థియేటర్ ఎక్స్ పీరియన్స్ అంటే కేవలం ఆర్ఆర్ఆర్ లాంటి గ్రాఫిక్స్ కాదు, కాంతార లాంటి డిఫరెంట్ జానర్సూ కాదు. ఎందుకంటే ఇవి అరుదుగా జరిగే ప్రయత్నాలు. మహా అయితే రెండేళ్లకు మూడు నాలుగు వస్తాయి అంతే. మిగిలిన టైంలో జనాన్ని థియేటర్ కు రప్పించాలంటే కావాల్సింది మాస్ బొమ్మలే. గత కొన్ని నెలలుగా హీరోయిజంతో విజిళ్లు కేకలు పెట్టించే తెలుగు స్టార్ హీరో బొమ్మ సరిగా పడలేదు. ఈ మధ్యే విడుదలైన సుడిగాలి సుధీర్ గాలోడు సినిమా గురించి ఒక్కరూ పాజిటివ్ గా మాట్లాడింది లేదు. కానీ మొదటి వారం పూర్తి కాకుండానే మూడు కోట్ల షేర్ కు దగ్గరగా వెళ్లడం చూసి ఎవరికి నోటా మాట రావడం లేదు.
ఇదంతా మల్టీప్లెక్సుల నుంచి వచ్చిన కలెక్షన్ కాదు. బిసి సెంటర్ల సింగల్ స్క్రీన్ల నుంచి రాబడుతున్న లెక్క. అసలు మూడో రోజైనా ఉంటుందా లేదానే అనుమానాలకు తెరదించుతూ కొన్ని చోట్ల రెండు వారాలు గ్యారెంటీ రన్ కు స్క్రీన్లను లాక్ చేసుకుంది. దీన్ని బట్టి మాస్ ఆడియన్స్ ఎంత కరువులో ఉన్నారో అర్థం చేసుకోవచ్చు. గాలోడు చూశాక సుధీర్ మంచి కథలను ఎంచుకుంటే గొప్ప ఫలితాలు అందుకోవచ్చనే మాట అందరి నోటా వినిపిస్తోంది. అసలు విషయమే లేని ఇలాంటి సినిమానే ఇంతగా ఆడితే కంటెంట్ బలంగా ఉంటే గట్టిగా కొట్టొచ్చనేది అభిమానుల మాట.
మరి సుధీర్ కే ఇంత రేంజ్ రెస్పాన్స్ వస్తే ఇక జనవరిలో రాబోయే వాల్తేర్ వీరయ్య, వీరసింహారెడ్డిలకు ఏ స్థాయి ఊచకోత ఉంటుందో అర్థం చేసుకోవచ్చు. జస్ట్ పర్లేదనే టాక్ వచ్చినా చాలు సంక్రాంతి అడ్వాంటేజ్ తో చిరు బాలయ్య రికార్డులను మడత పెట్టేస్తారు. సీతారామం, బింబిసార, కార్తికేయ 2, యశోద, గాడ్ ఫాదర్ ఫలితాలు బ్లాక్ బస్టర్స్ నుంచి యావరేజ్ దాకా బాగానే ఉన్నా మాస్ కి పూర్తి స్థాయి గూస్ బంప్స్ ఇచ్చినవి కాదు. అందుకే ఆ లోటుని తీర్చే బొమ్మలు రావాలి. ఒకవేళ రవితేజ డిసెంబర్ 23న ధమాకాతో ఏదైనా సర్ప్రైజ్ ఇస్తే సంతోషం లేదంటే సంక్రాంతి దాకా ఎదురు చూడాల్సిందే.
This post was last modified on November 23, 2022 12:32 pm
ఏపీ సీఎం చంద్రబాబుకు కేంద్రం చేసిన ప్రతిపాదన తీవ్ర సంకట స్థితిలోకి నెట్టేసింది. పాలమూరు-రంగారెడ్డి ప్రాజెక్టుకు అనుమతి ఇవ్వాలంటూ.. కేంద్ర…
దాదాపు రెండేళ్ల తర్వాత.. ఏపీలో మరోసారి ఎన్నికలకు రంగం రెడీ అవుతోంది. గ్రామ పంచాయతీ సహా.. స్థానిక సంస్థల ఎన్నికలకు…
పెద్ది రీ రికార్డింగ్ ఎక్కడిదాకా వచ్చిందో ఇంకా క్లారిటీ లేదు. అడుగుదామంటే దర్శకుడు బుచ్చిబాబు బయట కనిపించే పరిస్థితిలో లేరు.…
తెలంగాణలోని సింగిల్ థియేటర్లలో అద్దె విధానానికి స్వస్తి పలికి పర్సంటేజీ పద్ధతిని తీసుకురావాలని ఇక్కడి ఎగ్జిబిటర్లు ఎప్పట్నుంచో డిమాండ్ చేస్తూ…
తినుబండారాలు అంటే చాలా మందికి అర్థం కాదేమో. ఎందుకంటే మనోళ్లంతా ఇప్పుడు ఆ తినుబండారాలకు స్నాక్స్ అని పేరు పెట్టుకున్నారు…
తాజాగా జరిగిన తెలంగాణ ఎగ్జిబిటర్ల సమావేశంలో సింగల్ స్క్రీన్లకు పర్సెంటేజ్ విధానం అమలు చేయడం గురించి పెద్ద చర్చే జరిగింది.…