సంక్రాంతి సినిమాలు.. కౌంట్ డౌన్ స్టార్ట్

సంక్రాంతి సినిమాలకు కౌంట్ డౌన్ స్టార్ట్ అయింది. బడా సినిమాలు థియేటర్స్ లోకి రావడానికి ఇంకా కొన్ని రోజులే మిగిలున్నాయి. ఇప్పటికే ఫ్యాన్స్ ఈ సినిమాలకు సంబంధించి రోజులు లెక్క పెట్టడం మొదలెట్టేశారు. ఓవర్సీస్ లో ప్రీ బుకింగ్స్ జోరుగా సాగుతున్నాయి. ఓవర్సీస్ ప్రీ బుకింగ్స్ చూస్తే అక్కడ చిరంజీవి పై బాలయ్యే పై చేయి సాదించే అవకాశం కనిపిస్తుంది.

వరుసగా సాంగ్స్ రిలీజ్ , కాస్టింగ్ ఇంటర్వ్యూ లతో రెండు సినిమాలకు ప్రమోషన్స్ చేస్తున్నారు. ప్రీ రిలీజ్ ఈవెంట్స్ ఏర్పాట్లు కూడా చకచకా జరుగుతున్నాయి. ‘వీర సింహా రెడ్డి’ ప్రీ రిలీజ్ ఈవెంట్ ను ఒంగోలులో జనవరి 6న గ్రాండ్ గా చేయబోతున్నారు. అక్కడ భారీ వేదిక రెడీ అవుతుంది, అలాగే ‘వాల్తేరు వీరయ్య’ ప్రీ రిలీజ్ ఈవెంట్ ను జనవరి 8న వైజాగ్ లో భారీ ఎత్తున చేయబోతున్నారు.

ఇక కోలీవుడ్ లో కూడా తునివు , వరిసు సినిమాల సందడి మొదలయింది. అక్కడ కూడా ఫ్యాన్స్ ఈ సినిమాల గురించే చర్చించుకుంటున్నారు. ఏదేమైనా సంక్రాంతి సినిమాల హడావుడి మొదలవ్వడంతో మూవీ లవర్స్ ఎప్పుడెప్పుడు సినిమాలు చూద్దామా ? అంటూ థియేటర్స్ వైపు చూస్తున్నారు. ఈసారి టాలీవుడ్ సంక్రాంతి బాక్సాఫీస్ దగ్గర ఎవరు బిగ్గెస్ట్ హిట్ కొడతారా ? అంటూ హాట్ హాట్ డిస్కషన్ నడుస్తుంది. మరి 2023 సంక్రాంతి విన్నర్ ఎవరో తెలియాలంటే ఇంకొద్ది రోజులు ఆగాల్సిందే.