ఇటీవలే బెంగళూరులో జరిగిన ఫిలింఫేర్ సౌత్ అవార్డుల్లో అఖండకు చోటు దక్కకపోవడం పట్ల నందమూరి అభిమానుల నుంచే కాదు సగటు మూవీ లవర్స్ నుంచి సైతం ఆశ్చర్యం వ్యక్తమయ్యింది. మొత్తం పుష్ప హవా నడవటం మీద ఇప్పటికే సోషల్ మీడియాలో పలు కామెంట్లు వచ్చి పడుతున్నాయి. ఈ రెండు గత ఏడాది డిసెంబర్ నెలలో విడుదలైనవే. వరల్డ్ వైడ్ లెక్కల్లో రెవిన్యూ పరంగా వ్యత్యాసం ఉండొచ్చు కానీ తెలుగు రాష్ట్రాల వరకు చూసుకుంటే పుష్ప కంటే అఖండనే బయ్యర్లకు ఎక్కువ లాభాలు ఇచ్చిన మాట వాస్తవం. బన్నీ మూవీ కొన్ని నష్టాలు తెచ్చిందని దర్శకుడు తేజ ఇటీవలే చెప్పడం ఇంకా హాట్ టాపిక్ గానే ఉంది.
ఫిలింఫేర్ అనేది ఏదో ప్రమాణాలు పెట్టుకుని నేషనల్ అవార్డులా ఇచ్చేది కాదు. అన్ని కమర్షియల్ సినిమాలనూ ఇందులో పరిగణనలోకి తీసుకుంటారు. ఆ మాటొస్తే పుష్ప ఒక అడవి సంపదను దోచుకుని డాన్ గా ఎదిగే స్మగ్లర్ కథ. కానీ అఖండ అలా కాదు. బాలయ్య పోషించిన అఘోరా పాత్ర ద్వారా హిందూ మత తత్వాన్ని గొప్పదనాన్ని చెబుతూనే కమర్షియల్ ఎలిమెంట్స్ ని జొప్పించిన ఎంటర్ టైనర్. పోలిక పరంగా చూసుకున్నా బెటర్ కంటెంట్ అఖండలోనే ఉందనేది బాలయ్య ఫ్యాన్స్ వాదన. పెర్ఫార్మన్స్ కోణంలో చూస్తే అల్లు అర్జున్ బాలకృష్ణ ఎవరినీ తక్కువ చేయలేం కానీ ఇంకా ఇతర విభాగాలు ఉన్నాయిగా.
ఈ ఫిలిం ఫేర్ నిర్వహించేది బాలీవుడ్ సంస్థలు కాబట్టి వాళ్లకు పుష్ప నార్త్ లో సాధించిన ఘనవిజయం కొలమానంగా కనిపించి ఉండొచ్చు. అఖండను ఆ టైంలో హిందీ డబ్బింగ్ చేసి థియేటర్లలో వదల్లేదు. దానివల్లే అది అక్కడి ఆడియన్స్ కి రీచ్ కాలేకపోయింది. తర్వాత హాట్ స్టార్ లో చూసిన వాళ్ళు ఇది బిగ్ స్క్రీన్ ఎక్స్ పీరియన్స్ కదా అనుకున్నారు. ఇదంతా అఖండని మెచ్చుకోవడమో పొగడటమో కాదు. కమర్షియల్ సినిమాలకు పురస్కారాలు ఇచ్చేటప్పుడు ఒకదాని మీదే ఫోకస్ ఎక్కువ కావడం వల్ల వచ్చే చిక్కే ఇదంతా. రాష్ట్రప్రభుత్వాలు ఇవ్వాల్సిన నంది అవార్డులు కనుమరుగయ్యాక వీటి ప్రాధాన్యం పెరిగిపోయింది.
This post was last modified on October 11, 2022 11:33 am
టిల్లు స్క్వేర్ తో ఏకంగా వంద కోట్ల బ్లాక్ బస్టర్ ఖాతాలో వేసుకున్న సిద్దు జొన్నలగడ్డ ఒకపక్క జాక్, తెలుసు…
కొందరు డైరెక్టర్లు నిదానమే ప్రధానం సూత్రం పాటిస్తారు. నెంబర్ కన్నా నాణ్యత ముఖ్యమని ఆ దిశగా స్క్రిప్ట్ కోసమే సంవత్సరాలు…
వేసవిలో కీలక సమయం వచ్చేసింది. స్కూళ్ళు, కాలేజీలకు పూర్తి స్థాయి సెలవులు ఇచ్చేశారు. జనాలు థియేటర్లకు వెళ్లేందుకు మంచి ఆప్షన్ల…
ఏపీలో తలెత్తిన ఎన్నికల గుర్తు రగడ మరో మలుపు తిరిగింది. జనసేనకు కేటాయించిన ఎన్నికల గుర్తు గాజు గ్లాసును స్వతంత్ర…
టాలీవుడ్ దర్శకుల్లో క్రిష్ జాగర్లమూడిది డిఫరెంట్ స్టైల్. ‘గమ్యం’ లాంటి సెన్సేషనల్ మూవీతో మొదలుపెట్టి ఆయన వైవిధ్యమైన సినిమాలతో తనకంటూ…
ప్రస్తుతం తమిళ, తెలుగు భాషల్లో మోస్ట్ వాంటెడ్ లేడీ ఆర్టిస్టుల్లో వరలక్ష్మి శరత్ కుమార్ ఒకరు. ఆమె ఓవైపు లీడ్…