. దాన్ని థియేటర్ల యాజ‌మాన్యాలు అడ్డుకోజాల‌వు. ఐతే ఈ నిబంధ‌న‌ను పాటించే థియేట‌ర్లు త‌క్కువ. చాలా వ‌ర‌కు బ‌య‌టి తినుబండారాల‌ను థియేటర్ల యాజ‌మాన్యాలు అనుమ‌తించ‌వు. ఇంటి నుంచి ఏమైనా ఫుడ్ తెచ్చుకున్నా లేదా.. బ‌య‌ట ఏమైనా కొని తెచ్చుకున్నా వాటిని తీసి కౌంట‌ర్ల‌లో పెట్టి త‌ర్వాత తీసుకెళ్ల‌మంటారు.
ఐతే ఇప్ప‌టిదాకా నిబంధ‌న‌ల గురించి అవ‌గాహ‌న ఉన్న వాళ్లు త‌మ వెంట న‌చ్చిన తినుబండారాల‌ను థియేట‌ర్ల‌లోకి తీసుకెళ్లేవాళ్లు. ఈ విష‌య‌మై తరచుగా థియేటర్ల ద‌గ్గ‌ర ఘ‌ర్ష‌ణ చోటు చేసుకుంటూ ఉంటుంది. ఈ నేప‌థ్యంలో థియేటర్ల యాజామాన్యాల త‌ర‌ఫున వేసిన ఓ పిటిష‌న్‌ను విచారించిన సుప్రీం కోర్టు కీలక తీర్పు వెలువ‌రించింది.
థియేట‌ర్ల‌లోకి ప్రేక్ష‌కులు బ‌య‌టి తినుబండారాల‌ను తీసుకెళ్ల‌డానికి వీల్లేద‌ని సుప్రీం కోర్టు తేల్చింది. వాటిని నియంత్రించే హ‌క్కు థియేటర్ల యాజమాన్యాలకు ఉంటుంద‌ని తాజాగా తీర్పు వెలువ‌రించింది. థియేటర్లకు ప్రేక్ష‌కులు వెళ్లేది ఎంట‌ర్టైన్మెంట్ కోస‌మ‌ని.. అలాంటి చోట బ‌య‌టి ఫుడ్ తీసుకెళ్తే నియంత్రించే అధికారం యాజమాన్యాలకు ఉంటుంద‌ని స్ప‌ష్టం చేసింది. లోప‌ల తినుబండారాలు న‌చ్చ‌కుంటే వాటిని కొన‌కుండా మిన్న‌కుండే అవ‌కాశం ప్రేక్ష‌కుల‌కు ఉంది క‌దా అని వ్యాఖ్యానించింది.
మ‌రోవైపు థియేట‌ర్ల‌లో శుభ్ర‌మైన మంచి నీరు ప్రేక్ష‌కుల‌కు ఉచితంగా అందుబాటులో ఉంచాల‌ని కోర్టు స్ప‌ష్టం చేసింది. చిన్న పిల్ల‌ల‌కు అవ‌స‌ర‌మైన మేర త‌ల్లిదండ్రులు ఫుడ్ తీసుకెళ్లేందుకు థియేటర్ల యాజ‌మాన్యాలు అనుమ‌తించాల్సిందే అని పేర్కొంది. ఈ తీర్పు ప‌ట్ల థియేటర్ల యాజ‌మాన్యాలు హ‌ర్షం వ్య‌క్తం చేస్తున్నాయి.
This post was last modified on January 4, 2023 6:15 am
తమిళ సినిమాలో సెన్సేషనల్ జోడీ అంటే శింబు, నయనతారలదే. వీళ్లిద్దరూ కలిసి నటించిన తొలి చిత్రం ‘వల్లభ’ అప్పట్లో పెను…
దేశంలోని ముఖ్యమంత్రుల పనితీరు మీద తరుచుగా సర్వేలు జరుగుతుండటం మనకు తెలిసిందే. ముఖ్యమంత్రుల పనితీరు, ప్రజాదరణను బట్టి వారికి ర్యాంకులు…
వైసీపీ అధినేత, మాజీ సీఎం జగన్.. తన సొంత నియోజ‌క‌వ‌ర్గం పులి వెందుల‌లో ఆదివారం హ‌ల్చ‌ల్ చేసిన విష‌యం తెలిసిందే.…
తెలుగులో కొన్నేళ్ల నుంచి నంబర్ వన్ సంగీత దర్శకుడిగా కొనసాగుతున్నాడు తమన్. వేరే భాషల్లోనూ తరచుగా సినిమాలు చేస్తున్నాడు. తన…
రాప్తాడు పాఠశాలలో పదో తరగతి విద్యార్థినిపై రంపంతో దాడి చేసిన కేసులో కీలక పరిణామం చోటుచేసుకుంది. నిందితుడు హేమంత్‌పై పోలీసులు…
సోషల్ మీడియా వల్ల ఎప్పుడు ఎవరు హీరోలవుతారో, జీరోలవుతారో చెప్పలేం. అనుకోకుండా పాపులారిటీ సంపాదించి రాత్రికి రాత్రి ఫేమస్ అయిపోతుంటారు…