పవర్ స్టార్ పవన్ కళ్యాణ్తో హరీష్ శంకర్ సినిమా కోసం అభిమానులు ఎప్పట్నుంచో ఎదురు చూస్తున్నారు. ‘గబ్బర్ సింగ్’ తర్వాత ఎనిమిదేళ్లకు వీరి కలయికలో సినిమాను అనౌన్స్ చేశారు. కానీ రెండేళ్ల పాటు ఈ చిత్రం ప్రకటనలకే పరిమితం అయింది. ఐతే ఎట్టకేలకు ఇటీవలే ఈ సినిమాకు ప్రారంభోత్సవం జరిపారు. ఆదివారం సినిమాకు ముహూర్త వేడుకు నిర్వహించడంతో పాటు ‘ఉస్తాద్ భగత్ సింగ్’ అనే కొత్త టైటిల్, ఫస్ట్ లుక్ పోస్టర్ కూడా లాంచ్ చేసిన సంగతి తెలిసిందే.
ఐతే ఈ సినిమాకు ప్రారంభోత్సవం అయితే జరిపారు కానీ.. ఇప్పట్లో షూటింగ్ ఉండదేమో అని చాలామంది సందేహించారు. కానీ అందరినీ ఆశ్చర్యానికి గురి చేస్తూ సోమవారం ఈ సినిమాకు సంబంధించి కొన్ని సన్నివేశాల చిత్రీకరణ జరిగినట్లు సమాచారం. అలా అని ఈ షెడ్యూల్ ఇలాగే కొనసాగుతుందని అనుకుంటే పొరబాటే. ‘ద్వితీయ విఘ్నం’ సెంటిమెంటు కోణంలో ఈ ఒక్క రోజు ఇలా చేసినట్లు చర్చించుకుంటున్నారు.
హరీష్ దర్శకత్వంలో పవన్ సినిమాను అనౌన్స్ చేశాక ఏం జరిగిందో అందరికీ తెలిసిందే. ఈ ప్రాజెక్టు ఎంతకూ ముందుకు కదల్లేదు. ఒక దశలో ఈ ప్రాజెక్టును పవన్ పక్కన పెట్టేసినట్లు కూడా వార్తలొచ్చాయి. కానీ గత రెండు వారాల్లో అనూహ్యంగా పరిస్థితులు మారిపోయాయి. ఈ ప్రాజెక్టు లైన్లోకి వచ్చింది. కాకపోతే ముందు అనుకున్న కథను పక్కన పెట్టి ‘తెరి’ రీమేక్ను పట్టాలెక్కిస్తున్నట్లు వార్తలొచ్చాయి. అదెంత వరకు నిజమన్నది తెలియడం లేదు.
‘ఉస్తాద్ భగత్ సింగ్’ పేరుతో కొత్త చిత్రాన్ని అనౌన్స్ చేశారు. కథ విషయంలో మాత్రం స్పష్టత లేదు. ఈ సినిమాను సాధ్యమైనంత త్వరగా పూర్తి చేయాలన్నదే పవన్ ఆలోచన అట. ఐతే తర్వాత పవన్ మనసు ఎలా మారుతుందో.. ఈ సినిమా చిత్రీకరణ ఎంత మేర సజావుగా సాగుతుందో తెలియడం లేదు. ఇంతకుముందు అనుభవాలు ఈసారి పునరావృతం కాకుండా.. రెండో రోజు కొన్ని సన్నివేశాలు చిత్రీకరించి అంతా సానుకూలంగా జరగాలన్న సెంటిమెంటుతో చిత్ర బృందం ముందుకు కదులుతున్నట్లు తెలుస్తోంది.
This post was last modified on December 12, 2022 9:44 pm
ఆర్ఆర్ఆర్ సినిమా అద్భుత విజయం సాధించినప్పటికీ.. ఆ చిత్రంలో రామ్ చరణ్తో పోలిస్తే జూనియర్ ఎన్టీఆర్ పాత్రలో అంత బలం…
ఏపీలో జరుగుతున్న సార్వత్రిక సమరం.. ఓ రేంజ్లో హీటు పుట్టిస్తోంది. ప్రధాన పక్షాలైన.. టీడీపీ, వైసీపీ, జనసేనలు దూకుడుగా ముందుకు…
టీడీపీ అధినేత చంద్రబాబుపై తెలంగాణ ముఖ్యమంత్రి రేవంత్ రెడ్డి సంచలన వ్యాఖ్యలు చేశారు. "చంద్రబాబు నాకు గురువని ఎవడన్నాడు. బుద్ధి…
ఆంధ్రప్రదేశ్లో అత్యంత ప్రతిష్టాత్మకంగా జరగబోతున్న అసెంబ్లీ ఎన్నికలకు ఇంకో వారం కూడా సమయం లేదు. ఈ ఎన్నికల్లో అందరి దృష్టినీ…
మలయాళంలో గత దశాబ్ద కాలంలో తిరుగులేని పాపులారిటీ సంపాదించిన నటుడు ఫాహద్ ఫాజిల్. లెజెండరీ డైరెక్టర్ ఫాజిల్ తనయుడైన ఫాహద్…
సోషల్ మీడియా, టీవీ ఛానల్స్ పెరిగిపోయాక అనుకరణలు, ట్రోలింగ్ లు విపరీతంగా పెరిగిపోయాయి. త్వరగా వచ్చే పాపులారిటీ కావడంతో ఎలాంటి…