ఏజెంట్ ఏం చేస్తున్నట్లు?

వచ్చే సంక్రాంతి పోటీలో ఊహించని విధంగా అఖిల్ అక్కినేని ‘ఏజెంట్’ వచ్చి చేరింది. ఆదిపురుష్ రిలీజ్ వాయిదా పడనుందనే సమాచారంతో ఆ సినిమాను సంక్రాంతి బరిలో నిలిపారు. అయితే ఈ సినిమాకు ప్రేక్షకుల్లో భారీ అంచనాలేమి లేవు. టీజర్ బాగున్నా చివర్లో వీడియో గేం ను తలిపించిందనే కామెంట్స్ అందుకుంది. ఇక ఫస్ట్ లుక్ పోస్టర్, అఖిల్ లుక్స్ కూడా పెద్దగా హాట్ టాపిక్ అవ్వలేదు.

నిజానికి ఈ సినిమాకు భారీ బడ్జెట్ పెడుతున్నారని , అఖిల్ మార్కెట్ కి మించి రెండింతలు ఖర్చు చేస్తున్నారని టాక్ ఉంది. సురేందర్ రెడ్డి ఈ సినిమా కోసం భారీ సెట్స్ , అబ్రోడ్ షూట్ ఇలా చాలానే అడుగుతున్నాడు. ముందుగా వేసుకున్న బడ్జెట్ ఎప్పుడో దాటేసిందని తెలుస్తుంది. ఈ ప్రాజెక్ట్ లో దర్శకుడు సురేందర్ రెడ్డి , అఖిల్ ఇద్దరూ నిర్మాతలుగా పార్ట్ అవుతున్నారట. ఇద్దరూ రెమ్యునరేషన్ లేకుండా పనిచేస్తున్నారని అంటున్నారు.

ఇప్పటికే సురేందర్ రెడ్డి బేనర్ పేరు పోస్టర్ పై పడింది. అఖిల్ మాత్రం రిలీజ్ తర్వాతే తనకి రెమ్యునరేషన్ ఇవ్వమని నిర్మాతకి చెప్పి ఈ ప్రాజెక్ట్ సైన్ చేశాడట. ఏదేమైనా సంక్రాంతికి వస్తున్న వీర సింహా రెడ్డి , వాల్తేరు వీరయ్య సినిమాలకు భారీ ప్రమోషన్స్ జరుగుతున్నాయి. మరి వీటి మధ్యలో రాబోతున్న అఖిల్ సినిమాకు ఇంకా భారీ ప్రమోషన్స్ అవసరం. ఇప్పటి వరకూ సినిమాకు భారీ హైప్ ఏమి రాలేదు. ట్రైలర్ నుండి అయినా ఈ సినిమాపై ఎక్స్ పెక్టేషన్స్ పెరుగుతాయేమో చూడాలి. ఏదేమైనా ఏజెంట్ కి గట్టి ప్రమోషన్స్ చేయాల్సి ఉంది. లేదంటే ఆడియన్స్ సంక్రాంతి బరిలో ఈ సినిమాను పట్టించుకోరు.